Dewleta Tirk a faşîst bi serkêşiya Erdogan bi tecrîda giran a li ser Rêberê Gelan Abdullah Ocalan dixwaze deskeftî, nirxên madî û manewî, nasnameya azad, çand û dîroka Kurdan tune bike. ji ber ku dizane afirînerê herî mezin ê nirxên azadiyê ji ciwanan û jinê re Rêber Abdullah Ocalan e.
QAMIŞLO – Derbarê tecrîda li ser Rêberê Gelan Abdullah Ocalan ajansa me ya Nûçe Ciwan hevdîtin bi Rehşan Zagros yek ji rêveberên jinên ciwan li bajarê Qamişlo re kir.
Rehşan Zagros di destpêka axaftina xwe de wiha got: Ev tecrîda ku li ser Rêber Ocalan tê kirin qomployek dem dirêje û giştî ye, ne dewletek bi tena xwe dike destê hemî dewletan têde heye.Ev tiştê ku bi hezarên salan li ser gelê Kurd dimeşînin dixwazin berdewam bikin. ji ber ku dizanin Rêber APO serokekî azadî xwaze, wekheviyê dixwaze, demokrasiyê dixwaze û ev tişt ne li gorî bercewendiyên van dewleta ne ji ber wê her diçe êrîş û zextên xwe zêda dike.
Zagros axaftina xwe dewam kir û got: Dema di sala 1999 an de serokatiya me girtin xwestin gelê Kurd hemî bigre û tune bike, lê ji ber ku hezkirin û girêdanbûneke gel ji serokatî re heya gel hemî rabûn ser piyan û bi taybet jin, jiber ku tu kesî wek serokatî mafê jinê ne daye. tiştê ku serokatî kiriya hemî ji bo xizmeta gelane ji bo gelê azadî xwaze, tiştek ji bo xwe ne kiriye ji ber vê yekê dewlet vê jixwere metirsî dibîne û êrîşên xwe zêde dike.
Zagros bel kişan ser derewên dewleta Tirk û got: Dema êrîşên li ser Efrînê dewleta Tirk agahiyên şaş li ser Rêberê Gelan Abdullah Ocalan belav dikirin her wiha li ser navê serokatî axaftinên ne rast digotin, mînaka wê dema digotin me bi Ocalan re li ser Efrîn tîfaq kiriye, bi vê yekê dewleta Tirk dixwest ku baweriya gel, ciwan, jinên ciwan û şervanan bi serokatiya me bişkêne, lê em heta dawiyê bi serokatiya xwe bawerin, serokatî euqa sal ji bo me di zindanê de ye.
Rehşan Zagros di berdewamiya axaftina xwe de wiha da diyar kirin: Tewrê me wek jinên ciwan diyare, emê pêşengtiya vê şoreşê bikin û pirojeyê ku serokatî ji bo jinê emê pêk bînin, emê kesayetên nû ava bikin û xwe xwirtir bikin.
Raste çiqas dijmin zextên xwe li ser serokatî zêde dike em pê dêşin lê ev hemî ji bo me dibe sedema tolhildanê. em ti carî gavên xwe bi paş de navêjin, em hertim bi întîqamê difikirin û li ser vê esasî tekoşîna xwe berdewam bikin.
Zagros debarê êrîşên dewleta Tikr li ser axa Başûrê Kurdistanê got: Îro em dibînin ku dewleta Tirk a dagirker dixwaze Kurdan bin pê bike, êrîşî Qendîl dike, êrîşî Başûrê Kurdistanê dike û êrîşên ku li ser Efrîn kiriye, di hemî milan de dixwaze Kurdan bifetisîne têxe bin hakimiyeta xwe û bike koleyekî li ber destê xwe, lê em ti carî wek jin û ciwan vê yekê qebûl nakin, emê xwe bikin mertal û ber bi çiya ve bimeşin û serê xwe ji dagirkeriyê re natewînin û liser fikir û felsefa Rêber APO xwe perwerde bikin.
Zagros di dawiya axaftina xwe de got: Tenê hedefa me azadiya serokatî ye li ser vê esasî em dibêjin ku yek Kurd mabe emê li hember dagirkeriyê tekoşîn bikin û şer bikin, emê hertim xwe bi rêxistin bikin û dibêjin ku ti carî serokatî ne bi tenê ye û bi tenê namîne, ji ber ku serokatî ne şexseke, serokatî fikir û felsefeyeke azade, jiber vê yekê em wek jinên ciwan hertim gavên xwe bi pêşde bavêjin û dibêjin yan azadiya serokatî yan azadiya serikatî û erkê ku dikeve ser milê me wek jinên ciwan ku em li hember vê tecrîdê serî hildin û di întîqamê de bifikirin.
