HELEB – Li bajarê Helebê bi pêşengtiya Yekîtiya Jinên Ciwan dewreyek perwerdeyê ya tenduristî bi şahîyek bi dawî bû. Perwerde bi navê Şehîd Bişeng Birûsk ji aliya Yekîtiya Jinên Ciwan we hat organîze kirin. 20 jinên ciwan tevlî dewreya tenduristî bûn. Bernameya dewreye bi dersên pratîkî û hem yên teorîk 15 rojan dom kir. Armanca dewreye ya sereke pêşxistina Jinên Ciwan ji bo rewşen awarte û hişmendiya civak ji bo tenduristî bilind kirin.
Şahî bi deqeyekê rêzgirtin dest pêkir pişt re li ser navê Yekîtiya Jinên Ciwan Sidra Sirûr axivî.
Sidra di axaftina xwe de behsa rol û misyona jinên ciwan kir. Herwiha got ku jinên ciwan dikarin di her cih û beş de ji bo civakê pêşengtiyê bikin.
Li ser navê Komîteya tenduristiyê a Kongra Star Nisrîn Mihemed axivî û li hemû jinên ciwan ên ku beşdarî perwerdeyê bûne pîroz kir.
Piştî dawîkirina axaftinan bawernameya tevlîbuna perwerdeya tenduristî li endamên hat belavkirin. Şahî bi gerandina govend bi dawî bû.
Jineke ciwan bi navê Sara Muhammed, ku beşdarî perwerdeyê bû, got ku armanca tevlîbuna dewreya tenduristî ji bo pêşxistina xwe ya beşa tenduristî ye. Her wiha, Sara bang li hemû jinên ciwan kir ku beşdari perwerdeyan bibin, xwe pêşbixin û bi vî rengî bi felsefeya Rêber APO bijîn.
Di dawiyê de Nisrîn Muhammed girîngiya Xwerêvabirina civakek, bi taybetî bi meyzakirina perspektîfen Rêber APO re, dubare kir: “Navê min Nisrîn Muhammed e, û ez endame Komîteya tenduristiyê a Kongra Star me. Erka me ew e ku em hişmendiya di civakê de, bi taybetî di nav jinên ciwan de, bilind bikin. Ji ber vê me di organîzekirina perwerdehiya tenduristiyê de cihe xwe girt. Perwerde 15 rojan dom kir û dersên li ser mijarên wekî alîkariya yekem, dermanê xwezayî û zanîna tenduristiyê hatin dayin. Hem dersên pratîkî û hem jî yên teorîk hebûn. Armanca me gelemperî ew ku em ê asta zayîna civakê bilind bikin. Li vir li Helebê, li Taxa Eşrefiyeyê û Şexmesûd, em di rewşek awarte de dijîn. Di demên dawî de, êrîş li ser civaka me ya Taxa çêbûne. Ger êrîşên din çêbibin, civaka me dikare vê zanînê bikar bîne da ku alîkarî û parastina xwe bike. Di perspektîfen Rêber APO girîngiya rêxistinkirina civakê diyar dibe. Ji ber vê, dîtina jinên ciwan ên ku li vir xwe perwerde dikin bi rastî moralek mezin bû. Bi tevahî atmosfere di perwerde de germ û komûnal bû. Ji ber vê em ê bi xebata xwe bidomînin.”
