QAMİŞLO – Konferansa Ciwanên Şoreşger li Navanda Çand û Hunerê ya Mehmed Şêxo ya Qamişlo bi tevlîbûna 500 delegeyên ciwan ên ji derverên cuda yên herêma Cizîrê hatibû lidarxistin.
Piştî axaftinên hatin kirin û şûnde sînevziyona li ser rola ciwanan a di şoreşê de hate nîşandan.
Piştî sînevîzyonê nîqaşa li ser rewşa rêxistinî ya ciwanan hate vekirin. Di nîqaşê de hate gotin ev tişt hate gotin: “Me ciwanan di şoreşa Rojava de rolek lîst , lê ne bi qasî pêwîst a şoreşê bû. Ji ber ku me hişmendiya şoreşê nas ne dikir , lê niha bi saya perwerdeya fikir û felsefeya Rêber Apo me nas kir ku ciwantî çiye. Her wiha em ê ciwan berxwedaniya xwe bilidtir bikin ta ku em komploya 15’ê Sibatê bişkînin. Bila her kes bizane ku em wekî ciwan çawa ku me di şoreşê de roleke lîst em di Sûriyeke demokrat de hê mezintir bikin. Her wiha hişmendiya ciwanan ya ku kapîtalîzmê bi şerê taybet ew di nava xwe de helandibû û hişmendiya ciwanan îro di netewa demokratîk de hate nîqaş kirin.”
Her wiha piştî nîqaşan li ser pêşniyarên hatin kirin û nirxandin pêşniyarbiryareke giştî derket holê û wiha hate rêzkirin:
“Ciwan dînamîkên civakêne û hêza nûbûn û ji nû ve avakirina civakêne. Li ser vê esasê civakeke ku ciwanên wê rêxistinîbin wê civak tevahî bi rêxistin kirî û parastî be. Her wiha berpirsiyartiya ciwanan li hemberî tevahiya civak û nirxên civakê erkeke exlaqiye.
Li ser vê esasê em jî weke Tevgera Ciwanên Şoreşger ya Herema Cizîrê xwe li hemberî hemû nirx û destkeftên welatê xwe û gelên bindest berpirsiya dibinin û rêxistin kirina tevahî ciwanan bêyi ferq û cudahiya ziman, ol û …. hwd ji bo xwe esas digrin. Di vê çarçoveyê de;
XALÊN TÊKILDARÎ OCALAN
Em Rêber Apo weke Rêberê tekoşîna nirxên merovahiyê dibînin û hemû piroje û fikrên wê weke rêgezên xwe ya jiyanê em ê pêkbînin. Hemû êrîşên li hemberî Rêbertiya xwe em weke êrîşên li hemberî mirovên azad û tevahî civaka xwe digrin dest û em jiyana bêyi Rêbertî ji xwe re heram dikin. Di vê çarçoveyê de;
Ji bo rizgarkirina fîzîkî ya Rêbertî heta dawî tekoşîn bilind kirin û di nava çalakiyan de bûyin.
ji bo şikandina tecrîdê bê navber tekoşîn her alî meşandin erka me ya serekeye.
Ji hêzên komloger û tevahî hêzên navnetewî yên ku li hemberî tecrîd û berxwedanê heyî berpirsiyartiya xwe pêk naynin em ê hesab bixwazin.
Xeta berxwedana Rêbertiya xwe em ê weke pivanên azadiyê ji bo xwe esas bigrin.
Heza ku rasterast ji tecrîda li ser Rêbertî berpirsiyar e dewleta faşîst a Tirk e. Em dewleta Tirk wek hezekî faşîst diıbînin û bê navber em ê li hemberî vê hişmendiyê têbikoşin.
BIRYARÊN LI SER BERXWEDANÊN GREVÊN BIRÇÎBÛNÊ
Em ê berxwedana ku bi pêşengtiya jina kurd li zindanan destpê kir û tevahî cîhanê belav bû, xwedî derbikevin û ji bo ku em dengê xwe bi qêrîna van berxwedanan re bikin yek, em ê bi hemû hêza xwe kar bikin.
Li hemberî berrxwedana ku bi mehane berdewam dike, bêdengiya ku di asta navdewletî de heya em şermezar û lanet dikin û wana berpirsiyarê jiyana çalakgeran dibînin.
Em ê şehîdên vê berxwedanê weke pêşengê vê pêvajoyê ji bo xwe esas bigrin û bibin layiqê wan.
BIRYARÊN DERBARÊ EFRÎN Û RASTIYA DAGIRKERIYÊ
Dagirkirina Efrînê beşek ji siyaseta dagirkirina rojava û Bakurê Sûriye ye. Ji bo wê heta em Efrînê rizgar nekin wê heremên din jî di ewlehiyê de nebin.
Heta rizgarkirina Efrînê em ê şev û roj di wê çarçoveyê de bixebitin û em ê xurt tevlî pêngavan bibin û berpirsiyartiyên xwe yên exlaqî, welatparêzî û mirovî pêkbînin.
Li hemberî dagirkeriya Tirk a faşîst ku li Efrînê qirkirin û siyaseta guherandina demografiyê dimeşîne xwedî helwest û çalakîbin.
Berxwedana ku li Efrînê hat meşandin wê bi rengê serkeftinê were xemilandin.
PERWERDE
Perwerde ji bo xwe weke pêwîstiyeke jiyanî ku nebe nabe digirin dest.
Perwerdeyên parastina cewherî xurt kirin.
Berdewam kirina akademiyên Hozan Can û Baz Mordem.
Di her bajaran de sîstema perwerde ya haftane pêşxistin. Avakirina komîteyên perwerdê.
Di nava ciwanan de çanda xweperwerde kirin û xwendin pêşxistin.
Her ciwaneke vê tevgerê pêwîste li hemberî xwe û civaka xwe perwerde kirin, xwe berpirsiyar bibîne, her wiha asta xwe ya zanistî, fikrî, çandî û gerdûnî pêşbixîne û peşengtiya vê bike.
PARASTINA CEWHERÎ
Pêşxistina hişmendî û rêxistinbûna parastina cewherî di nava ciwanan de.
Li hemberî hemû êrîşên derve û hundur tekoşîn û xurtkirina tevgerî.
Li hemberî hemû cûreyên fuhuş, madeyên hişbir û zarardeyîna ji nirxên şoreşê re xwedî helwest bûyîn û hesab xastin wê esas were girtin.
Komîteyên parastina cewherî ya ciwanan li hemû bajar, gund û taxan avakirin û xurtkirin.
Tevlîkirin û aktîvkirina jinên ciwan di komîteyên parastina cewherî ya ciwanan de.
Li beramberî xebatên ku di çarçoveya şerê gel ê şoreşgerî de tê meşandin xwe berpirsiyar dîtin û aktîv karkirin wê were esas girtin.
XEBATÊN AVAKIRINÊ
Aktîvkirina komîn û meclîsan bi rengê ciwantiyê.
Di nava ciwanan de pêşxistina hişmendiya xweseriya demokratîk û revebertiya xwezayî.
Di hemû bajar tax û gundan de avakirina komîteyên xiwanan di nava komînan de.
Li hemberî nêzîkbûnên xwe weke mehmûr dest girtin û li gorî ruhê ciwantiyê erkê xwe ya rêvebertiya civakî pêk ne anîn, xwedîi helwestbûyin û mehkum kirina vê nêzikatiyê.
Di nava komîn, meclîs û tevahî ciwanan de ruhê komînal û welatparêzî xurt kirin.
Bi aweyeke xurt ji hilbijartinên meclîsan re xwe amade kirin.
XEBATÊN ÇAND Û HUNER
Bı rengê ciwanan pêşxistina çand û hunera şoreşê.
Di meclîsan de komîteyên çand û huner avakirin.
XEBATÊN SPORÎ
Avakirina hişmendiya spora azad a ku ji popilîzim û kapîtalîzimê dûr.
Mehkûmkirina şêwazê hevdu reşkirin û kesî derxistina pêş di xabatên werzişê de.
Aktîfkirina nadiyan û perwerde kirina endaman.
Pêşxistin û aktîvkirina jinên ciwan di xebatên werzişê de hin aliyê çendinî û çawanî.
Her sal olompyat were amadekirin ji bo xwendevanan.
Nadiyên spor ên Cizîrê werin xurtkirin û birêxistinkirin.
XEBATÊN RÊXISTINÎ Û ÇANDÎ
Di her qadan de armanckirina rêxistin bûna tevahî ciwanên civakê.
Rêxistinkirina tevahî pêkhateyan bê ku ti ferq û cudahiyek were pêşxistin û xwe gihandina tevahiya ciwanan wê were essas girtin.
Xwe li beramberê nirxên civakê berpirsiyar dîtin û beramberê êrîşên li ser civakê tim di nava çalakiyan de bûyin.
XEBATÊN XWENDEKARAN
Avakirina kesayeta xwendekaran bi hişmendiya demokratîk, ekolojîk û azadîxwaziya jinê.
Tekoşîna îdeolojîk bilind kirin, li hemberî nasnameya îdeolojîk ya kapîtalîzmê wekî ferdperestî, zayendperstî û …hwd tekoşîn kirin.
Li hemberî siyaseta ji rêderxistin û lîberalkirina ciwanên xwendekaran tekoşîn kirin.
Ji bo avakirina civakeke exlaqî û polîtîk, pêşxistina xebatên spor,çand û huner.
Li derxistina konferansa xwendevanan.
XEBATÊN RAGIHANDINÊ
Avakirina komîteyên ragihandinê û aktîvkirina wan di nava meclîsan de.
Vekirina malpera tevgera ciwanên şoreşger ya Cizîrê.
Tekoşîn li hemberî bi madiyat nêzîkbûna ji ragihandinê re.
Piştî ragihandina pêşniyarbiryaran û şûnde konfirans bi hilbijartinê bi dawî bû.
