NAVENDA NÛÇEYAN – Ajansa me Nûçe Ciwan li Tebqa, Reqa û Dêrazor reportaj bi 5 ciwan girt ku bangawazîya xwe ji bo meşa dirêj rave dikin, ku wê di 29’ê Mijdarê de li Qamişlo dest pê bike û 3 rojan heya Dêrîkê berdewam bike. Ev meş ji bo silavkirina hemleya “JI RÊBER APO RE AZADÎ, JI PIRSGIRÊKA KURD RE ÇARESERΔ û pîrozkirina salvegera 45’emîn ê damezrandina Partîya Karkerên Kurdistanê (PKK) ji alîyê rêxistinên ciwanên Bakûr û Rojhilatê Sûriyê tê li dar xistin.
Roja yekem li Tirbêspîye, saet 5 êvare, bi şahîyeke 27’ê Mijdarê were pîroz kirin, roja duyemîn li Rimêlan wê sînevizyonek li ser jiyana Rêber Apo were temaşekirin û roja sêyemîn wê meş li Dêrîkê bi mîtîngekê bi dawî bibe. Rêxistinên ciwanên bangawazîya hemû ciwanan dikin ku tevlî vê meşê bibin.
Cihê Kombûyînê: Qamişlo, Medînê Şebab
Saet û Dîrok: 09:00 – 29.11.2023
