MEXMÛR – Li avahiya Mala gel a Wargeha Penaberan ya Şehehîd Rustem Cûdî (Mexmûr) di 25’ê Tebaxê de bi tevlîbûna 120 delegeyan 6. Konferansa Komîteya Perwerdeya Xweser hat lidarxistin.
Li avahiya Mala gel a Wargeha Penaberan ya Şehehîd Rustem Cûdî (Mexmûr) di 25’ê Tebaxê de bi tevlîbûna 120 delegeyan 6. Konferansa Komîteya Perwerdeya Xweser hat lidarxistin. Konferansê du rojan domand. Salona ku konferans lê pêkhatî, bi wêneyê Rêberê gelê Kurd Abdullah Ocalan û şehîdên jin, her wiha nivîsên weke ‘Perwerde bi jina xwedî zanist û xwebûn digihe armanca xwe’, ‘Gelê bê wêje di dilê mirovê bê ziman de ye’ hatibû xemilandin. Konferans bi deqeyek rêzgirtin ji bo tevahî şehîdên tevgera azadiya Kurdistanê destpêkir.
Axaftina vekirinê ya Konferansê ji aliyê Endama Kordînasyona Meclîsa Îştar, Nûran Sezgîn ve hat kirin.
Nûran Sezgîn di destpêka axatina xwe de diyar kir ku di vê pêvajoyek de lidarxistina Konferanek wisa pir girînge û wiha peyîvî: “Rewşa ku em niha tê de jiyan dikin, eger em îro konferansa xwe ya 6’emîn lidardixin bedelekî pir giran hatiye dayîn ku em wek manoste, wek jin hizir û ramanên xwe di platformên azad de tînin ziman. Îro Rêbertî di bin tecrîdek pir giran û bê huquqî de jiyan dike. Li rûxmê van hemû êriş û bê huquqiyan jî çikirin nekarîn gavekê jî bi Rêbertî paşde bidin avêtin. Niha ev tecrîda ku li ser Rêbertî Tikiye xistiye tengaviyê. Ji bo em bikaribin bibin bersiva pêvajoyê, divê em bi ruhê şehîd Zîlan, Bêrîtan û Semayan xwe bi rêxistin bikin û her kêlî Rêbertî di nava şaneyên laşê xwe de bidin jiyankirin. Li ser vî bingehî em dibêjin 6. Konferansa Komîteya Perwerdeya Xweser destpêkê li Rêber Apo û tevahî jinan pîroz dikin.”
Konferans bi xwendina perspektîfên Rêberê Gelê Kurd Abdııllah Ocalan, xwendina rapora du salan, rewşa siyasî û nirxandinên kar û xebatan hatin meşandin dewam kir. Her wiha di konferansê de rêzikname û pêşnûmebiryar hat xwendin. Bi wê ve girêdayî desteya disiplînê hat hilbijartin.
Axaftina girtinê ji aliyê Hevberdefa Komîta Qada Perwerdê Bêrîvan Kaya ve hat kirin.
Bêrîvan Kaya di axaftina xwe de anî ziman ku polîtîkayên ku niha li Kurdistanê tên jiyankirin hemû jî girêdayî tecrîda ku li Îmraliyê tê pêkanîne û wiha got: “Eger mirov di aliyê wijdanî de destê xwe dane ser wijdana xwe û xwe têde bibîne, mirov wê kêm zêde bikaribe xwe diber çavan re derbaz bike. Konferansa me bi wê hêviyê hat lidarxistin ango em bikaribin li hemberî van nêzîkatiyên ku li ser xwezaya Kurdistanê, tevahî gelê Kurd bi taybet li ser jinan tê pêkanîn hîn baştir fêhm bikin. Wek mamosteyên jin yên wargehê em parçeyek yê vê rêxistinê ne û di heman demê de weke rewşenbîrên wargehê tên naskirin. Ji bo vê jî pêwîste karê ku dikeve li ser milê me, em pêkbînin. Eger em her du salan carekê konferansê lidardixin jî, bi armanca ku pêwîste em gelek tiştan derbaz bikin, xwe nû bikin û ji bo qada ku em têdene hem ji bo civaka ku em di navde ne jêre bibin hîvî û barê wê civaka heyî sivik bikin. Li ser vî bingehî ez destpêkê 6. Konferansa Komîteya Perwerdeya Xweser li Rêber Apo, tevahî şehîdan û gelê amade pîroz dikim.”
Konferans bi dirûşmeyên ‘Bijî Serok Apo’, ‘Jin Jiyan Azadî’ bi dawî bû.
