DÊRIK – Partiya Yekîtiya Demokrat (PYD) di sala 2003’an hate avakirin û bi wesîleyê di 16’emîn salvegera damezrandina PYD’ê de endamên wê ji ajansa me re axivîn. Endamên PYD 16’emîn salvegera Partiyê li Malbatên Şehîdan û tevahî gelan pîroz dikin û wiha got: “Em bi hêvîne ku sal werê em salvegerê bi azadiya Kurdistanê pîroz bikin.”
Raxîda Xelîl endama mekteba elaqatên Partiya Yekîtiya Demokrat (PYD) di axaftina xwe bal kişand ser wan qalan: “Di serî de em 16’emîn salvegera PYD’ê li Malbatên Şehîdan û tevahî gelan pîroz dikin. Em bi hêvîne ku sal werê em salvegerê bi azadiya Kurdistanê pîroz bikin. PYD’ê di sala 2003’an de hate avakirin, di sîstema niha de 50 Jin û 50 zilam cih di nav PYD’ê de digrin û sîstema Hevseroktî di Kongrê 5’emîn de hate rûniştandin. Di wir de xebatê PYD’ê belav bû di aliyê siyasî de gaveke mezin avêt, ji xwe rola sereke di xebatê PYD’ê de ya Jin û Ciwanan bû, wek jin gavên mezin û girîng hatin avêtin di xebata PYD’ê de di milê Siyasî û beşên din ên jiyanê.
Ev bi saya keda Şehîd Şîlan û her çar hevalên din ewqas gavên mezin û girîng PYD’ê avêtin. Piştî Raperîna 2004’an a Qamişlo çêbûyi Kongrê me yê 5’emîn hat avakirin. Şehîd Şîlan beriya wê Raperînê serkêşiya xebatê PYD’ê dikir, Şehîd Şîlan bi destê hin kesên îxanetkar li Mûsilê ya Başûrê Kurdistanê di êrîşeke çekdarî de Şehîd bû, û piştî wê Bavê Cûdî ew jî Endamê Partiya Yekîtiya Demokrat bû bi destê rêjîma Baas bi işkenceyê Şehîd bû. Em Şehîd Şîlan û her 4 hevalên wê bi boneya 16’emîn salvegera PYD’ê bibîrtînin.”
Hevserokê Rêveberiya PYD’ê ya şaxê Dêrikê Ramedan Hisên jî wiha axivî: “16’emîn Salvegera PYD’ê tevahî şehîdên xwe bibîr tînin bejna xwe li hember wan ditewînin vê boneya salvegera PYD’ê li tevahî şehîdan gelê me pîroz dikin.
Beriya ku PYD’ê bê ava kirin gelek Partiyên Siyasî hebûn lê nekarîn bi rola xwe di nav civakê de rabin nekarîn çareseriyekî ava bikin rêxistinekî ava bikin. PYD’ê Partiya Yekîtiya Demoqratîk li ser esasê perspektîfên Rêber Abdullah Ocalan hat ava kirin, ji bo ku bikaribe rêxistinbûyînekî li Rojavayî bide ava kirin di dema ku PYD’ê hat ava kirin, Şerê Taybet yê Rejîma Baas li gelê me Ciwanan zêde bûn gelek qehremanên ku di nav ava kirina PYD’ê de cih kirin dewleta sûriyê a dagirker ew xistin zindanê de. Piştî ku Şoreşa Rojavayî Kurdistanê hat dest pê kirin, PYD’ê yek ser ket nav liv û tevgerê bi erk û misyona xwe rabû bi taybet di projeya Netewa Demokratîk ku tevahî gelan di nav xwe de cih digre PYD’ê jî tevahî pêkhateyan di nav kar û xebatê xwe de hewand. Di Şoreşa Rojavayê Kurdistanê de PYD’ê tenê di çarçoveya siyasetê de nema di nav hêzên leşkerî civakî û siyasî jî rabû.
PYD’ê karibe kar û xebatê xwe hê ferehtir bike ne tenê bi gelê Kurd re ji tevahî gelên ku li Rojava û Bakurê Sûriyê de jiyan dike, bikaribin rêxistinbûyînek wekî navê xwe Partiya Yekîtiya Demokrat ku tevahî gelan di nav xwe de bigre û destkeftiyên xwe em biparêzin.”
Endamê PYD’ê Mihemed Sayid jî salvegera 16’emîn a PYD’ê li tevahî gelê aşîtîxwaz pîroz kir û wiha axivî: “Partiya me 16 sal tekoşîn û xebat li hemberî desthilatdariya Rêjîmê û him a paşverutiya hin insasên Kurd dike. Ev yek jî diyar dibe ku em hin gavên mezin bavêjin di Rojavayî Kurdistanê de bi taybet di şoreşa rojava de ew jî bi fikir û felsefeya rêber abdulah ocelan ya birtiya gelan ne tenê di rojavayî kurdistanê li tevahî bakurû rojhilatê sûriyê jî hat belav kirin. Dibe ku emrê partiya PYD ne wek partiyên din bûn lê belê me karîbû em gavên mezin bavêjin.
NC / NUDA ELEFTIRYA – DENİZ FIRAT
