DIRBÊSIYÊ – Li Dirbêsiya ji aliyê Tevgera Ciwanên Şoreşger û Yekîtiya Jinên Ciwan ve, çalakiya konvedanê hatiye li darxistin. Çalakiyê ciwanan îro di roja xwe ya duyemîn de dewam kir. Bi amadebûna mêvanên ji Saziya Malbatê Şehîdan çalakî di roja xwe ya duyemîn de bi dawî bû. Mêvanên ku beşdarî çalakiyê bûne ji ajansa me re, derbarê vê çalakiya konvedanê de nêrînên xwe anîn ziman û dan diyarkirin ku ev kon kona rûmetê ye, ji bo vê pêwîste her kes tevlî vê çalakiyê bibe.
Planên ku dagirkeran dane destpêkirin, planên demkî nînin
“Navê min Foze Yûsif, cihê xwe di Saziya Malbata Şehîdan de digirim. Ji xwe ev roja yekemîne em derbasî kona çalkaiyê, kona rûmetê, kona berxwedana gel, kona ku ji bo tecrîda ser serokatî tê kirin, ji bo berxwedana ku li çiyayên Kurdistanê û berxwedana tevahî gelan e. Weke seferberî divê hemû gel rabe ser piya, her kes seferber bibe. Ji bo azadî û xwedî derketina li şehîdan divê herkes rabe ser piyan. Di heman demê de ji bo ku xwedî li ramanên Rêber Apo û berxwedana gerîla jî derbikeve. Divê em berxwedaniyan bi tenê nehêlin, em jî bibin perçeyeke ji vê berxwedanê. Li hemberî ev dijminê hovane, divê em jî rabin ser piyan. Dema ku dijmin êrîş bike, ferq naxwe navbera gelan de, kîjan netew be lê dide. Ji bo vê jî divê em weke gelê kurd yekbûna xwe avabikin. Em bi hevre li hember planên dijmin bisekinin. Ev êrîşên ku dagikeriyê dane destpêkirin, planên demkî nînin, li herderê van êrîşên xwe balavkirin e. Ji ber ku ew dixwaze gelê Kurd tune bike. Bi van êrîşan dixwaze dengê mirovatiyê, dengê gelê kurd û hemû dostên wê ve bifetsîne.”
Şerê ku dewleta Tirk, li hember gerîla daye destpêkirin, êdî pîvanên xwe derbas kiriye
“Ji bo vê jî banga me ji bo tevahî malbatê şehîdan, tevahî gelê kurd, tevahî kesên ku xwe siyasî dibînin û tevahî kesên berpirsyar ewe ku ew jî xwe tevlî vê kona rûmetê bikin. Ji ber ku ev kon wê bibe kona azadiya Rêber Apo. Ji bo vê jî em ji hemû kesên ku beşdarî vê konê bûne re rêz nîşan didin, ji ber ku ew jî bi biryar û îdîaya azadiyê tevlî vê konê bûne. Herî dawiyê jî em bang li herkesî dikin ku ew jî derbasî bin vê kona çalakiyê bibin, ew jî dengê xwe li hember dijmin bilind bikin. Ji ber ku çiyayên azad bi hewceya piştgiriyê ye. Şerê ku dewleta Tirk li hember gerîla dide meşandin, êdî pîvanên xwe yên şer derbaskiriye, ji ber ku li hember gerîla çekên kîmyawî jî bikartîne. Ka ew kesên ku dibêjin em mafê mirovan diparêzin li kuderê ne? Divê hêzên navnetewî helwestên xwe yên li hember gelê kurd zelal bikin, êdî di cîhanê de nîvê wê bûye gelê kurd. Ji bo vê jî pêwîste hemû hêzên ku dibêjin em mafê mirovan diparêzin li hember kurdan xwe zelal bikin. Em di dawiyê de careke din hemû çalakvanan silav dikin û silavên xwe ji vê derê heya Îmraliyê ji Rêber Apo re rêdikin.”
Divê em li şervanên xwe yên azadiyê xwedî derbikevin
“Navê min Mihemed Xetîb e. Em weke Saziya Malbata Şehîdan hatine vê derê binî konê ji bo ku piştgiriya vê berxwedana şervanên azadiyê bikin. Em hemû şervanên azadiyê yên di çeperên şer de silav dikin, em ji şervanên xwe re dibêjin ku hûn ne bi tenê ne, hûn zarokên vî gelî ne û gel jî hertim wê li pişt we be. Heya nefesa xwe ya dawiyê, heya ku damarên laşên me hereket bikin, emê berxwedan û têkoşîna şervanê xwe berdewam bikin. Em weke gelê kurd tu carî ji kesî re banga şer nakin, lê dema ku dewleta Tirk bi pişgiriya hemû hêzên navnetewî êrîşî me bike, emê jî xaka xwe biparêzin û li hember van hêzan têkoşîn bikin. Dijmin bi çekên qedexekirî êrîşî ser çiyayên Kurdistanê kir, lê dîsa jî dijmin di wê derê de jî vala derket. Bi hezaran çete anîn ku li hember gerîla şerbikin, lê şervanên me nehêştin ku ew çete bi saxî bighên erdê. Dîsa jî em ji gelê xwe re dibêjin, divê em li şervanên azadiyê xwedî derbikevin, em xeta şehîdên xwe, fikir û ramên Rêber Apo bişopînin. Dîsa ez dibêjim ger dinya hemû jî bi ser me de were wê nikaribe îradeya me bişkîne. Gel îradeye, îradeya wê jî şervanin. Van şervanên azadiyê hêz û îradeya xwe ji gelê xwe girtiye. Gelê me wê hertim li dijî dagirkeriyê bisekine û piştgiriya van şervanan bike. Dewleta Tirk û hevkarên xwe ve çiqas êrîş bikin jî wê nikaribin îradeya gerîla bişkînin. Ev bi salane, hevalên me di wan çiyayan de têkoşîn û berxwedana azadiyê ve dikin. Çiyayê azad ax, welat û jiyana me ye, tu kes nikare ser axa me jiyan bike, tenê em bi xwe dikarin jiyan bikin.”
Em weke gel divê bi hevre xwedî li welat û şervanên xwe ve derbikevin
“Em dijmin şermezar dikin, em êrîşên wan ên ser Şengalê û tevahî herêmên Bakur-Rojhilatê Sûriyê ve jî şermezar dikin. Bila dîsa jî her kes bizanibe îradeya gelê me xorte, gelê me ji bo şoreşê jiyan dike. Hemû netewên cuda jî di nava şoreşa me de jiyan dikin, şoreşa me şoreşeke nav netewî ye, hemû gel di nav de têkoşîn û berxwedanê dike. Ev têkoşîn û berxwedan her ku diçe hîna mezintir dibe. Bi berxwedana şehîdan û îradeya vî gelî em bi serdikevin. Herî dawî em bang li hemû gelan dikin û ji wan re dibêjin em yekîtiya gelan dixwazin. Em weke gel bi hevre xwedî li welat û şervanên xwe ve derbikevin. Em herî dawî dîsa şervanên azadiyê, Rêber Apo, hemû têkoşer û berxwedêran ve silav dikin. Em hertim dibêjin Şehîd Namirin, Bêjî Rêber Apo, em azadiya Rêberê xwe dixwazin.”
