NAVENDA NÛÇEYAN
Ji bo azadiya Rêber Apo pratîkeke têrker pêwîst dike ji ber vê yekê em weke milîtanên Rêbertî bi sekna Apoyî dikarin dijmin bi bin bixin û tola hezaran salan jê bigrin. Emê bi çalakiyên xwe ji tevahiya cîhanê re bidin nişandan ku em bê Rêbertî nikarin jiyan bikin û ji bo ewlehiya Rêbertî emê heta dawî berxwebidin.
Em pêşengên Şerê Gelê Şoreşgerî ne ji ber vê yekê pêwîste di hemû aliyan ve taybetî jî bi rêya xwe zane kirinê re dikarin rêxistinbûna gel pêşbixin. Armanca min ya herî mezin azad kirina Rêber Apo û ya gelê Kurd e. Dema ku armanca mirov diyar dibe û heta dawî zelal dibe wê demê ti sînor li pêşiya wê namîne.
Jin bi baweriya cewherî dikare pêşengtiya şerên herî mezin jî bike. Fermandariya jin ya ku di şer de pêş dikeve bala tevahiya cîhanê dikişîne. Sekna xurt û rêxistinbûna jinan wê bi xwe re hêviya jiyana azad hîn xurt bike.
Bi rastiya Serokatî re em dikarin rastiya xwe jî binasin. Her ku em xwe nas bikin bi qasî wê em dikarin bigihîjin sekna jinên şoreşger. Di kesayeta xwe de bi pêş xistina pîvanên milîtantiyê re ezê heta jiyaneke serkeftî têbikoşim. Bi qasî ku rastiya tevgera azadiyê di kesayeta xwe de pêk bînim ewqasî jî dikarim rast jiyan bikim. Ji ber ku xeyalên me mezin in. Hêviyên jiyana azad berê me da çiyayên bi heybet. A niha berê min bi felsefa Serkatî re ronî dibe. Her tim bi xwe re di nava şerekî mezin de me ger ku bikaribim bi serkeftineke mezin vê şerê berdewam bikim wê deme dikarim rêya azadiyê de bibim stêrkek. Bi kesayeta xwe re şer dikim û ji vê şerê natirsim. Ji ber ku cîhê ku tirs dest pê bike li wê derê mirov bi wenda kirine re rû bi rû dimîne.
Jin hêviya jiyana azad e
Her ku naskirina dîrokê pêş dikeve hîn zêdetir bersivên pirsên min jî zelal dibin. Weke jin armanca me pêş xistina jiyana azad e ji bo vê yekê bi qasî naskirina dîroka jin em xwe jî nas dikin. Ji bo ku ez di rêya hevalên şehîd de bimeşim pêwîste sekin û tevlîbûna wan, ji bo xwe esas bigrim. Dema ku jiyana şehîdên me yên weke; Berîtan, Zekiye Alkan, Berîvan û tevahiya hevalên jin yên şehîd gohdar dikim ji bo min dibe bingeh da ku xwe nas bikim. Dema ku rastiya heval Zîlan temaşe dikim wê deme dibêjim; “Pêwîste her jineke bibe weke Zîlan.” Ezê her tim ji bona xwe gotina heval Zîlan a; “Bûyîna xwedî jiyaneke bi wate û çalakiyeke mezin” bikim bingeha jiyana xwe. Îradeya heval Zîlan ya xwedî wate ji bona me jî bûye wateya jiyankirina rast. Bi çalaki û jiyana xwe re di dilê me hemû yan de bicîh bûye. Heval Berîvan bi şêwaza rêxistin kirina gel re îrade û bawerî pêş xistiye, bi vî awayî di raperîna gelan de di refên herî pêş de cîhê xwe girtiye. Bi sekna van hevalan re hate dîtin ku jina Kurd dikare tekoşîna jiyana azad bi awayekî serkeftî bide meşandin û ji herkesê re dibe mînak.
Bersiva razberên jiyanê Rêber Apo ye
Rêheval Kemal Pîr, Mazlum Doxan û tekoşîna hevalên li zindanan, asta berxwedanê hîn mezintir kiriye û dûvre jî xelekekî ji agir derdora vê berxwedanê pêçandiye da ku kesekî nikaribe nêz bibe. Tevgera Azadiyê heta roja îro bi berxwedanê hatiye ji ber vê baş bê zanîn ku tekoşîn û berxwedan ticarî bi dawî nabe berovajî geş dibe. Ti tarîtî nikare ronahiya bê dawî tine bike û ti zordarî nikare qehremantiya zarokên vê welatê bide sekinandin. Ji ber ku girêdanbûna bi hevalên şehîd û Serokatî re rêyên herî zehmet de hêza tekoşîn kirine dide. Wekî rêheval Egîd bûyîna fermandarên rast û serkeftî tê wateya tola hezaran sala ji dijmin girtin û jiyana azad diyariyê zarokan kirin.
Ezê ti carî ji bona xwe ne jiyaneke erzan û ne jî mirinekî erzan erê nekim. Bi sekneke rêxistinkirî dest pê kê xwe ava bikim û bi ava kirina xwe re dikarim ji bo pêşeroja gelên şerker têbikoşim. Ji bona azad kirina Rêber Apo sekna fedayî esas girtin sereke ye. Her tim di nava çalakiyan de pêş xistina şerê hebûnê wê me ber bi jiyana azad ve bibe.
Ger ku em jiyaneke azad dixwazin pêwîste em baş bizanibin ku ji bo me azadî; Serok Apo ye. Serokatî azad be wê demê em jî azad in, ne xwe em nikarin behsa azadiyê bikin. Nabe ku jiyaneke bê Serok werê fikirandin. Jiyan, hebûn, azadî, xweşikbûna gerdûnê û her tişt di Serokatî de veşartî ye. Tevahiya razberên jiyanê di rastiya Rêbertî de tê bersivandin. Ji bo dîtina van bersivan bi her awayî xwe dayîna vê dozê tê wateya gihîştina hêvî û xeyalan. Dilê gelekî li Îmraliyê lê dide. Weke milîtanên Rêber Apo xwe gihandina van rastiyan beriya her tiştî ye.
Di vê bingehê de ez bûm rêwiya vê dozê. Ezê bê navber rêwîtiya xwe bidomînim.
Slav û Rêzên Şoreşgerî
Şehîd Axîn Viyan
