KOBANÊ – Nêzî 3 sal in bi ti awayî agahî ji Rêber APO nayê girtin ku ev yek li nava gelê Kurd û gelên herêmê cihê fikaran e.
Şêniyên herêma Firatê ya Bakur û Rojhilatê Sûriyeyê bi armanca şermezarkirina tecrîdkirina Rêber APO li Kobanê li hev civiyan. Girseya gel ji Qada Jin a Azad heta bi Dibistana Şehîd Seydo meşiya.
Di meşê de wêneyên Rêberê Gelê Kurd hatin hildan û bê navber dirûşmeyên ‘Bê Serok jiyan nabe’ û ‘Bijî Serok Apo’ hatin qîrîn.
Piştî meşê, ji bo bîranîna şehîdan deqeyek rêz hate girtin û piştre Berdevkê Tevgera Ciwanên Şoreşger a Herêma Firatê Hîlal Elî daxuyanî da. Hîlal Elî destnîşan kir ku heta azadiya fîzîkî ya Rêber APO ew ê têbikoşin.
Di daxuyaniyê de işaret bi fikarên li ser rewşa tenduristiyê yaRêber APO hate kirin û hate gotin, “Em ê azadiya fîzîkî ya Rêber Apo misoger bikin.”
Çalakî bi dirûşma “Bê serok jiyan nabe” bi dawî bû.
