HEZEX – Yekîneyên Parastina Sivîl YPS’ê li ser malpera xwe ya fermî çalakiyên ji bo tolhildana şehîdan, li dijî faşîstan kirine, bi daxuyeniyekê eşekere kirin. Di daxuyaniyê de hate gotin ku ew jî weke gerîlayên bajêr derban li faşîstan dixin û gotin; “Li hember êrîşa herêma Zapê ya li dijî gerîlayan hê bêhtir bi xweparastinê û bi gerîlayên bajêran ve em dikarin bibin bersiv.”
Daxuyanî wiha ye;
3’ê Gulanê şev li saet derdora 9’an li ser rêya Gundê Ereban yê bi ser Hezexê ve sîxurên bi navê Huseyîn Oner û Omer Kaya ji aliyê endamên Tîma me ya Tolhildanê ya Şehîd Brusk a YPS’ê ve bi awayekî profesyonel hatin ceza kirin.
Ev her du kes faîlên şahadeta komekî di bin pêşengtiya Fermandarê Eyaleta Mêrdînê Hewreman (Hasan Mahmudî) û komekî din ya di bin pêşengtiya Hîra (Deniz Orak) de ye.
Li hember êrîşa herêma Zapê ya li dijî gerîlayan hê bêhtir bi xweparastinê û bi gerîlayên bajêran ve em dikarin bibin bersiv. Di vê pêvajoyê de erka ku dikeve ser me hemû gelê me di xeta Şerê Gelê Şoreşgerî de têkoşîn bikin. Di serî de jin û ciwan divê bi rastiya gelê şerker ve her cihê ku lê ye xwe rêxistin bike û xwedî li gerîla derbikeve.
