BEXDA – Qedexeya derketina derve li “şexs û wesayitan” hate ferzkirin û ji saet 05:00 ê Pêncşemê û pê ve kete meriyetê.
Karmendên li bajêr ku yên Herêma Kesk jî di nav de ji bo rojekê destûr ji wan re hate dayin. Sefaretxaneya Bilind a Emerîkayê ya li Bexdayê hate girtin.
Qedexeya derketina derve li bajarên Necef û Nasiriyê jî hate ragihandin.
Di xwepêşandanên protestoyî de ku du rojan dom kirin neh kesan jiyana xwe ji dest dan.
Li gorî bîlançoya êvara Çarşemê 8 xwepêşandêr û polîsek mirin. Hêzên ewlekariyê yên Iraqê êvara Çarşemê rojnamevan bi lêdanê destgîr kirin.
Lîderê Şîa Muqteda Sadr bang li alîgirên xwe kir ku tevlî çalakiyên rûniştinê yên aştiyane bibin.
Di çalakiyan de bêkarî, xizmetên nebaş ên cemaweriyê û karên ne li rê yên siyasetmedarên Iraqî tên şermezarkirin.
Hikumetê heta niha ‘sabotajvan’ ên li nava çalakgeran sûcdar kir û bi helwesteke tund tevgeriya.
Hêzên ewlekariyê li Bexda, Necef û Nasiriyê fîşekên rastî li dijî xwepêşandêran bi kar anîn.
