KOBANÊ – Dewleta Tirk ya dagirker ku li hember berxwedana 50’î salî ya Rêberê Gelan Abdullah Ocalan encam negirt, êrîşên xwe li ser qadên ku gerîla lê jiyan dike zêde kir. Piştî ku di wê derê jî derbên giran xwar, berê xwe ji bê çaretiyê daye bajar û gelên Kurdistanê.
Herî zêde jî berê xwe dide herêmên bi ewle yên mîna Rojavayê Kurdistanê û herêmên Bakur-Rojhilatê Sûriyeyê. Dewleta Tirk a dagirker li Rojavayê kurdistanê jî, li hember berxwedan û helwestên gel yên tund nikare hebûna xwe bidomîne, dîsa bi bin dikeve, ji bo ku binkeftina xwe veşêre, bi awayên herî hov ji zarokê heft salî heya kalê heftê salî hemûyan dike hedefa êrîşa xwe de.
Di vê çarçoveyê de şêniyên bajarê Kobanê bertekên xwe yên li dijî dagirkeriyê nîşan dan û diyar kirin ku ewê tu carî dagirkeran bê bersiv nêhilin û tola tevahî şehîdên xwe hilînin.
Di serî de jina ciwan Hebûn axivî û got; “Navê min Hebûn Mihemed, ez jî ciwanekî bajarê Kobanê me. Dewleta Tirk ya dagiker û faşîst, roja bi awayekî hov êrîşî ser herêmên me yên Bakur-Rojhilatê Sûriyeyê dikin. Bi awayekî faşîst êrîşî ser gelê me, welatparêzên me dikin, wan şehîd dixin. Wek tê zanîn li hember wê jî ciwanên me yên tevahî Kurdistanê, xwe li hember van êrîşan bi rêxistin dikin û ji êrîşên wan natirsin. Ciwan bi çalakiyên xwe li hember van êrîşan bê deng namînin. Ciwan wê heya dawiyê xwe biparêzin, wê faşîzm û dagirkeriyê jî tune bikin.”
‘Emê dijmin bê bersiv nehêlin, emê tola şehîdên xwe hilînin’
Heman demê de Mistefa jî diyar kir ku ewê li hember her êrîşeke dagirkeriyê bibin xwedî bersivên tund; “Navê min Mistefa Mihemed Sedîq, ez ciwanekî ji bajarê Kobanê me. Ez weke ciwan li ser navê tevahî ciwanan dibêjim, emê weke ciwan hertim li dijî van êrîşan li ser piyan bin. Dewleta Tirk ya faşîst êrîşên wî hemû tenê ser gelê me ye. Tê li welatê me zarokên me şehîd dixe, dê, bav û hevalên me qetil dike. Ji ber vê jî em dibêjin heya ku dilopek xwîn di canê me de hebe, emê vê dijminî bê bersiv nehêlin û emê tola tevahî şehîdên xwe hilînin. Em ciwanên Kobanê, ciwanên Rojava ne, emê kîna ku me di hundirê xwe de kom kiriye, emê di serê dijmin re derbixin. Emê pozê dijmin di erdê de bixişînin. Ji ber ku dijminê êrîşî me dike, dijminekî bê wijdan û bê îmane. Emê jî dawî li vê dijminê bê wijdan û bê îman bînin. Me bi xwe tu carî êrîşî kesî nekiriye, hertim ew topên xwe davêjin ser me, ji ber ew dagirker e. Ji bo vê jî emê tola xwe ji van dagirkeran bigirin.”
‘Armanca wan ji van êrîşan ewe ku vîna gelê Kurd ji holê rabikin’
“Salih Nûh, ez endamê Meclîsa Giştî ya Partiya Yekîtiya Demoqratîk im. Weke tê xuya kirin êrîşên dagirkeriyê ya dewleta Tirk ya faşîst roj bi roj her diçe zêdetir dibe. Armanca wan jî ji van êrîşan ewe ku careke din vîna gelê Kurd ji holê rabikin. Dîtin ku bi hemû şerê qirêj ya ku didin meşandin encam negirtin, hîna hovtir bû. Ew jî ji ber berxwedan û têkoşîna gelê Kurd, şervanên YPG, YPJ, QSD’ê êrîşan wan vala derketin. Îro di tevahî Kurdistanê de bi rêbazên qirêj dixwazin xwe ji nû ve zindî bikin. Bi riya îstîxbarat û MÎT’ê dixwaze îrade gel ji holê rake. Li hember hewldanên tunekirina gelê me, helwestên gelê me jî gelekî zêde û bilindin. Êdî gelê me hemûyan rastiya faşîzma Tirk naskirine. Gelê me li her derê li ber gefên dewleta Tirk ya dagirker li berxwe didin. Li dijî êrîşên ku li ser herêmên Bakur-Rojhilatê Sûriyeyê tê kirin, gelê me ji nû de soza bilindkirina têkoşîn û berxwedanê dane. Wê hemû planên wan vala derbikevin. Banga me li hemû gelê me yê welatparêz û demoqrat heye ku ji dewleta Tirk re êdî sînorekê dayînin.”
NC// Baran Mawa
