AMED – Li çoltarê navçeya Licê ya Amedê operasyona Dagirkirinê hate destpêkirin.
Hêzên artêşa Tirkiyeyê li çoltarê mezraya Arikli ya navçeya Licê ya Amedê dest bi operasyoneke leşkerî kir. Operasyona ku ji hêla Fermandariya Cendirmeyan a Amedê ve hatiye destpêkirin, bi koordîneya Wezareta Karên Hundir ve tê meşandin.
Wezaretê, têkildarî mijarê daxuyaniyek weşand û diyar kir ku operasyon bi tevlibûna hêzên cendirmeyên tîma taybet, (JOH), komandayên cendirme, polîsên tîmên taybet (POH) û cerdewanan hatiye destpêkirin. Wezaretê destnîşan kir ku di operasyonê de 1130 karmend û 73 tîm cîh digirin.
