BEHDÎNAN – Fermandariya Biryargeha Navenda Parastina Gel (NPG) ji ber çalakiya serkeftî ya ku gerîlayan li Zapê li dar xistin peyameke pîrozbahiyê ji Fermandariya Sewk û Îdare ya Herêmên Parastinê ya Medyayê şandin.
Di peyamê de ev tişt hate diyarkirin:
“Operasyona şoreşger a ku li Girê Şehîd Mûnzûr a Zapê we li dijî hêza dijmin li dar xistiye, operasyoneke serkeftî ye. Vê çalakiya ku wekî tolhildana şehadetên li Zagros û Dêrsimê hatiye kirin, di 8’ê Kanûnê saet di 14.00’an de ji bo hêza dijmin were şikandin û ji bo dorgirtinê hatiye kirin. Di 9’ê Kanûnê de jî saet di 01.00’an de ji 5 milan ve ji nişka ve wer girtine ser hedefan û di nava demeke kurt de îmha kirine, dest danîne ser çek û alavên leşkerî yên dagirkeran. Di vê plansaziyê de tiştek bi hêzên we nehatiye, ev jî asta serkeftinê nîşan dide. Ji ber vê operasyona şoreşger a serkeftî, di şexsê fermandariya we de, Em Fermandariya Eyaleta Zapê û hemû yekîneyên di vê çalakiyê de tevkariya wan hene, pîroz dikin û em li benda serkeftinên we ne.
Rejîma faşîst a qirker hejmara mirî û birîndarên xwe veşartiye û derewa ‘Me jî li wan de, 6 gerîla kuştine’ derxistine pêş. Lê ev derew nikare ser heqîqeta serkeftî bigire. Bi van metodên şer ên psîkolojîk ên ku dixwaze civaka Tirkiyeyê bixapîne, tu rejîma faşîst nikare encamekê bi dest bixe. Tişta heqîqî ev e ku îrade di şexsê fedaiyan de xwe derdixe pêş û di çalakiyê de tiştek bi hêzên we nehatiye.
Li ser esasê ku ev çalakiyên serkeftî mayînde bibe, teqez e ku wê pêngava me ya ‘Dem dema azadiyê ye’ bi ser bikeve. Bi vê bîr û baweriyê em hemû hevrêyên çalakger ên tevlî Operasyona Şoreşger a Zapê bûne û hemû hêzên eyaleta Zapê careke din silav dikin û di têkoşîna wan a azadiya pîroz û demokrasiyê de serkeftinê ji wan re dixwazin.”
