Endamên Ciwanên Komînîst ên Şoreşger ku li kantona Rojava ya Qamişlo hatin cem hev bi daxûyanekê 2. Emîn Konferansa ciwanên Rojhilata Navîn silav kirin.
QAMIŞLO- Endamên Ciwanên Komînîst ên Şoreşger (CKŞ) yên ku li Kantona Rojava ya Qamişlo hatin cem hev bi daxûyaniyekê Konferansa 2. emîn Ciwanên Rojhilata Navîn ku wê li Rojava bê lidarxistin silav kirin û bangawaziya xurtkirina konferansê kirin. Endamên CKŞ di daxûyaniyê de beşdarbûna xwe ya konferansê ragihandin.
Di daxûyanê de hat gotin ku em bawer dikin ku em li ser axên şoreşa herî ciwan a cîhanê, li Rojava û Bakurê Sûrî, Konferansa Ciwanên Rojhilata Navîn, a ku ciwanên azadîxwez û wekhevîxwez bîne cem hev wê hêz bide mezinkirina têkoşîna yekbûyî a ciwanên Rojhilata Navîn û ji bo mezinkirina avakirina enternasyonala ciwanan bi girtina biryaran wê berpirsiyatî bigire ser milên xwe.
Di daxuyaniya Ciwanên Komînîst ên Şoreşger (CKŞ) a ku bi zimanê Kurdî û Erebî hat xwendin de hat gotin ku “Em, şervan û parastvanên şoreşa Rojava û Bakûrê Sûrî ne. Ji ber ku ev şoreş, xeleka emperyalî û faşîst perçe kiriye û bûye sembola şoreşa sedsala 21’emîn. Em parêzvanên pêşeroja cîwanên ku ji aliyê dewletên kapîtalîst û emperyalîst ve hatiye dizîn in. Em şopdarên şehîdên ciwan ên ku di berxwedanên gelan wek Tunus, Misir, Kurdistan û Tirkiyê de nemir bûn in”
Her wiha daxuyaniyê bi gotinên “Em ciwanên Kurd, Ereb, Turkmen, Suryan in ku li dijî pergala kedxwarî û zilmê, li dijî zordestiya netewî, çînî û zayendî şoreş pêkanîne. Em neferên hêzên azadiyê yên ku li Rojava û Bakurê Sûri taritiya DAÎŞ’ê têkbirin e. Em rêhevalên Arîn, Paramaz, Sarya, Zehra, Cûdî, Elîşêr û hezaran şehîdên cîwan ên ku li Kobanê kolan bi kolan rûmeta mirovahiyê parastin in. Em rêhevalên şoreşgerên enternasyonalîst yên wek şehîd Îvana, Raperîn, Destan, Eylem, Şahîn û Tirêjan in. Ew ku li Til Temir, Minbic, Reqe û Efrînê bi qehramantiyeke mezin meşiyan ser mirinê”dewam kir.
Em Xezeba yên ku ji Grevên Birçîbûnê Heta Şêladizê Li Berxwe Didin in
Di daxuyaniyê de hat diyarkirin em ê wek ku azadiya xwe diparêzin şoreşa jinê biparêzin û di berdewamiya daxuyaniyê de hat diyarkirin ku “Em yên ku ji bo têkoşîna ku Li Rojhilata Navîn û hêrêmê de ji bo azadiyê tê dayin dixebitin in. Em yên piştgîrî didin çalakiya grêva birçîbûnê Leyla Guven ku ji bo şkenandina tecrîda girankirî ya li ser rêberê gelê Kurd birêz Ocelan. Em yên ku ji bo yekîtî û têkoşîna hevbeş ya 4 parçeyê Kurdistanê piştgirî didin Kongreya Demokratîk ya netewî ne. Em xezeba ciwanên kul i Şêladizê li dijî dagirkeriya Dewleta Tirk dest bi serhildanê kirin e.
Di daxuyaniyê de hat gotin ku em “Em serbilindiya Konferansa ku ya yekem li Amedê hatibû lidarxistin wê ya duyem li ser axên me pêk bê jiyan dikin. Em dizanin ku berî her tiştî mezinkirina têkoşîna yekbûyî ya ciwanan li ser milên me ye, Em bawer dikin ku konferanse me wê xizmetî pêşxistina têkoşîna ciwanan a yekbûyî bike, li Rojhilata Navîn û herêmê de jî xizmetî mezinkirina şerê azadiyê û serkeftinên nû bike”
Daxuyanî bi gotinên “Wek Ciwanên Komînîst ên Şoreşger (CKŞ) em xwedî li 2.emîn Konferansa Ciwanên Rojhilata Navîn derdikevin û em radigihînin ku em ê di vê konferansê de bi rihê berxwedanê ya ku şehîdên me yên nemir ji me re hiştin cihê xwe bigirin. Em bangawaziya beşdarbûna tevahî rêxistinên ciwanan yên Rojhilata Navîn dikin ku bi rihê berxwedanên gelan beşdarî konferansa me bibin ku em bi hev re alternatîfa şoreşger biafirînin” hat xedandin. Di dawiya daxûyaniyê de dirûşmeya “Bijî Şoreş Bijî Sosyalîzm” hat avêtin.
