NAVENDA NÛÇEYAN – Endamên Meclîsa Ciwanan a Partiya Demê ya Adanayê bi daxuyaniyek, dorpêç û êrîşên li dijî ciwanên yên ku ji Stenbolê ber bi Amed ve diçûn û kesên ku ji bo silavkirina wan hatibûn, her wiha operasyonên binçavkirina ciwanan, protesto kirin.
Meclîsa Ciwanên Partiya Demokratîk di daxuyaniyekê de wiha got:
“Ez hezar carî hemû gelê me, ciwanên me yên welatparêz û gelê Stenbolê yen ku beşdara meşa “Bi reberê azadiyê re ber bi jiyana azad ve’ dibin, silav dikim. Ev meş divê îro bi me re bûya, lê piştî ku ji aliyê faşîstan ve rastî êrîş û îşkenceyê hat, duh bi şev ne bi me re bûn. Wekî ku tê zanîn, Rêberê Gelê Kurd, APO 26 sal in bi awayekî neqanûnî li girtîgeha girava îşkenceyê ya Îmraliyê dîl tê girtin. Mafê wî yê jiyan û azadiyê tê înkarkirin. Îro, em ber bi Amediyê ve diçin da ku dawî li vê yekê bînin, vê dîlgirtina fîzîkî bişkînin. Azadiya Rêber APO ji bo gelê Kurd pir girîng e. Divê were zanîn ku bêyî azadiya fîzîkî ya Rêber APO, em nikarin ti azadiya ramanê, ne ya giyanî û ne jî ya fîzîkî, bi dest bixin. Nasname, ziman, rûmet û hemû gelê me li Îmraliyê dîl tê girtin.” sedema vê yekê ew berpirsiyariyeke dîrokî ye ku em tevbigerin. Em vê zîhniyetê şermezar dikin ku hevalên me yên ciwan ên ku roja Înê sibehê di operasyoneke hêzên taybet de hatin binçavkirin hedef girt. Ciwan bi van çalakiyan nayên tunekirin. We gelek caran hewl da ku me bi operasyon û binçavkirinan bitirsînin, lê berevajî vê, em dev jê bernedane û xurttir seferber dibin û xwe birêxistin dikin. Dem hatiye ku hûn vê yekê bizanibin. Dev ji vê helwesta provokatîf berdin û ji bo aştiyê gavên berbiçav bavêjin. Em bi kurtasî dubare dikin: Zilma we tenê dê hevalên me yên ciwan xurt bike. Em ji bo azadiya Rêber Apo dimeşin. Em li Amed îradeya xwe bilind dikin. Bijî Berxwedana Ciwanan.”
