Cîhan, bi Kobanê, navê wê û berxwedana wê re dirazaha û dirabû. Lê berxwedana Kobanê giyaneke Kurdistanê di nava kurdan de yekbûna wan jî afirand.
NAVENDA NÛÇEYAN – Berxwedana Kobanê, di qada navneteweyi de jî dest veda. Ji hemû herêmên cîhanê bertek ji bo piştgiriya li Kobanê hatin dayîn nîşandin. Berxwedana Kobanê, pirsgirêka Kurd jî, di qada navneteweyi de bi hemû rengê wê anî rojevê. Cîhan, bi Kobanê, navê wê û berxwedana wê re dirazaha û dirabû. Lê berxwedana Kobanê giyaneke Kurdistanê di nava kurdan de yekbûna wan jî afirand. Kobanê û êrîşên ku li wê dibûn, hemû Kurdistanî bi hemû beşên civaka Kurd re rakiribû serpiyan.
Piştî ku berxwedana Kobaniyê dest pê kir, li deverên Kurdistanê ên Başûr, Rojhilat û Bakurê Kurdistanê gel rabûn serpiyan. Di serhildanê Bakûrê Kurdistanê de polîs û leşkerên Tirk êrîşê gel dikirin û di nava herdû rojên pêşî ên serhildanan de ser 42 Kurd kuştin û bi hezaran birîndar kirin. Dem bi dem, ji nava wan birîndan jî mirovên ku jiyana xwe ji dest didan û bi wê re hijmara kuştiyên Kurdistanî ên di destê dagirkeriya Tirk zêdetir dibû. Rayadarên Tirk, piştî ku serhildanan, bidest “operasyonên qirkirinê” kir. Ew operasyonên qirkirinê jî, di rengê oparasyonên “dozên KCK” de bûn.
Serhildana Bakurê Kurdistanê ji bo berxwedana Kobanê
Li Bakûrê Kurdistanê piştî ku berxwerdana Kobanê dest pê kir, gelê Kurd rabûn serpiyan û serhildan kirin. Ev asta rabûna serpiyan a Kurdan di 7 û 8 Kewçêrê de gihişt asta herî bilind. Bi wê re jî, rayadarên dewletê bi polîs û leşkeran re êrîşî xwepêşanderan dikirin. Di wan êrîşan de ser 50 Kurdî re ji aliyê polîs û leşkerên dagirkeriya Tirk ve hatin kuştin. Bi hezaran mirov jî hatin binçavkirin û girtin. Di wê dema ku berxwedana Kobanê didomiya jî, li Bakurê Kurdistanê Kurd jî li sînorê Kobanê li deverên weke Pirsûsê û hwd civiyan û nobet digirtin ji bo piştgiriya berxwedana Kobanê. Lê her roj jî, leşker û polîsên dagirkeriya Tirk, êrîşî Kurdên ku li herêmên Pirsûsê û gundên wê nobet digirtin dikir. Rayadarên dewletê dixwest ku Kurdan ji ser sînor derbas bike. Ji ber ku dagirkeriya Tirk alîkarî dida DAIŞ’ê. dixwest ku Kobanê bikeve destê DAIŞ’ê de.
Serhildana Başûrê Kurdistanê ji bo berxwedana Kobanê
Li Başûrê Kurdistanê, li her deverê Kurd rabûn serpiyan ji bo piştgiriya berxwedana Kobanê. Li Dihok, Hewlêr, Helebce, Silêmanî, Kerkûk û hwd li gelek bajarên Başûrê Kurdistanê xwepêşandinên girseyî bûn.
Serhildana Rojhilata Kurdistanê ji bo berxwedana Kobanê
Li Rojhilata Kurdistanê jî, gelek xwepêşandin bûn. Li herêmên weke Ciwanro, Sine, Kirmaşan, Mehabad, Ûrmiye û hwd, li gelek deveran xwepêşandin pêşket. Li Tehran û Tewrêzê jî xwepêşandin çêbû, ji bo piştgiriya berxwedana Kobanê. Rayadarên Îranî jî, weke yên Tirk êrîşî xwepêşandêran kiribûn û bi dehan ji wan kiribûn binçavkirin.
Serhildana Ewropayê xwepêşandinên ji bo berxwedana Kobanê
Li hemû bajarên Almanya û Fransayê di nav de, li pirraniya bajarên welatên Ewropayê ku Kurd lê dijîn, rabûn serhildanê. Çalakiyên weke dagirkirina balafirgehan, li pêşiya parlemanan kombûn û hwd, gelek çalakiyên cûr bi cûr kirin. Çalakiyên dorveger ên birçîbûnê jî kirin.
Piştî 15’ê îlona 2014’an li hemû welatên Ewropayê Kurd li her deverê daketin qadan. Xwepêşandin li darxistin. Li balafirgehan çalakiyên rûniştinê û dagirkirinê li darxistin. Çalekiyên birçîbûnê kirin. Her wiha gelek çalakiyên din jî kirin. Li ku derê Kurdek hebû, rabû ser piyan. Kurd, ji qadan neçûn. Berxwedana Kobanê, di qada navneteweyî de deng veda. Lê bi wê re jî, bandora xwepêşandinên Kurdan ên li Kurdistanê û welatên Ewropayê jî, encamên wê ên dîrokî bûn. Piştî wan xwepêşandinan re êdî rayadarên Ewrupî û Emerîkî jî behsa dayîna alîkariyê li Kobanê kir. Bi wê re jî, balafirên hêzên koalîsyonê yên Emerîkayê çeperên çeteyên DAIŞ’ê bi dest bombabarandînê kirin.
NC \ NUDA ELEFTİRYA
