BEHDÎNAN – Daxuyaniya Navenda Ragihandin û Çapemeniyê ya HPG’ê ya li ser mijarê wiha ye:
“22’ê Tebaxê li qada Dindikê ya navçeya Hassa ya Hatayê, ji ber êrişa hewayî ya artêşa Tirk a dagirker, hevrêyên me Huseyîn Firat, Alî Norşîn û Cîger Amed şehîd bûn. Agahiyên li ser nasnameya hevrêyên me yên şehîd bûne wiha ne:
Nasnav: Huseyîn Firat
Nav paşnav: Cîhan Erbaş
Cihê jidayikbûnê: Meletî
Dayik-Bav: Ziyade-Mehmet
Dem û cihê şehadetê: 22’ê Tebaxa 2020 / Hatay
Nasnav: Alî Norşîn
Nav paşnav: Şefîk Korman
Cihê jidayikbûnê: Bedlîs
Dayik-Bav: Perîşan-Abdulbarî
Dem û cihê şehadetê: 22’ê Tebaxa 2020 / Hatay
Nasnav: Cîger Amed
Nav paşnav: Serhat Aykûl
Cihê jidaykibûnê: Amed
Dayik-Bav: Sûltan-Ahmet
Dem û cihê şehadetê: 22’ê Tebaxa 2020 / Hatay
Hevrê Huseyîn ku sala 1983’an li navçeya Doganşehîr a Meletiyê ji dayik bû, li nava malbateke gundî bi pak û kedkarî mezin bû. Hevrê Huseyîn her ku mezin bû nirxê jiyana gund û kedê, her wiha cudahiya navbera çînên civakî bêhtir fêhm kir, nirxên çepgirî û sosyalîst pejirand û bi vê yekê re têgihişt ku gelê Kurd êşên giran kişandiye, lewma xwe nêzî Tevgera Azadiyê ya Kurdistanê kir. Li gel kesayeta xwe ya têgihiştî û dilnizm her wiha bi sekna xwe ya kedkar û bala xwe ya li ser rastiya têkoşîna azadiyê, bi nêzîkatiya xwe ya mirovî bandor li mirovên li derdora xwe kir. Dema ku li Zanîngeha Bogazîçî xwendekar bû, firsend dît ku têkoşîna PKK’ê bêhtir ji nêz ve nas bike. Di demeke kurt de îdeolojiya PKK’ê û rastiya têkoşîna Apoyî bi kûrahî fêhm kir, li ser vê bingehê dest ji dibistana asîmîlasyonê ya dewleta Tirk a qirker berda û dest bi şoreşgeriya profesyonel kir. Tevî karê li nava ciwanên xwendekar ên welatparêz ên li qada Tirkiyeyê bi salan cihê xwe di nava karên civakî û siyasî de girt. Li zindanê jî ku ji ber êrişên faşîst ên rejîma AKP’ê hate girtin, têkoşîna xwe meşand, li vir rastiya dijmin bêhtir fêhm kir û rêbazên têkoşînê yên li dijî vê yekê xurtir kir.
Hevrê Huseyîn sala 2008’an tevlî nava refên gerîla bû, di nava gerîla de bi kedkarî û fedakarî, her wiha bi baweriya xwe ya ji bo serketina têkoşînê li her qadê bû xwedî îdîa û rê da ber têkiliyên hevrêtiyê û jiyana partiyê. Di demeke kurt de bû fermandar û ji tecrûbeyên partiyê sûd wergirt, mîna li naa karên li Tirkiye û Bakurê Kurdistanê, li refên têkoşîna azadiyê jî gelek namzetên ciwan ên gerîla perwerde kir, kir ku hewl bidin bibin îradeyek ji pola. Di vê çarçoveyê de yek bi yek bi hevrêyên xwe re eleqedar bû, ew ji têkoşînê re amade kir û bû xwedî kedeke mezin.
Ji kêliya ku tevlî nava refên têkoşînê bû û pê ve, soza ku da Rêber Apo, şehîdên şoreşê û gelê me yê welatparêz kêliyekê jî ji bîr nekir û rê da ber meşa xwe ya têkoşînê. Li ser vê bingehê berê xwe da armancên partiya me PKK’ê, tenê serketin ji xwe re kir esas. Hevrê Huseyîn ji dil bawer kir ku rizgariya gelê bi rêxistinbûna xweparastinê ya xurt a paralelî têkoşîna gerîla ya li çiyê dibe. Di mijara rêxistinbûn û xweprastina gelê Kurdistanê de hûr û kûr bû û di rêxistinkirina YPS’ê de roleke çalak lîst. Piştre jî li gorî pêwîstiyên têkoşîna me ya gerîla berê xwe da çiyayên Amanosê, li vir wezîfeya Fermandairya Qada Amanosê da ser milê xwe û bi salan karên girîng kir. Hevrê Huseyîn di 22’ê Tebaxê de tevî 2 hevalên xwe dema ku bi erka xwe radibîn tevlî karwanê şehîdan bû. Hevrê Huseyîn wê ji aliyê hevrêyên xwe ve timî bê bîranîn; bi taybetmendiyên xwe yên kedkar, sosyalîst û fermandariya Apoyî, bi biryardarî û îradeya xwe, wê timî weke milîtanekî mînak bê bîranîn.
Hevrêyê me Alî li Bedlîsê ji dayik bû, pêkanînên qirker û asîmîlasyonê yên dewleta Tirk a faşîst ji nêz ve dît. Dema ku diçû zanîngehê li dijî kiryarên dewleta Tirk a faşîst kete nava lêgerîna têkoşînê. Hevrêyê me di vê demê de felsefeya Rêber Apo nas kir û dît ku yekane rêya rizgariyê berxwedana gerîla ye, lewma sala 2011’an li Amedê tevlî nava refên berxwedanê bû. Di demeke kurt de bû gerîlayekî şareza, bû xwedî tecrûbe û mohra xwe danî binê serketinan. Hevrê Alî ji roja ku tevlî nava refên gerîla bû û heta kêliya dawî bênavber li eniya berxwedanê cih girt, bi îradeyeke qewîn û rêbaza fedayî ya Apoyî bi rengekî serketî li ber her zor û zehmetiyê rabû. Hevrêyê me Alî bi îradeya xwe ya xurt û dilsoziya xw eya têkoşînê wê timî ji berxwedana gerîla re bibe çavkaniya sûdwergirtinê û rêya me ya serketinê her tim ronî bike.
Hevrêyê me Cîger li paytexta Kurdistanê Amedê ji dayik bû û li nava welatparêziya Amedê mezin bû. Li dijî pêkanînên qirker ên dewleta Tirk a dagirker helwesteke şoreşgerî nîşan da û sala 2013’an tevlî nava refên gerîla bû. Di pêvajoyên perwerdeyê de demeke kurt şareza bû û sala 2014’an tevlî koma gerîla bû ku li dijî komkujiyên hovane yên çeteyên DAÎŞ’ê bi hawara gelê şengalê ve çû. Weke leşkerekî milîtan ê Apoyî berpirsyariya xwe ya wijdanî û dîrokî bi rengekî mezin bi cih anî. Dewleta Tirk a mêtinger ku xoceyê çeteyên DAÎŞ’ê ye û piştgiriyê jê re dike, nekarî xwe li têkçûna DAÎŞ’ê ya bi destê lehengên Kurd rabigire û tişta ku bi destê DAÎŞ’ê bike sala 2015’an li dijî gelê Kurd bi xwe kete şer. Hevrêyê me Cîger sala 2016’an ji bo biçe Amanosan kedeme mezin da û ji bo dewleta Tirk a dagirker ku xwedî heman siyaseta faşîst a dijminê mirovahiyê ye têk bibe, bi biryardariyeke mezin cihê xwe di nava şerê giran ê li Bakurê Kurdistanê de girt. Hevrêyê me Cîger bi biryardarî û sekna xwe ya fedayî ya li vê derê wê her tim bê bîranîn. Bû xwedî sekneke milîtanî ya Apoyî û tevî du hevrêyên xwe yên leheng dema bi erka xwe radibû şehîd ket.
Hevrêyên me Huseyîn Firat, Alî Norşîn û Cîger Amed di têkoşîna xwe de mohra xwe danîn binê serketinên mezin û wê weke lehengên gelê Kurd bên bîranîn. Em ê ala wan a têkoşînê bilind bikin, bi serketinê tacîdar bikin û li Kurdistana Azad xwedî li bîranîna wan derkevin.
Di serî de malbatên hêja yên şehîdên me yên leheng em sersaxiyê ji gelê Kurd ê welatparêz re dixwazin û soz didin ku em ê di têkoşîna xwe de xwedî li bîranîna wan derkevin.”
