NAVENDA NÛÇEYAN
Di domahiya dîroka cîhanê de gelek komkuji û qirkirin hatine jiyîn. Dîroka dewletî, di heman demê de dîroka qirkirinan e. Di rûpelên dîrokê de faîlên qirkirinê jî, mexdûrên qirkirinê jî tên vegotin; li vir armanc ne tenê agahiyek wisa hişk dayîn e; di heman demê de ji nifşên pêşerojê re peyama “hişmendiya qetlîamker ji bo civakê, ji bo xwezayê bizirar e“ tê dayîn. Qenebe armanceke wisa yên dîroknasên objektîf heye. Bi vî awayî faîlên qirkirinan tên naletkirin; mexdûrên qirkirinê jî tên bibîranîn.
Helbet di şaristaniya dewletiyê de qirkirin, bi tenê di rûpelên dîrokê de cih nagrin; gelan, her roj, her kêlî bi vê qirkirinê re rû bi rû ne. Ji ber wê yekê her mirov, heman wextê dîrokeke zindî ye jî. Hinek mirov jî hene ku ji van qirkirinan xelas dibin û dibin govaniyên zindî ya van hovîtiyan. Nadîa Murad jî yek ji van e.
Nadîa Murad, jineke Êzîdî ye ku dema DAÎŞ, Mûsil dagir dikir ket destê DAÎŞê û dîl ket; 12 mehan di bin êşkenceya fizîkî û giyanî de ma. Dema ku em li dîmen û vîdeoyên ku DAÎŞ ji bo propagandaya xwe parve dikir binêrin, em nikarin êş û zoriyên ku Nadîa kişandiye texmîn jî bikin.
Yek jî rizgarkerên vî şerî hene. Li hemberî êrîşên hovane ya DAÎŞê, mirov ji bo ku xwe li jiyanê bihêle direviyan; lê wan li hemberî DAÎŞa hov bi lehengî şer dikirin.
Îro hemû cîhan faîlên van qirkirinan nalet dikin, mexdûr bi bîr tînin û rizgarkeran jî pîroz dikin. Li Rojhilata Navînê rêxistina ku DAÎŞ qedandiye YPG/YPJ jî tê de QSD ye. Ji ber vê jî gelek dewlet bi awayekî fermî serkeftina QSDê pîroz kirin û digotin “em ji QSDê re deyndar in“. Ku jixwe tu kes nikare vê înkar jî bike. Gelo mexdûr çawa dibînin?
Nadîa Murad, helbet berdevka hemû mexdûran nîne û nikare bibe jî. Hemû mexdûr serkeftina QSDê, ango rizgarkerên xwe pîroz dikirin lê Nadîa Murad bi zanebûnê an bi nezanbûnê QSDê wek rantek siyasî pêk tîne sucdar dike. Xuyaye ku tê beralîkirinê. Lêbelê her tişt bi zelalî li holê ye; dîsa zelal e ku Nadîa Murad di fikra xerab de ye.
Dema ku Şengal dihat dagirkirin, xwediyên hişmendiya Nadîayê, ango PDK, Şengal berdan û reviyan. Bi hezaran zarok, ciwan û jin ên Êzîdî hatin kuştin an jî li ser riyan tî û birçî man, jiyanên xwe ji dest dan. PDK yek ji berpirsiyariya vê qirkirinê ye. Îxaneta herî mezin e ev. Û QSD jî ji cîhanê re mizginiya qedandina DAÎŞê wê bide li van rojan. Ji ber vê yekê jî divê helwesta Nadîa Muradê were pirsiyarkirin. Tu wijdan vê helwestê nahewîne, dervayî rêwişt e.
Hemû çapameniya cîhanê vê rastiyê dibîne û dibêje; di vî warî de helwesta Nadîa Murad, helwestek dirûtiyê ye. Ji ber ku li holê tiştê ku ji nêrîna îdeolojîk derbas dike heye. Li holê rêxistineke ku bi hezaran şehîdan re DAÎŞê qedandiye, heye. Mirovên ku tu têkiliyên wan bi vî şerî re nîn in pesna QSDê didin lê Nadîa, ji ber hişmendiya xwe yê PDK, QSDê sucdar dibîne. Bila tu kes qisûrê nenêre, navê vê dirûtiyê ye, bêexlaqiyê ye.
Çawa ku xêza PDK wenda kir, ev hişmendî jî wê wenda bike. Jixwe wenda kiriye jî. Gelan, vê qirkirinê jî, mexdûrên vê jî û rizgarkerên vê jî dizanin. Û ji vê hişmendiyê re jî bi xwedîderketina QSDê re bersiv didin.
Zerdeşt Semsûr
