NAVENDA NÛÇEYAN – Li hemberî qetilkirina Jîna Emînî ya 22 salî ji aliyê ‘Polîsên Exlaqê’ yên Faşîst a Îranê, Serhildan li bajarên Rojhilatê Kurdistanê ev 6 roje dewam dikin. Li Rojhilatê Kurdistanê û Îranê bi hezaran kes bi rojane li qadane û rêjîma faşîst ya Îranê qebûl nakin.
Gerîlayên Rojhilatê Kurdistanê û endamên KCR (Komalên Ciwanên Rojhilat) û YJCR (Yekîtiya Jinên Ciwan ên Rojhilat) li ser raperînên Rojhilatê Kurdistanê bi ajansê me re axifîn û bang li ciwan û jinên ciwan kirin.
Brûsk Egîd endamê KCR derbarê serhildanên dawî de ku li Rojhilatê Kurdistan û Îranê rû didin ev anî ser ziman; “Li Rojhilatê Kurdistanê û Îranê serhildaneke gelekî xurt heye. Serhildan li ser esasê qetlîama jinê ye. Divê ciwan bi coşeke mezin beşdarî van serhildanan bibin. Rihê van serhildanan rihê ciwanan e. Slogana van serhildanan bi awayekî eşkere ji ramanên Rêber Apo hatiye îlham girtin. Divê ciwan rêya dîrokî ya heta roja îro hatiye bidomînin. Divê ji rewsa parastinê derkevin û êrîş bikin û dijmin bin pê bikin. Divê ciwanên hemû herêmên Rojhilatê Kurdistanê beşdarî meşa vê şoreşê bibin.”
Sîrwan Qendîl endama YJCR di bangewaziya xwe ji bo jinên ciwan got: “Kuştina her jinekê sedema şoreşê ye,”. Weke ku tê zanîn li Seqiz heta li zanîngehên Tehranê jî bi pêşengiya jin û ciwanan gel daketiye kolanan. Duh sedema van serhildanan Şilerî Resûlî û îro jî Zîna Emînî bû. Li vir rastiya rejîma dagirker a Îranê derdikeve pêş. Em wan helwestên gel silav dikin. Helwestek exlaqî û welatparêzî ye. Dirûşma Jin, Jiyan, Azadî bi têkoşîna Rêber Apo li Bakurê Kurdistanê dest pê kir. Îro li kolanên Seqiz, Dîwandere, Merîwan, Sine û Zaningehên Tehranê tê gotin û bûye serdema Şoreşê. Weke ku Rêber Apo destnîşan kiriye, şoreşa Rojhilatê Kurdistanê bi pêşengiya jinan wê bi ser bikeve.”
Newal Riha endama YJCR’ê jî di nirxandinên xwe de bal kişand ser têkoşîna li dijî rêjîma faşîst ya Îranê û got; “Di serî de serhildanên li Rojhilatê Kurdistanê û Îranê em silav dikin. Bê guman pêvajoyekî wiha girîng de, pêvajoyekî wiha hesas de serhildanên bi vî rengî li hemberî zihniyeta zilamsalarî, li hemberî metîngeriya Îranê, li hemberî dagirkeriya Îranê pêşxistin pir girîng, watedar, dîrokî û bi nirx e. Ji bo vê jî em silav dikin. Dema em encamê vê serhildanê mêze dikin sedema êrîşekî li ser jinekî ev serhildan îro pêkhatiye. Heya wê keliyê jî kolanên Rojhilatê Kurdistanê û Îranê berdevam dike. Ji bo vê gotina Rêber Apo ku dibêje “ Êrîşa li ser jinekî, kuştina jinekî, zewaca bi temen biçûk ya jinekî ji bo me dibe sedema şoreşê.” Careke din gelê me yê Rojhilatê Kurdistanê û Îranê ev piştrast kirin. Ku sedema êrîşkirina li ser jinekî, êrîşa dagirkeriyê bû sedem ku gelê me yê Rojhilatê Kurdistanê û Îranê derkevin qadan bi sloganên herî radîqal li hemberî metîngeriya Îranê qîr bikin. Slogana “Jin, Jiyan, Azadî” “Kurdistan Goristan ji bo Faşîstan” bê guman sloganên pir girîngin, pir watedarin. Ev slogan bê guman rêjîmê metînger ya Îranê wê birûxîne. Lê belê pêwîste ev serhildan tenê rojek an jî du rojan re sînordar nemîne. Pêwîste serhildanên ku îro li Rojhilatê Kurdistan û Îranê didomin pêwîste bibe sedem ku em şoreşa demoqrasiyê li Rojhilatê Kurdistan û Îranê bikin. Bi taybetî slogana “Jin jiyan Azadi” ya ku kolana Rojhilatê Kurdistanê û Îranê hate qirîn, deng veda em dibînin ku gelê Rojhilatê Kurdistanê ne tenê li hemberî wê êrîşê bi awayekî ango bi nêzîkatiyekî feodal nêzbûn, ne tenê weke namûs dîtin û ji bo namûsa xwe biparêzin derketin kolanan. Slogana “Jin, Jiyan Azadî” “Kurdistan Goristan ji bo Faşistan” dide diyar kirin ku gelê Rojhilatê Kurdistan wê yekê pir baş dizane ku êrîşa ji ser Jîna Amînî, êrîşa li ser Şilêr êrîşa li ser tevahî jinan e, êrîşa li ser tevahî gelan e, êrîşa li ser tevahî gelê Kurd e. Ji ber vê yekê sloganên bi vî rengî tê gotin. Em ji gelê xwe yê Rojhilatê Kurdistan û Îranê re dibêjin ku em bi rih û can gel we ne. Weke Rêber Apo jî dibêje jin û ciwan pêşengê civakê ne. Ji ber vê lazimee jinên ciwan ên Rojhilatê Kurdistanê û Îranê pêşengtiyê herî xurt bikin.”
NC// Hêmin Bêkes
