Fermandariya YBŞ-YJŞ’ê, di salvegera 2’emîn a berxwedana Xanesorê de şehîdên Xanesorê bi bîr anî, got planên dagirkeran û maşikên wan hatine pûçkirin û sala 2019’an wê bibe sala şikandina tecrîda li ser Rêberê Gelan Abdullah Ocalan.
NAVENDA NÛÇEYAN – Fermandariya YBŞ-YJŞ’ê bi daxuyaniyeke nivîskî salvegera duyan a berxwedaniya Xanasorê bi bîr anî, destpêka daxuyaniyê got, ”Duyemîn salvegera berxwedaniya Xanesorê,destpekê di şexsê mertalên berxwedaniya Xanesorê Ş. Nûjîyan,Ş. Orhan, Ş.Çiya,Ş. Fîraz Ş.Tekoşîn ,Ş.Nazê, Ş.Amed, Ş. Çekdar, Ş.Şoreş de em tevahî şehîdê axa berxwedêr, şehîdên 73’ê fermanan û tevahî şehîdê têkoşîna azadiye bi bîr tînîn.”
‘BI BERXWEDANÊN PLANÊN DAGIRKERIYÊ HATIN PÛÇKIRIN’
Fermandariya YBŞ-YJŞ’ê êrîşa qirker a DAÎŞ’ê ya 3’yê Tebaxa 2014’an a li ser Şengalê bi bîr xist û got, ”Wekê ku tê zanîn bi plansaziyeke dagirkerî, bi navê DAÎŞ’ê 3’yê Tebaxa 2014’an xwestin fermanekê li serê gelê me de bînîn û koka me ya resen ji holê rakin. Lê belê bi berxwedaniyeke bêhempa ev planên dagirkeriyê hatine pûçkirin. Di serî de bi hezaran keç dayîk û yê ku li ber xwe dan û teslîmî dagirkerîyê nebûn û xwîna xwe li ser vê axê ji me re kirin dîrok, bi wan pakrewanên azadiyê, tenê me ev êrîşa hovane neşikand, di heman demê de bi rêxistinekê parastinê yê bi hêz me bersiva vê fermanê da.”
‘WÊ PÊŞEROJEKE AZAD WERE AVAKIRIN’
YBŞ-YJŞ’ê êrîşa çeteyên Roj ên li ser Xanesorê bi bîr xist û wiha got:
”Dagirkerê ku bi vê berxwedanê planên wan hatin pûçkirin û xêr nexwazên vê xakê dev jî hesûdiya xwe ê qirêj bernedan. 3’yê Adarê, ev êriş bi navê çeteyên roj pêk hat, ku dagirkeriya Tirkan ew demek bû li Başîqa ew amade dikirin û ji bo êrîşek bi vî rengî hatibûn perwerdekirîn
Bi hewildaneke provakatîv, êrîş anîn. Lê vê carê jî dijminan xwe bi rengê îxaneta navxweyî xwe bi nav kirî, raserî lehengê vî gelî, keçê vî gelî û dayîkê vî gelî ên ku bi destê xwe û bi kevirê destê xwe buna mertal hatin. Dîsa bi berxwedaniya şervanên leheng keç û dayikên vî miletî yê qehraman ev plana dagirkeran û ev îxaneta herêmî, ev plan û leyîstoka dagirkeran hate pûçkirin û emelê wan yê dagirkerî di gewriya wan de ma.
Li ser vî esasî alvegera duyemîn ya Xanesorê, em ji tevahî gelê xwe û tevahî cîhanê re dibêjin her dilopek xwîna şehîdên me û hêza me ya YBŞ û YJŞ wê bibe têkoşîn û hêrisa serfiraziyê. Em dîsa li ber destê hemû şehîdên xwe, soz didin ku wê bi tekoşîn û bi berxwedaniyê li ser vê axê pêşerojek azad were avakirin. Wê tu dagirkerî nikaribe li ser vê axê xeyalê azadiyê bi çewisîne. ”
‘TÊKOŞÎNA ME YA SALA 2019’AN WÊ TECRÎDA LI IMRALIYÊ BIŞKÎNE’
Fermandariya YBŞ-YJŞ’ê herî wiha got:
”Di salvegera duyan de, tolhildana şehîdan, her dilopa xwîna şehîdan wê xwe di rihê têkoşîna me de mezin bike û bibe hêz û rêxistin û pêşeroja civaka Êzîdî.
Têkoşîna me ya sala 2019’an, wê bibe sala berxwadaniya mezin, serkeftinên mezin bi xwe re bîne. Wê bibe sala şikandina tecrîda li Imraliyê, têkbirina faşîzmê û azadiya gelê Kurdistaniyên Êzîdanê.
Ew tovên ku bi felsefeya Rêber Apo em fêrî berxwedan, parastin, rêxistiniyê kirin, li serê çiyayê Şengalê wê bibe zîndkirina baweriya Êzda û xeyalên azadiyê yên Derwêrş û Edûlê.
Bi vê çarçoweyê em di şexsê Leyla Guven de, ên ku li dijî faşîzmê û dagirkeriyê li ber xwe didin bi rêzdarî slav dikin.
Em di şexsê şehîdên Xanesorê de, hemû şehîdên têkoşîna azadiyê û yên Fermanda 73’an bi bîr tînin û soz didin ku agirê têkoşînê em geş bikin.”
