NAVENDA NÛÇEYAN- Endama Komalên Jinên Ciwan Avesta Ezîdxan bal kişand ser girîngiya hişyarkirin û birêxistinkirina jinên ciwan di çarçoveya kampanya “Jin Jiyan Azadî, Serbixe Azadî” de.
Newroz gelê me têkoşîn û berxwedana xwe nîşan da
“Di serî de em Newroza 2023’an li Rêber Apo pîroz dikin. Dîsa em Newroza Rêbertî li hemû gelan bi taybet gelê Kurd pîroz dikin. Gelê me di vê Newrozê de bi daketina qadan dilsozî û hezkirina xwe ya ji Rêber Apo re nîşan da. Dîsa têkoşîn û berxwedana xwe nîşan dan. Em hemû hevalên xwe yên di çeperên berxwedanê de li berxwe dane û şehîd bûne bi bîr tînin.
Bi hezar salan dijmin êrîşeke bênavber dike
Weke ku tê zanîn sîstema desthilatdariyê bi hezar salan e ku êrîşeke bênavber dike. Bi taybetî îmhaya ku di civakê de afirandiye, pirsgirêkên ku afirandiye, pirsgirêkên çandî, pirsgirêkên exlaqî, pirsgirêkên derûnî… bi hezaran sal in bi her wateyê ji aliyê dijmin ve hatiye kirin. Vê yekê gelek zerar bi xwe re aniye. Ev yek bi taybetî ji bo jin û ciwanan hate sepandin. Ji ber ku hêza dînamîk a civakê jin û ciwan in. Vê yekê bandorek mezin li ser jin û ciwanan kir. Ziyaneke mezin da. Mirov ji mirovahiyê û civak jî ji civakê dûr xistiye. Pirsgirêkên ku em îro pê re rû bi rû ne ji vê ne cuda ne. Ji dîrokê heta niha tiştek e. Wekî din, di civaka xwezayî de tiştek wisa tune. Wê demê ne mijara azadiyê, ne jî pirsgirêka çandê hebû. Bi derketina pergala serdest a destpêkê re vê yekê pirsgirêkên mezin bi xwe re anî.
Beriya ku Rêbertî azad bibe divê jinên ciwan xwe azad hîs nakin
Îro hemû êşên civaka me çavkaniya xwe ji dewletê digirin. Yê ku ev zîhniyet deşîfre kir, li dijî wê rawestiya û qebûl nekir, Rêber Apo bû. Ji ber vê yekê weke jin û jinên ciwan em weke Komalên Jinên Ciwan beşdarî pêngava ku KJK’ê bi kampanya “Jin Jiyan Azadî Serbixe Azadî” daye destpêkirin, dibin. Armanca me ya yekemîn bi kampanyaya ku me daye destpêkirin azadiya Rêbertî ye. Ji ber ku em weke jin beriya ku Rêbertî azad bibe xwe azad hîs nakin. Lewma azadiya fîzîkî ya Rêbertî tê wateya azadiya hemû civakan. Bi kampanyaya ku me li ser vê bingehê daye destpêkirin, jin bi hebûn, îrade, nêrîna xwe ya jiyanê, hezkirin û ramanên xwe dikare bigihêje azadiyê.
Divê jin vegere cewhera xwe
Weke ku me di serî de jî anî ziman, pirsgirêka azadiyê di nava pirsgirêkên ku zihniyeta serdest a mêr bi xwe re aniye, pêşî tê. Vê yekê bi kurtajkirina jinê dest pê kir. Dema jin hatin xwar û kole kirin, zîhniyeta serdest a mêr pêş ket. Li ser vê bingehê em dibêjin “Jin Jiyan Azadî”. Jin Jiyan Azadî li rastiya xwe vegere, li cewhera xwe vegere, jina xwe dikare bigihêje azadiyê. Bi azadiya jinê wê civak azad bibe.
Li ser vê bingehê weke jinên ciwan em weke jinên ciwan ji aliyê fizîkî, psîkolojîk, çandî û civakî ve weke jinên ciwan rastî êrîşên dijmin ên ku ev zîhniyet pêşket.
Mînak di civaka me de cihên ku fuhûş lê tê kirin hene. Ev civakê ji exlaqê wê dûr dixe, civakê ji rastiya wê dûr dixe. Dîsa tiryak mejiyê jinên ciwan dixeniqîne. Ji bo ku li azadiyê nefikirin, jinên ciwan dikin tiryakê. Buddha bandorek mezin li ser xwe dike.
Dîsa em dibînin ku zewacên zarokan pir zêde ne. Divê em jê bipirsin, ka ew bi zorê ye an dilxwazî ye. Ger jinên ciwan di temenê biçûk de jî bixwazin bizewicin, sedem çi ye? Li aliyê din bi zorê tê kirin. Divê her jinek ciwan vê yekê bipirse.
Jinek Ciwan bi naskirina Rêbertiyê dikarê rast bijî
Werin em vegerin dîroka xwe û nasnameya xwe ya rastîn nas bikin. Em vegerin cewhera xwe. Pêdiviya me ya sereke ew e ku em xwebûn bijîn. Ji ber ku weke jinên ciwan em bûne yên her kesî lê ne yên xwe. Ev zîhniyet bû sedem ku jin hem di warê ramanî de hem jî di warê fizîkî de ji mêran re bibin teqlîd.
Mînak gelek jin di saziyên dewletê de dixebitin. Ev jin heta kengê rastiya jinê dijîn? Çend jin dikarin beşdarî lêkolînan bibin? Em dibînin ku ev yek bi zîhniyeta mêr pêk tê. Dibe ku ji aliyê fîzîkî ve jin be, lê ya ku di aliyê derûnî de tê jiyîn zîhniyeta zilam e. Ji ber vê yekê tu jinek ciwan nikare rast bijî. Ev bi naskirina Rêbertiyê pêk tê.
Bê rêxistin û nasnameya xwe em nikarin xwe azad bikin
Lewma pêwîste Rêbertiyê nas bike. Rêbertî ji bo me Jineolojî pêş xist. “Zanana jinê” yekem car ji aliyê Rêbertiyê ve hat pêşxistin. Dîsa pêwîstiya me bi rêxistinbûna Îdeolojiya Azadiya Jinê heye ku xwedî 5 esasan e. Heta ku jinên ciwan xwe bi rêxistin nekin, heta ku em nasnameya xwe derxin pêş em nikarin xwe azad bikin. Weke jinên ciwan di warê ramana azad, vîna azad de gelek pirsgirêkên me hene. Li ser vî esasî eşkerekirina îradeya xwe, xwe xurtkirin, hezkirina ji hev û eşkerekirina nasnameya xwe ji bo me pêşeng in.
Divê em xwe nas bikin
Em wê bi taybetî di tiştên ku li ser medyaya civakî pêş dikevin de dibînin. Jê re tê gotin medyaya civakî, lê ew ne civakbûn e. Civakê parçe dike. Bi bernameyên xwe yên ku bi rêya telefonê, bi rêya çapemeniyê tên eşkerekirin pêş dixe. Ev jî dibe sedem ku jinên ciwan ji civakê qut bibin. Ev ferdbûn kesayetiyê derdixe holê. Ev yek nahêle ku jinên ciwan hişyariya xwe bilind bikin. Gelek jinên ciwan diçin dibistanan, lê ew çawa hişyariyê bilind dikin? An jî ew çiqas qezenc dikin? Ji ber vê yekê divê em weke jinên ciwan bi awayekî kûr nêzî xwe bibin. Wek jin ev yek ji bo me gelekî qels e. Divê em xwe nas bikin. Ji ber ku heta ku em dîroka xwe nezanin, heta ku em li eslê xwe venegerin em nikarin rast bijîn. Em nikarin bibêjin ku ev dîrok e. Ger em vê bikin em ê heqaretê li dîrokê bikin. Ji ber vê yekê naskirina dîroka xwe û naskirina xwe di serî de ye.
Divê ti jineke ciwan bê rêxistin û bêhiş nemîne
Naskirina dijmin jî girîng e. Îcar dijminê me dixwaze çi bike? Bandora zîhniyeta serdest a mêr a li ser me wê bi kampanyaya “Jin Jiyan Azadî Serbixe Azadî” ji holê rabe. Heta ku em xwe azad nekin em nikarin tiştekî bikin. Herî dawî divê ti jineke ciwan bê rêxistin û bêhiş nemîne. Werin em pêngava ku KJK’ê daye destpêkirin, li dijî hemû êrîşan bi piştgiriya vê kampanyayê biparêzin. Werin em ber bi azadiyê ve bimeşin, ramanên Rêbertî zêdetir bixwînin, wan nas bikin û li gorî wan bijîn. Heta ku Rêbertî azad nebe divê jinên ciwan nefikirin ku azad in. Di dawiyê de “Jin Jiyan Azadi Serbixe Azadi.”
