KOBANÊ – Gelê me ya welatparêz dijminê xwe baş nasdikê û tu carî li hember wan êrişên dagirkeran serê xwe netewîne û natirse. Mistefa Ismail ku li bajarê Kobanê jiyan dike li ser êrişên dawî yên dewleta Tirk, ji ajansa me Nûçe Ciwan re axifî. Ismail nêrîna xwe anî ser ziman û got;
“Yên weke Erdogan xwînxwarin, dînê wan tineye, tu wateya wî nine. Xwe misilman dibînê lê tiştên ku dikeve diyar dibe ku bi tu awayî misilmantî li gel Erdogan nîne. Ger hebûya wê mafê mirovan qebûl bikira. 40 Milyon Kurd li Tirkiyê heta niha bê mafe, bê ziman e, her timî bê tiştek e. Yekî weke Erdoğan zalîm e. NATO çima ji vê re dengê xwe dernaxe. Teqez divê ji Erdogan hesab were xwestin.
Li zarokan dixe, li jinan dixe, li êxtiyaran dixe, dîn îman bi wî re tine û dive ez Misilman im. Erdoğan derewan dike, ew her faşizmê tîne. Yê ku mafê xelkê qebûl neke, mafê wî jî di dinyayê de ne qebûl e.
Em li Rojava pariyekin. Em bi giştî 3 Milyon Kurd hene, dema li wir şoreş çêbû jî me got mafê me jî heye, em heqê xwe dixwazin. Sebeb çiye yanî? Desthilatdariya Erdogan dike neheqiya ku ew dike, em tu caran qebûl nakin ser xwe. Tu mirovên li rûyê erdê ku ji xwe re dibêjin em mirovin vê yekê qebûl nake. Ewqas gelê me şehîd kiriyê, biçin şehîdgehê binerin bi hezaran Şehîdên me çêbûne.
Ma mafê mirovan tineye yanî? Ma qet exlaq tine ye? Ma qet edebiyat tine ye? Dawiya Erdogan diyar e wê bişewite. Ev yek ne tehdît in ev wê rastî bibin. Ji bo çi mafê mirovan li cem tine ye. Em ewqas salin di warê xwe de ne, em cîranên hevdû ne, em dibên bila ser me de neyen. Dînê me heye, exlaqê me heye, em Kurd xwedî exlaqin, xwedî maf û xwedî her tiştî ne. Me xwe parastiyê, em dikarîn xwe biparezîn jî. Ez dikarim bibejim wan a nikarin tişteke bikin. Ew çiqas me bombebaran jî bike li zarokan jî bide lê wê ew kirinên Erdogan wê ji çavê wî re derbikeve.
Erdoğan insanekê faşîst e. Erdoğan insaneke qatîl e. Erdoğan insanekê kirêt e. Din û imana wî tune ye. Kesê ku li zarokan dixe li jinan dixe li extiyaran dixe wê çi exlaq pêre hebe? NATO çawa wî qebûl dikin. Ez rexne NATO dikim. Yê ku peymanan bi Erdogan re dike NATO ye.
Gerîlla li wan dixe ew jî tên li gelê Rojava dixîne. Ma qet exlaqe xwe tine Em dibêjim bese êdî. Bila wisa nekin 70 Milyon Kurd hene, mafê me tine. Sebeb sykes Pîcot bîr nekirîyê. Wexta para Kurd hatiyê par kirin, heqê Kurd hatiye parvekirin em dizanin, Bila nebejin Kurd nizanin, runiştine dîroka xwe nasnakin. Em karê xwe ji alemê behtîr dizanin. Lê belê exlaqê me heye, exlaqê me de mirovên bê sûc kuştin nîne.
Me Kurdan kî êşandiyê? Me mafê kî winda kiriyê? Me erdê kî gasp kiriye? Ji me çi dixwaze?
