Daxuyaniya Navenda Ragihandin û Çapemeniyê ya HPG’ê ya li ser mijarê wiha ye:
“Di daxuyaniya xwe ya 29’ê Cotmeha 2020’î de me ragihandibûn ku 26’ê Cotmehê tîmeke me ya gerîla ya profesyonel a ji du kesan pêk dihat, li navçeya Skenderûnê ya Hatayê çalakî kiriye û agahiyên berfireh ên li ser vê çalakiyê wê piştre bi raya giştî re bên parvekirin. Di van çalakiyan de li Payas û Skenderûnê yên ser bi Hatayê, hevrêyên me Harûn û Zinar bi rengekî leheng li dijî dijminê mêtinger şer kirin û di encama çalakiya fedayî de şehîd bûn.
Agahiyên li ser nasnameya hevrêyên me yên şehîd bûne wiha ne:
 |
Nasnav: Harûn Firat Nav paşnav: Dogan Demîr Cihê jidayikbûnê: Qelqelî Dayik-Bav: Aklîme-Arslan Dem û cihê şehadetê: 26’ê Cotmeha 2020 / Skenderûn |
 |
Nasnav: Zinar Tatvan Nav paşnav: Îdrîs Înce Cihê jidayikbûnê: Bedlîs Dayik-Bav: Gulten-Riskî Dem û cihê şehadetê: 26’ê Cotmeha 2020 / Skenderûn |
Yekîneyeke me ya gerîla ya pispor, di Cotmeha 2020’î de rêbaza dewlemend a gerîlayên serdema nû bi rengekî afirîner xist meriyetê û bi amûrên hewayî derbasî Amanosan bû. Dewleta Tirk a mêtinger ku timî propagandayê dike û îdîa dike ku li Amanosan gerîla tasfiye kiriye, li pêşberî vê afirîneriya Gerîlayên Azadiyê yên Kurdistanê mat ma. Dijminê qirker dît ku tasfiyekirina Gerîlayên Azadiyê yên Kurdistanê li Amanosan, tenê xeyaleke mêtingeriyê ye. Ji bo vê afirîneriya gerîla binixumîne, îdîa kir ku di ser Rojavayê Kurdistanê re derbas bûne û hewl da krîmînalîze bike. Lê belê propaganda reşkirinê ya dewleta Tirk a ku xwe dispêre derewan, nerast e. Tîma me ya gerîla ya profesyonel ji baregehên xwe yên bingehîn bi rê ket, her cûre tedbîrên hewayî û bejahî yên dijmin têk bir û gihîşt hedefa xwe. Tîma me ya gerîla a ku gihîşt hedefa xwe, plana çalakiya li dijî dijmin bi rêxistin kir û ji bo pêkanîna vê plana xwe kete nava liv û tevgerê.
LI SER BINGEHA ÇALAKIYA FEDAYÎ BI PLANSAZIYEKE NÛ TEVGERIYAN
Hevrê Harûn Zinar ên li nava tîma me ya gerîla ya profesyonel, piştî ku bi rê ketin, şert û mercên tê de nirxandin û bi însiyatîfa xwe li ser bingeha çalakiya fedayî plansaziyeke nû kirin. Li bejahiya Amanosê bi hostatî daketin nava bajêr û li vir dest danîn ser wesayitekê. Li navçeya Payasê ya Hatayê, li dijî dijminê ku hewl dida wan rawestîne bi wêrekî şer kirin, bi vî rengî ji benda kontrolê ya dijmin derbas bûn û kirin ku dijmin gelek kuştiyan bide. Artêşa Tirk a dagirker mîna ku her carê dike, dagirkerên li vê derê hatin cezakirin ji raya giştî veşart û diyar kir ku tenê efserek birîndar bûye. Lê belê hevrêyên me Harûn û Zinar piştî ku dagirkerên li vir ceza kirin rêwîtiya xwe dewam kirin. Piştî ku wesayita hevvrêyên me lê siwar bûbûn xera bû, dest danîn ser wesayiteke din û bê teredût bi biryardarî rêwîtiya xwe dewam kirin.
LI BAJÊR ÎNSIYATÎF TIMÎ DI DESTÊ WAN DE BÛ
Hevrêyên me ku ji bo çalakiya fedayî berê xwe dan Skenderûnê, piştî ku gihîştin vê derê bi saetan li dijî polîs û tîmên taybet şer kirin. Vê tîma gerîla ya ji 2 kesî ya bêtirs û qewîn li nava bajêr însiyatîf timî di destê xwe de hiştin. Hevrêyê me Harûn piştî ku demeke dirêj şer kir, xwe bi dijmin de teqand û gelek ji dijmin ceza kir. Hevrêyê me Zinar jî heta fîşeka xwe ya dawî bi lehengî şer kir û şehîd bû. Tevî ku gelek polîsên dewleta Tirk hatin cezakirin jî ti ji wan ji raya giştî re nehate eşkerekirin, tenê ragihandin ku Alîkarê Midûrê Emniyetê yê Navçeya Skenderûnê birîndar bûye.
Di demekê de ku dewleta Tirk a mêtinger qirker li ser bingeha derewan dezenformasyonan belav dike û propaganda ‘gerîla qediya ye’ dike, hevrêyên me Harûn û Zinar bi taktîkên afirîner ên gerîlayên serdema nû, xwe gihandin Amanosan, ji vir bi rê ketin, bi ser bajarê ku her cûre leşker û polîsên faşîst ên dewleta Tirk lê ne meşiyan, bi wêrekiyeke mezin bi saetan şer kirin, bûn mîna kabûsekê li ser dijmin û bi vî rengî nîşan dan ku biryardarî û îradeya milîtaniya Apoyî çiqasî xurt e. Careke din raxistin pêş çavan ku tîmeke gerîla ya modern e pispor bi rê û rêbazên serdemê dikare çawa her cûre tedbîrên dijminê faşîst ê qirker têk bibe.
Hevrêyên me Harûn û Zinar bi xeta çalakiya fedayî ya Gerîlayên Azadiyê yên Kurdistanê pêşengî ji pêngava ‘Dem dma azadiyê ye’ kirin, ku ji bo dawîanîna li dagirkerî û faşîzma li Kurdistanê, têkbirina tecrîdê û pêkanîna azadiya Rêber Apo dest pê kiriye. Her du hevrêyên me bûn navê xwedîderketina li wezîfeya demê û bicihanîna berpirsyariya şoreşgerî.
HEVRÊ HARÛN FIRAT LI NAVA MALBATEKE WELATPARÊZ JI DAYIK BÛ, KU BERDÊLÊN GIRAN DABÛ
Hevrêyê me Harûn Firat li navçeya Qelqelî ya Wanê li nava malbateke welatparêz a ku berdêlên gelekî giran daye ji dayik bû. Hevrêyê me Harûn ku bi hest û çanda kûr a welatparêziyê ya gelê Serhedê mezin bû, sala 2012’an di dema bilindbûna pêngava me ya Şerê Gel ê Şoreşgerî de tevlî nava refên gerîla bû. Ji dema ku tevlî bû heta dema şehadetê bi dilnizmî û kesayetiya xwe ya têgihiştî, bi tevlîbûna xwe ya fedakar li nava fedayiyên Kurdistanê cihê xwe girt û îradeya xwe kir mîna pola. Bi coş, moral, biryardarî û daxwazeke mezin her tim tevlî her kêliya jiyanê bû û ji bo têkbirina dijminê mêtinger qirker her tim kete nava lêgerînan, bi çalakiya fedayî ku veguheriye xetekê bersiv da pêvajoyê.
HEVRÊ ZINAR TATVAN LI GELEK QADAN KARÊN CÛRBECÛR KIR
Hevrêyê me Zinar Tatvan li Bedlîsê li nava malbateke welatparêz ji dayik bû. Ji zarokatiya xwe û pê ve Têkoşîna Azadiyê ya Kurdistanê nas kir û neçar ma ku tevî malbata xwe koçî metropolan bike. Li metropolên Tirkiyeyê bi hişmendî û nasnameya xwe bi hestên welatparêziyê mezin bû, di temenê xwe yê ciwantiyê de tevlî nava karên ciwanan bû. Hevrêyê me Zinar biyar da ku têkoşîna xwe bi tevlîbûna li nava refên gerîla li çiyê dewam bike. Li gelek qadan di karên cuda de berpirsyariyên xwe bi rengekî serketî bi cih anî. Di mijarên profesyonelbûna gerîlayên Modernîteya Demokratîk û pisporbûna li branşên cuda, kete nava lêgerîneke kûr, bû xwedî danheviyeke mezin. Hevrêyê me Zinar li akademiyan bû pêşengek ku gelek hevrêyên xwe perwerde kir û bû fermandarekî mînak. Mînakdarî û pêşengiya xwe li metropolên Tirkiyeyê û Kurdistanê bi gerîlatiya xwe careke din nîşan da, derbên giran li dijmin xist û bi rengekî fedayî şer kir û şehîd bû.
Hevrê Harûn û Zinar heta şehîd bibin bi biryardarî tevgeriyan, li ser xeta fedayî bi daxwazeke mezin û hêrsa tolhildanê bi ser dijmin ve çûn, her cûre derfet bi kar anîn û weke çekekê li dijî dijmin bi kar anîn, li Amanosan û li nava bajaran mîna kabûsekî bi ser dijmin ve çûn, tirs berdan nava dilê dijmin û bi lehengî şehîd bûn. Bi van taybetmendiyên xwe bûn mînaka milîtaniya fedayî ya serdema nû. Bi meşa li ser şopa hevrêyên xwe yên şehîd, bi serxistina armancên wan em soz didin ku em ê li Kurdistana Azad û bi Rêbertiya Azad xwedî li bîranîna wan derkevin û bibin hêjayî sekna wan a fedayî.
Li ser vê bingehê di serî de malbatên welatparêz ên hêja yên hevrêyên me yên şehîd bûne em sersaxiyê ji tevahiya gelê Kurdistanê re dixwazin.”
