ŞIRNEX- Rêxistina HDP’ê ya Navçeya Cizîrê li dijî serdegirtina partiya wan di roja 2. de çalakiya nobedê da destpêkirin, di dema nobedê de peyama “Kes nikare dengê HDP’ê kêm bike” hat dayîn.
Rêxistina Navçeya Cizîrê ya Partiya Demokratîk a Gelan (HDP) danê sibê bi armanca şermezarkirina êrîşa polîsan a li ser avahiyên navçeyê û binçavkirina 10 kesan ku Hevserokê HDP’ê yê Cizîrê Mesut Nart jî di nav de ye, “çalakiya nobedê” da destpêkirin. Wekîla HDP’ê ya Şirnexê Nuran Îmîr, Hasan Ozguneş, endamên Meclîsa Dayikên Aştiyê, aktîvîstên Tevgera Jinên Azad (TJA), hevserokên HDP’ê yên navçe û navçeyên Şirnexê, Hevşaredarên Cizîrê Bêrîvan Kutlu, Mehmet Zirig, Hevşaredarên Edaletê yên Silopiyayê. Fîdan û Silêman Şavluk û gelek welatî tevlî bûn.
Beriya “çalakiya nobedê” ya ku dê îro di roja 3. de berdewam bike, dê esnafên li Cizîrê bên ziyaretkirin. Piştre jî danê êvarê wê li ber avahiya HDP’ê ya navçeya Cizîrê “Sifra Axê” bê danîn û bi welatiyan re şîva fitarê bê xwarin.
