HESEKÊ- Doh li her çar aliyên Kurdistanê û Ewropa ji bo xurtkirina diyalogên bi Rêber APO re bi pêşengtiya jinan û jinên ciwanan ve çalakiyên cur bi cur hat li darxistin.
Yekitiya Jinên Ciwan ên Hesekê jî îro li Meclîsa Rêveberiya Xweser a Hesekê roja “Bi Rêber APO re Diyalog” li darxistin. Dehan jinên ciwan ên Ereb û Kurd di bernameyê de amade bûn.
Bername bi daqeyekî rêz girtin di şexsê şehîdên jin ên tekoşer ve ji bo tevahî şehîdên şoreşê destpêkir. Piştî rêzgirtinê Nameya Rêber APO ku ji bo ciwanan hatibû şandin, hat xwendin. Jinên ciwan name bi coşekî mezin û bi sloganan pêşwazî kirin.
Her wiha di bernameyê de sînevîzyonek li ser têkoşîna Rêber APO ji bo civak û gel di şexsê jinan de hate nîşandan.
Di dawiya bernameyê de nerîn û hestên jinên ciwan hat girtin. Jinên ciwan dan diyar kirin ku wê xwedî banga Rêber APO ya ku ji ciwanan re şandiye derkevin. Û ser bingeha rexistinbûyîn û rexistinkirin de kar û xebatê xwe xurttir bikin.
Bername bi slogana “Bijî Serok APO” û “Jin Jiyan Azadî” bi dawî bû.
