NAVENDA NÛÇEYAN – Înîsiyatîfa Defend Kurdistan bang kir ku wê ji 30’ê Mijdarê heta 3’ê Berfenbarê li dijî bikaranîna çekên kîmyewî çalakiyên cîhanî bên li darxistin.
Înîsiyatîfa Kurdistanî û dostên wê ve cihê xwe di nav de digirin, wê ji 30’ê Mijdarê heta 3’ê Berfenbarê li seranserê cîhanê ji bo skandal û protestokirina bikaranîna çekên kîmyewî ji aliyê dewleta Tirk a dagirker ve dest bi çalakiyan bike.
Daxuyaniya nivîskî ya Înîsiyatîfê wiha ye;
Em sûcên we dibînin! – Li Kurdistanê şerê kîmyayî bisekînin!
“Ti carî Tirkiye ji sala 2022’an zêdetir sûcên şer nekiribû. Dagirkeriya Tirkiyê ya li Kurdistanê bûye sedema gelek bûyerên sûcên şer, di nav wan de bikaranîna tund a çekên kîmyayî û êrîşên balafirên bê mirov. Balkêşiya navneteweyî ya li ser şerê li Ukraynayê nikare ji bo veşartina wan sûcên were bikar anîn.
Tevî îdiayên cidî yên derbarê bikaranîna çekên kîmyewî ji aliyê Tirkiyê ve, civaka navnetewî û saziyên wê yên berpirsyar ên weke OPCW heta niha ji Tirkiyê hesab negirtin û ew îhmal dikin ku bi cidî li ser mijarê lêkolîn bikin. Hem ji ber êrîşên Tirkiyê yên di sala 2018/19’an de li ser Bakur-Sûriye/Rojava ku bi awayekî eşkere hiqûqa navneteweyî binpê dike, hem jî ji ber hewldanên dagirkeriyê yên li Başûrê Kurdistanê/Bakur-Iraqê, protestoyan navneteweyî yên berdewam tên lidarxistin.
Bertekên rayedarên hikûmetê an jî nûnerên rêxistinên navneteweyî yên heta niha herî zêde di navbera xemsariyê û astengiyên aktîf de xuya dikin. OPCW raporên ji rojnamevan û lêkolîneran qebûl nake. Her wiha hemû daxwazên ji laboratuarên welatên cuda yên ji bo analîzkirina nimûneyên ku ji posisyonan gerîlayan ên li Başûrê Kurdistanê bi çekên kimyewî birin Ewropayê, hatin redkirin. Ev han dide dewleta Tirk ku bêyî hêviyên hesabpirsînê siyaseta xwe ya sûc bidomîne. Di heman demê de gelek hikûmetên cîhanê êrîşên Tirkiyeyê yên li dijî gelê Kurd û tevgera azadiyê weke çalakiya xweparastinê û têkoşîna li dijî terorê rewa nîşan dan.
Wisa xuya dike ku Tevgera Azadiya Kurdistanê bi paradîgmaya xwe ya radîkal a demokrasî, ekolojî û azadiya jinê ku ji aliyê Rêberê xwe yê girtî Ocalan ve hatiye pêşxistin, li pêşiya berjewendiyên hêzên hegemonîk ên herêmî û navneteweyî asteng e. Gotina “Jin Jiyan Azadî” ku ji Rojhilat (Rojhilatê Kurdistanê) heta serhildanên Îranê belav bû û niha li hemû cîhanê tê qîrîn, bû slogana têkoşîna azadiya jinê. Ji bo bêdengkirina banga azadiyê ya jinan û gelan ew amade ne ku van sûcên şer ên dijmirovî pêk bînin.
Em sûcên we dibînin! Ji ber vê yekê jî weke civak û hêzên demokratîk em ê li gorî xete daxwazên jinan û gelên herêmê weke tevgera hevpar a gerdûnî bikevin nava tevgerê û li hemberî sûcên şer û hevkariyên hikûmetên xwe bêdeng nemînin. Em nikarin bêdeng bimînin.
Sûcên şer ên berdewam ên Tirkiyê bi awayekî eşkere nîşan dide ku Tirkiye ji bêdengiya civaka navneteweyî cesaret girtiye û difikire ku destur hatin dayin hingê li ku derê bixwaze sûcên şer bike. Encama nebaş a vê bêdengiyê tê wateya hevkarê sûcên şer ên Tirkiyeyê.
Civaka navneteweyî li şûna ku teslîmî organîzekirina Tirkiyê ya endametiya NATO yê bibe, divê civaka navneteweyî îdiayên bikaranîna çekên kîmyewî ciddî bigire û bi pisporên ku li ser mijarê binere û dextê li Tirkiyê bike ku dev ji sûcên şer li Başûrê Kurdistanê/Bakur-Iraqê û li her deverê berde.
Ji 30’ê Mijdarê heta 3’ê Berfanbarê di roja bîranîna hemû qurbaniyên şerê kîmyewî ya Neteweyên Yekbûyî de, em bang we dikin ku bi afirînerî û hevgirtina tevbigerin û çalaki bikin (mesele wek nimûne şanoya kolanan, flaş mob, çalakiyên stadyûmê, pêşandana vîdyoyê hwd.) û di 3’ê Berfanbarê de li herêmên xwe tevlî çalakiyan bibin.
Em sûcên we dibînin! Werin em bêdengiya sûcdar û şirîkatî bişkînin ya ku destûrê dide dewletan ku berjewendiyên xwe bidin pêşiya mafên mirovan û çavên xwe ji binpêkirina peymanên ku divê biparêzin.
Ji hevkarîya hikûmetên di asta sûcdarkirinê de, divê bersiva me yekîtî û hevgirtina gelan be!
Inisiyatîfa Defend Kurdistan
PS: Dîmen û wêneyên çalakiyên xwe ji [email protected] re, bi agahiya kî, kenge, kûderê, çima, çî çalakiyê kir, bişînin. Em ê ji bo xebatên ragihandinê bikarbînin.”
