NAVENDA NÛÇEYAN – Tevgera Ciwanên Şoreşger a Rojavayê Kurdistanê, Bakur û Rojhilatê Sûriyê derbarê nûçeyên ku dûrî rastiyê ne li ser navê wan tê dayin û kiryarên qirêj ên Şerê Taybet ku li ser Malpera SOHR bi navê Ciwanên Şoreşger didin daxuyaniyeke nivîskî da û dan diyarkirin ku; Taybetî di rojên dawî de SOHR hindek agahî weşandine ku bi temamî xizmetî daîreya şerê taybet ê dewleta tirk dike. SOHR pêwîste di cih de ji ber wan îddayên xwe ên bêbingeh ji Tevgera me Ciwanên Şoreşger lêborînê bixwaze.
Daxuyaniya Tevgera Ciwanên Şoreşger wiha ye;
“Ji bo Gelê me ê Welatparêz û Raya Giştî”
1’ê Mijdarê roja Cîhanî a Kobanê û 2’ê Mijdarê roja cîhanî a Rojava em li Rêber APO, li tevahî gelê xwe ê welatparêz, li hêzên şoreşger, sosyalîst û enternasyonal pîroz dikin.
Di pêvajoya em tê re derbas dibin wê gelên me azadiyê û serkeftinê teqez bidest bixe. Şoreşa Rojava ku bi ked û xebatê gelê me, bi xwîna hezara Şehîdan pêk hatiye, û niha jî li tevahî cîhanê tê pîroz kirin û xwedî lê tê derketin, ji bo me bi rûmet e. Ji Şoreşa Rojava re pêşengtî kirin û vê şoreşê diyarî tevahî gelê cîhanê kirin bêguman destpêkê Ciwanên Şoreşger ev rol girtiye ser xwe. Di vê wateyê de Ciwanên Şoreşger ji bo gelê me buye çavkaniya hêviyê û buye pêşeng. Gelê me di pêşengtiya Ciwanên Şoreşger bi rastiya ‘Şerê Gel ê Şoreşgerî’ Şoreşa Rojava pêk aniye. Ji ber ev rola pêşengtî a Ciwanan tê zanîn, îstîxbarata dagirkeriya tirk MÎT, sazî û kesên girêdayî MÎT’ê hertim Ciwanên Şoreşger xistiye armanca êrîşên xwe. Ev kes û saziyên ku bi hîşê hevparê MÎT’ê tevdigerin, dixwazin Ciwanên Şoreşger bêqîmet û krîmînalîze bikin. Ji ber vê jî kiryarên MÎT’ê yê Şerê Taybet ku li Bakurê Kurdistanê dide meşandin, li ser Rojavayê Kurdistanê jî xistiye meryetê.
Me wan lîstokên wan ên qirêj yên Şerê Taybet ji Bakurê Kurdistanê nas dikin. Di demên dawî de şerê taybet bi derewên xwe êrîşan li dijî tevgera me a ciwanan pêk tîne. Ev derewana bi temamî bêbingehin, ne licihe û ji rastiyê dûr e. Vê rastiyê pêwîste hemû kes bizane. Gotinên bêbingeh wek “Ciwanên Şoreşger bi zorê ciwanan direvînin” ku li dijî tevgera me tê şixulandin, îddayên ku ji rastiyê dûr in. Taybetî di rojên dawî de SOHR (Çavdêriyê Sûriye ên Mafên Mirovan) hindek agahî weşandine ku bi temamî xizmetî daîreya şerê taybet ê dewleta tirk dike. Ev daxuyaniya SOHR’ê teqez ji berpirsyartiyê dûr e û daxuyaniyek alîgiriyê ye. Di vê mijarê de em SOHR’ê vedixwînin hestyarî û hesasbûnê. SOHR pêwîste di cih de ji ber wan îddayên xwe ên bêbingeh ji Tevgera me Ciwanên Şoreşger lêborînê bixwaze.
Bangawaziya me ji bo gelê me ew e ku ji wan êrîşên dijmin û hevkarên wê bawer nekin. Gelê me pêwîste li dijî êrîşên dijmin ê şerê taybet hin hesas bin û bi hîşmendiya welatparêziyê tevbigerin. Em wek Tevgera Ciwanên Şoreşger dîsa didin xuyakirin ku em di xizmeta gelê xwe de ne. Li dijî her cureyê êrîşên şerê taybet li ser gelê me û li dijî gefên li ser welatê me, çawa di demên derbasbuyî de, em bi berpirsyartiya xwe a pêşengtiyê rabûne, em ê dîsa bi vê hişmendiyê tevbigerin.
