QAMIŞLO – Ciwanên Partiya Yekîtiya Demokratîk (PYD) û Nadya Berxwedan di Navenda PYD ya Erbewî komxebatek derbare rêxistina xebatê werzîşê bi navê ”Bi Rêxistinkirina Spora Komînal em ê civaka exlaqî û demokrasî avabikin” lidarxistin.
Di komxebatê de bi dehan lîstovanên Yana Berxwedan û endamên PYD beşdarbûne. Nadya Berxwedan ji destpêka şoreşê ve xebatê werzîşê bi ruhekê welatparêz û şoreşgerî rêxistin dike. Komxebat bi deqeqî rêzgirtin jı bo bîranîna cangoriyên şoreşê hat destpêkirin.
Hevserokê Partiya Yekîtiya Demokratîk (PYD) Xerîb Hiso semînerek derbare siyaseta werzîşê da. Herîb Hiso da diyarkirin ku Hikumeta Şamê siyaseta înkarê ku ji Rêjîma BAAS li dijî tîmên werzîşê yên kurdî hat meşandin berdewam dike. Tîmên bi navê kurdî ji hikumeta Şamê nayên qebûlkirin. Di eynî demê de werzîşê ji aliyê pergala kapîtalîst wek amurekê şerê taybet tê bikaranîn. Xerîb Hiso destnîşankir ku werzîşê wek ticaretê û bazirganiyê tê bikaranîn û bi vî awayî ji rola xwe ya komkirina însanan û avakirina jiyanekê komînal tê dûrxistin. Xerîb Hiso semînara xwe bi bangek ji bo ciwanên Yana Berxwedan bi dawî kir, got ku pêwîstê lîstokvanên welatparêz hem di dema lîstokê de û hem di nav civakê de rola pêşengtî ji bo hevgirtin, rêzgirtin û komînalbûyin bileyzin.
Hunermendê Delîl Mîrsaz derbare Çand û Hunera werzîşî axivî. Delîl Mîrsaz da diyarkirin ku pêwîst e ne tenê werzîşê wek futbolê û voleybol, lîstokên kevnar ên herêmî yên erebî û kurdî jî di nav ciwanan da bên zindîkirin. Delîl Mîrsaz taybet derbare rola ciwanan di nav civakê de û enerjiya ciwanan di avakirina civaka exlaqî û demokratîk axivî.
Piştî semînerên destpêkê endamên Ciwanên PYD û Nadya
Berxwedan nêrînên xwe anîn ser ziman. Ciwanên ku di komxebatê de beşdarbûn dan diyarkirin ku pêwîste rihê werzîşî hem di nav civakê û hem di dema lîstokê de bê zindîkirin. Her wiha ciwan dan diyarkirin ku pêwîste lîstokvanên ciwan xwe ji bandorên sîstêma kapîtalîzm wek populîzm û werzîşê ku tenê bi madiyetê giredaye ye dûrbixin. Hat diyarkirin ku werzîşê tenê dikare bi rihekê komînal serbikeve û Yana Berxwedan jî wek komînek ku rola civakbûnê dileyze bi nav kirin.
Komxebat bi xwendina encamnameyê bi dawî bû. Endamên Ciwanên PYD dan diyarkirin ku ew ji bo serkeftina pêvajoya aşîtî û civaka demokratîk ku ji Rêber Apo hat destpêkirin têbikoşin û wê bi xebatê werzîşê civaka demokratîk rêxistin bikin.
