NAVENDA NÛÇEYAN
Navê bedewî û buheştê yê din Heftenîn bu hertim. Lê dema Egîd û Zîlanên bi Azadî yê re dezgirtî, ji bo sibe rojên azad berê xwe dan van çiyayên bi heybet û bi solê sor pêlî axa heftenînê kirin, li bedewiyê bedewî li buheştê jî buheşt zêde kirin. Ev şervanên dilsoz weke her bihostek axa welatê xwe evîndarê bedewiya Heftenînê jî bun. Ji bo wê hertim yek jî xeyalên gerîla dîtina Heftanînê ye. Hema beje gerîlayekê kû Heftanîn nedîdî ne maye. Di heman demê de tu gerîla jî ne maye ku Heftenînê şahidiya hest û dilê wan nekiriye.
Her şervanekê ku li Heftenînê têkoşîn kiriye, ked daye yan jî çavê wan bi wê bihişta serzemîn ket, dil û hestê wan bedewtir dibû, evîna wan a ji welat re û îdaya wan a ji bo azadkirina vî welatê zêrîn re jî zêdetir dibû. Her ku şervanan çiyayên asê, kaniyên zelal, bi sedan gul û kulîlkên reg bi reng yên Heftenînê didîtin, nedikarîn wer bi hêsanî wî warî bihêlin û biçin rêwîtiyek din. Ji bo wê di nava rojnivîsên xwe de qet nebe li gel qalkirina wê bihiştê, çend kulîlk jî bi cih dikirin û birê diketin ji bo bedewî û bihiştek din.
Warê têkoşîn û berxwedaniyê Heftenînê jî ji her şervanekê xwe tiştek girtiye. Biryardariya wan a serkeftinê û hêza fikir û hestê wan li hemû çiyayên xwe, zelaliya çav û dilê wan li kaniyên xwe Rukenî û delalbûna ruyê her şervanekê jî li hemû zindiyên li ser singa xwe nexşandiye.
Vaye îro sê meh in ku şerek bê eman li vî warê bedew di navbera şervanên azadiyê û nemerdên faşîst û dagirkeran de dimeşe. Ew nemerd in, ji ber gerîlayên azadiyê bi vîn û baweriya xwe ya ji bo serkeftinê li Heftenînê têdikoşin û nemerd jî bi hemû hêza xwe ya teknîkî, bi cerdevan û bê ziravên leşkerên xwe ve hewil didin dojehê li ser biheştê bibarînin. Lê girêdanbûnek ew çend mezin li navbera Heftanîn û zarên wê de avabuye ku, her çiqas li ser singa wê law û keçên wê şehîd dikevin û bihost bi bihost bedena heftenînê dişewite jî lê heftenîn ne li dojeha li ser wê dibare, heftenîn li vîn û baweriya zarokên xwe dinêre û li wî dengê kû weke biroskan nava dil û mejiyê dijminan de tirsê avadike
Ew denge ku dibêje: EV DER HEFTENÎN E, KETIN HEYE DERKETIN NÎNE guhdar dike û cardin ji bo zarokên xwe radibe ser lingan û weke şervanên Azadiyê ew jî têdikoşe.
Heftenîn têdikoşe, ji bo wê ye ji roja ewilî heya îro tenê yek gotin di nava lêvên gerîla de hebu ew jî gotina ‘SERKEFTIN YA ME YE’ ye. Gerîlayên azadiyê wer jî kirin. heqîqeta li vir divê bê dîtin ku girêdanbuna mirov û axê û girêdanbûna welat û mirovê azad e. Heya ku tovê Kurdê azad ê ji aliyê roja me ve li her deverê cihanê hatî çandin hebe, wê tu dagirker nikaribin destê xwe dirêjî vê xakê bikin. Ji ber li vê xakê bi sedan Rustem, Zelal Egîd û Esmer şitil dane, ev şitil jî bi xwîna xwe avdane. Tenê azadî û serkeftin layiqê vê axê û vî gelîye.
Evîn Zenda
