EDENE – Li Girtîgeha Kurkçuler a Tîpa F’yê girtiyeke xwestiye bi rêya faksê binpêkirinên mafan ên li girtîgehê ji Rojnameya Yenî Yaşamê re bişîne, lê belê îdareya girtîgehê bi hinceta “ji bo asayîş û ewleyiya saziyê xetere ye” faksa girtî neşandiye.
Li Girtîgeha Kurkçuler a Edeneyê ya Tîpa F’yê girtî Sedat Şîmşek, ji bo bipêkirinên mafan bi rêya Rojnameya Yenî Yaşamê ragihîne raya giştî, xwestiye faksekê ji rojnameyê re bişîne lê belê îdareya girtîgehê nehiştiye. Bûyer di meha Mijdarê de qewimye. Komîsyona Xwendinê ya Girtîgehê ji bo faksa Şîmeşk gotiye “xetere ye” û neşandiye.
Şîmşek di faksa xwe de ev tişt nivîsandiye: “… Li Girtîgeha Kurkçuler a Tîpa F’yê ji zû de ye em bi binpêkirinên mafan ên dijwar re rû bi rû ne. PIştî şewba koronayê zext, tecrîd û binpêkirina heysiyet û rûmeta mirovan û îşkence pir zêde bûye… Daxwazên me yên ji bo guherandina odeyê bi tu awayî nayên qebûlkirin. Bêyî xwesteka me, me bi zorê ji odeya me derdixin û dibin odeyeke din. Bêyî ku biryara dozgeriyê hebe, îdareya girtîgehê muameleya ‘girtiyên muebeda giran’ li hin hevalên me yên nû dikin û wan dixe hucreyeke yekkesî û wan tecrîd dike… Tim bi awayekî kêfî cezayê dîsîplînê dibirin. Ji bo nîşeyên ku em di hewadariyê de ji hev re dişînin û tê de li hal û ehwalê hevd ipirsin, 15 roj cezayê hucreyê tê birîn…”
Her wiha îdareya girtîgehê derbarê Şîmşek de lêpirsîna dîsîplînê daye destpêkirin û ji bo faksa wî gotiye: “Ji bo asayîş û ewleyiya saziyê xetere ye.”
