NAVENDA NÛÇEYAN – Ciwanên welatparêz yên APO’yî bang li ciwanên Kurd ên li çar aliyên Ewropa dijîn kir ku tevlî pêngavê bibin.
Daxuyanî wiha ye;
Weke ku tê zanîn, piştî Heftanîn û Garê, dewleta Tirk a faşîst û metînger ji 23ê Nîsanê vir ve li herêmên Avaşîn, Metîna û Zapê dîsa dest bi hewildana dagirkirinê kir. Artêşa Tirk a faşîst a ku di encama berxwedanek bi heybet a gerîla ya li herêmên Heftanîn û Garê de neçar ma xwe vekişîne, îro dîsa êrîşî Herêmên Parastinê yên Medya dike. Qaşo Artêşa duyemîn herî mezin ya NATO-ye bi hêza xwe serbilind dike li pêş fedîyên Rêber APO yek bi yek diweşe. Dijminê ku bi xeyalên Osmanî êrîşî herêmên Parastina medya, Rojava, Şengal kir, li pêş Pêngava şoreşgerî a Bazên Zagrosê bêçare digevize. Her çend ew qebûl nakin jî, lê ew dîsa û dîsa dibînin ku Gerîlayê Azadiya Kurdistanê têk naçe.
Dewleta Tirk a faşîst ku naxwaze vê rastiyê bi ti awayî bingeh bigire, bi çeteyên ku ji Sûriye û dewletên Ereban anîne û perwerde kirine, roj bi roj êrîşî gelê Kurd li ser xaka Kurdistanê dike. Dijminê ku nikare bi berxwedana gerîla re li ber xwe bide, tevî hemû çete û teknîka wî heyî jî di şêwaza şer a herî bêrûmet de çekên kîmyewî bikar tîne. Li ser vî bingehî, bi qetlîamên hovane yên ku dewleta Tirk a faşîst li Mamreşo û Avaşîn dimeşîne, rûyê rastîn ê dewleta Tirk li her çar aliyên cîhanê eşkere bûye. Di heman demê de, bi şandeyên ku dixwestin biçin Başurê Kurdistanê lê rastî astengiyên cûda hatin, di vî şerî de rolên dewletên Ewropî, taybet yên Almanya û Fransa yê eşkere bûn. Em wek gelê Kurd, van lîstikan ji Dêrsim û Helepçeyê dizanin. Lê çawa ku me berê dev ji berxwedanê berneda û em têk neçûn, em ê îro jî wekî berê li ber xwe bidin û azadiya xwe bi dest bixin. Her çend hêzên xayîn ên wekî KDP ji bo berjewendîyên xwe dixwazin bibin asteng li ber Têkoşîna Azadiya Kurd, lê em ji dil bawer dikin ku gelê Kurdê welatparêz yê bi rûmet dê bi ti awayî destûrê nede vê.
Di heman demê de em bi vê hişê de ne ku hemû şoreşgerên bi rûmet ên antî-faşîst û Enternasyonal di vî şerê dijwar de dê di Têkoşîna Azadiya me de cîhek berbiçav bigirin. Li ser vî bingehî, em biryardariya xwe didomînin ku bihevre parastina axên Kurdistanê û li dijî dijmin, û li dijî faşîzmê tevahî pêkhateyan li ser bingeha parastina axên Kurdistanê tevdigerin û dijmin ji axên Kurdistanê derdixin.
Weke ciwanên welatparêz ên ji Kurdistanê li Ewropa dijîn, pêwîste ku em van hemû destkeftiyên gerîlayên leheng bibînin û zanibin. Em dizanin ku parastina axên Kurdistanê peywira bingehîn a her ciwanekî Kurd û şoreşgerekî birûmet e. Di vê wateyê de, em diyar dikin ku divê her ciwan li ser navê têkoşîna ji bo mirovahî û azadiyê li ku derê be divê biherike qadên azadiyê. Em dixwazin diyar bikin ku hemû avahî û rêxistinên ku mudaxeleyî Kurdistanê dikin û li ser bingeha astengkirina tekoşîna tevdigerin dijmin û hedef in. Serdema Lozanê qediya, dem dema avakirina Kurdistanek azad e! Çawa ku şehîd Reşit Serdar got; “Em ê ne tenê dijmin, siya dijmin jî ji van axan derxînin!”.
Li ser vî bingehî, em pêngava “Werin Cenga Azadiyê” ya ku Komalen Ciwan li dijî dagirkirina dewleta Tirk a faşîst silav dikin û em ê nehêlin hêzên dijmin ax û çiyayên Kurdistanê dagir bikin. Li ser vî bingehî, em beşdarbûna xwe di pêngava “Werin Cenga Azadiyê” de radigihînin. Em ê li Kurdistana azad bi Rêberê Azad re bicivin. Serkeftin ya ciwanên APO yî ye.
Biji Serok APO
Biji Berxwadana Gerila
