HESEKÊ – Di dîroka 20’ê Çile de li bajarê Hesekê ji aliyê çeteyên DAIŞ’ê bi desteka dewleta Tirk ya dagirker, hêzên komploger û rêjîma BAAS ve li ser zîndana Sînaa êrîşek hate destpêkirin. Li hemberî wê jî şervanên YPJ, YPG û QSD’ê ve, ji bo parastina welat, gel û civaka xwe ve, di eniyên şer de cihê xwe girtin. Li kêleka Şervanan jî jin, ciwan û tevahî gel cihê xwe di nava berxwedanê de girtin, hemû qadên xwe ji malan heya kolanan ji êrîşan parastin.
Di heman demê jinên ciwan ên ku perwerdeya xweparastinê dibînin perwerdeya çekan didomînin û cihê xwe li eniyên şer û kolanan digirin. Ji ber ku tarîtiya DAIŞ’ê cara duyemîn li Hesekê têk çû, me weke ajansa Nûçe Ciwan mîkrofon radestî jinên ciwan kir. Jinên ciwan diyar kirin ku ew ê bi her awayî axa xwe biparêzin.
“Divê her jinek ciwan cihê xwe di nava vê berxwedanê de bigire”
“Navê min Bêrîtane. Em li vê derê weke jinên ciwan parastina kolanan dikin û piştgirî didin berxwedana şervanên xwe, em alîkarî didin hevalên ku di çepera de li berxwe didin. Em li vê derê kantona Hesekê bi temamî diparêzin. Em weke ciwan û jinên ciwan li ser gotina Rêber Apo ya ku dibêje “Me bi ciwantî destpêkir, emê bi ciwantî bi serbikevin” li kolanan berxwed didin û têkoşîn dikin. Armanca me ji hatina vê derê parastina dîrok, rastî û nirxên xwe ye. Divê her jinek ciwan yê ku niha li me mêze dike ew jî were cihê xwe di nava me de bigire. Ji ber ku ger em jin xwe neparêzin wê kesekî ku me biparêze nîn be, ji bo vê jî divê em werin parastina xwe bikin. Di dawiyê de ez dibêjim, em silavên xwe ji Şervanên YPJ, YPG û QSD’ê û Gerilayan re rêdikin. Emê heya dilopa xwîna ya dawiyê şer bikin û berxwe bidin. Ji bo ku em DAIŞ’ê tune bikin, em her li vê derê bin. Em ji sibehê heya êvarê parastina kolanên xwe dikin, em her nobet digirin li gorî lîsteyê em diçin. Ez serkeftinê ji hemû hevalan re dixwazim”
“ji bo tolhildana şehîdên xwe em li kolanin”
“Navê min Mîdya Ebdulrihmane, cihê xwe di nava Yekîtiya Jinên Ciwan de digirim. Destpêkê em derketine parastina xaka xwe bikin. Armanc ji hatina me ya nava van kolanan parastina welat û gelê xwe ji çeteyên DAIŞ’ê ên ku ji aliyê dewleta Tirk ve êrîş kirine. Em bang li hemû jinên ciwan dikin ku werin dakevin kolanan, ger bi sîleh nikaribin bila her tiştekî ku dîtin agahiya wê bidin ji şervanan re. Emê bi her awayî hewl bidin dijmin ji nava xwe derbixin. Armanca DAIŞ’ê ewe ku ji Hesekê heya Tiltemir hemû bigire bin kontrola xwe û wê radestî hêzên Tirkiyê û Sûriyê ve bikin. Ji xwe di bin van planên êrîşê de destê rêjîma Sûrî û Tirkiyê ve heye. Em derketine vê derê ji bo ku em piştgriya şervanê xwe bikin, ne tenê şervan yê dakevin meydana û şer bikin, parastin ne tenê karê şervana ye. Divê jinên ciwan jî dakevin sahê û parastina xaka xwe bikin, piştgiriya şervanên xwe bikin, tola şehîdên xwe hilînin. Ji ber vê yekê em weke jinên ciwan daketine vê derê û emê her li ser piyan bin, heya dema ku dagirkerî têk biçe.”
“Armanca DAIŞ’ê ew bû ku demoqratîkbûyîna Bakur û Rojhilatê Sûriyê ve xirab bikin”
“Navê min Besma Mihemed e, ez cihê xwe di rêveberiya Tevgera Jinên Ciwan de digrim. Îro em weke jinên ciwan di nava ev rewşa ku herî dawî li Hesekê qewimiye de, êrîşa ku ji hêla çeteyên DAIŞ’ê ve ya ku erdoxan li pişta wê, di nava van kolanan de parastina xaka xwe dikin. Armanca wan ji vê êrîşê ew bû ku demoqratîkbûyîna Bakur û Rojhilatê Sûriyê xirab bikin. Ev êrîşa ku rû daye ne tenê li ser Hesekê ye, li ser tevahî Bakur û Rojhilatê Sûriyê ye.
Em jî weke jinên ciwan xwe li hember van êrîşan berpirsiyar dibînin li hember van êrîşan em derketine kolanan û em cihê xwe li ser rêbendan digrin. Me weke jinên ciwan di sê kolanan de cihê xwe girtiye. Di nava vê hefteyê de jinên ciwan jî bi awakeyî aktîf cihê xwe li kêleka vê berxwedanê girtin, û me hebûna xwe da diyar kirin, em jî alîkariya şervanên xwe dikin. Her dawî em bang li jinên ciwan ên Bakur û Rojhilatê Sûriyê, bi taybet yên Hesekê dikin ku werin cihê li kêleka me di nava van kolanan de bigirin, ji ber ku ev êrîş herî zêde li ser jin bi pêşketiye.”
