NAVENDA NÛÇEYAN – Navenda Ragihandina QSDˊê nasnameyên 2 şervanên YATˊê yên li ser erka xwe ya parastina şêniyan û ewlehiya bajarê Reqayê şehîd bûn aşkera kirin.
Navenda Ragihandina Hêzên Sûriya Demokratîk (QSD) bi daxuyaniyekê nasnameyên 2 şehîdên YATˊê ragihandin.
Daxuyanî wiha ye: “Yekîneyên Antî-Terorê (YAT) nasnameyên şervanên xwe şehîd Andoq Alî û Akif Kobanê yên li bajarê Reqayê, dema erka parastina gelê xwe, ewlehî û aramiya herêmê li hember êrişên komên Şamê pêk dianî, ragihandin.
Em bejna xwe li beramber ruhê her du şehîdên xwe yên ku di oxira pêkanîna erkên xwe yên mirovî û neteweyî bi şeref û berpirsiyarî de pêk dianî, gihîştin asta şehadetê, ditewînin. Şehîdan wateya pabendbûna rastîn bi cih anîn, mînaka wêrekî û dîsplînê bûn, bi bêdengî û wefedarî kar dikirin, bawer bûn ku parastina civakê berpirsiyareke exlaqî ye, beriya ku bibe erkeke leşkerî.
Ji dema tevlêbûna her du şervanan li nava yekîneyên me, li eniyên pêş bûn, erkên xwe bi ruhekî bilind pêk dianîn û selametiya şêniyan di her tiştî re digirtin. Zanîn ku cenga ewlehiyê ne rûbirûbûneke derbasdar e, lê têkoşîneke ji bo siberoja herî ewletir.
Şehîdbûna her du şervanan şopek kûr di dilên hevrêyên wî û her kesê nas dike de hişt, lê ew ê bimînin mîrasa mirovî û têkoşînê di bîrewariya me û wijdana gelê me de. Em soz didin wan ku rêya wan bişopînin û wefedar bin.
Nasnameyên şehîdan wiha ne:
Nasnav: Andoq Elî
Nav û paşnav: Ciwan Talet Elî
Navê dayikê: Semîra
Navê bav: Talet
Cihê jidayikbûnê: Kobanê
Cih û dîroka şehadetê: Reqa-18ˊê Çileya 2026ˊan.
Nasnav: Akif Kobanê
Nav û paşnav: Ehmed Xelîl Reşîd
Navê dayikê: Solî Bobo
Navê bav: Xelîl
Cihê jidayikbûnê: Kobanê
Cih û dîroka şehadetê: Reqa-18ˊê Çileya 2026ˊan.”
