NAVENDA NÛÇEYAN –
Ji dahûrandinên Rêberê Gelan Abdullah Ocalan ….
Enî girsebûna çareseriya partiyê ye. Çareseriya ku di nav partiyê de hatî sazkirin derbasî nav girse kirine. Partî baş dahûrandin, pirsgirêkên partiyê û nêzîkbûna ji peywiran re rast girtina dest, saxlem destpêkirina karên eniyê ye. Partî ji bo girse çiye, di siyasîbûna girseyan de rola partiyê çiye? Ev pir hatine nîqaşkirin. Çareseriya partiyê, çareseriya siyasî ya girse ye, çareseriya wê ya rêxistinî ye. Pêşxistina modela partiyê, pêşxistina rêxistinbûn û rêveberiya em li ser girse ferz dikine. Misoger partîbûnek ku ji girsebûnê qute, partîbûnek ber bi têkçûnê ve dibe. Girsebûna partîbûnê berçav nagire, dîsa girseyek mehkumê binkeftinê ye. Girseyeke pêşengên wê neyî û rêxistinbûna eniyek siyasî, rêxistinbûnek girse ya mehkumê binkeftin û belavbûnê ye, rêxistinbûna eniyê ye. Dema em partiyê ber bi girse ve diherikînin, emê berfireh û pir nerim kar bikin, hemû rêbazên xebatên eşkere û veşartî bikar bînin, lê teqez jî emê bizanin divê nûnertiya partiyê jî hebe. Ger em bêjin ev girse ye, qadên xebatê yên zêde partîbûn pêş nexistine, dê ev bibe şaşiya herî mezin. Misoger xebata partiyê ya herî hesas di nav girse de çêdibe. Di vê mijarê de jî dema em bêjin divê çiqas hesas bin, pêwîste em girîngiyek mezin bidin perwerde û rêxistinbûna girse, partî ji bo vê partiye, di rastiyê de milîtanî rêbertiya milete, ew jî di nav me de rastiyek rêxistinbûn û perwerdeyê ye, dibe ku ji bo we mijarên pir hêsan bin. Lê bele ev xalên ku we qet pêk ne anîne û kêleka wê re jî derbas nebûne.
Ez ji destpêkê ve bi girse re meşiyam. Di heman demê de ez bi xwe enî me. Di mijara partîbûnê de dikarim evqasî kûr bibim û di derbarê pêşengan de dahûrîn çêbikim. Lê ewqas jî bi milet re dimeşim. Pêwendiyên bi milet re, danûstandinên bi milet re, mijarên di derbarê pirsgirêkên milet de û perwerdeya milet bi hişyariyek mezin hatine destgirtin. Ji roja destpêkê ve heta roja me, ma pêkane di nav wî miletî de bim, lê bi qusur nêz bibim, hêz nedim perwerdeya milet, asta rêxistinbûna milet? Nikarim vê bipejirînim. Ji aliyê din ve milet evqasî bi xwe ve girê didim, lê nebûm dûvikê milet û min ji wesfên rêbertiyê jî tawîz nedan. Hûn jî dizanin miletê me, miletek ku mêtîngerî û feodalîzmê xistiye. Baldarî, hest û hişê wan pir hêsane. Ger tu dûviktiya wê bikî, tu jî tine dibî. Bêku di nav milet de tiştekê bikim tenezila jiyîn û helandinê qet nakim. Lê baş dizanim hûn çiqas dûvikê girse ne, çiqas keyfa we tê di nav van gundî û malbatên paşketî de bijîn. Mala min jî be, ger pir ne ji neçarî be ji bilî yek demjimêrê namînim û vê ji heft saliya xwe ve dimeşînim. Her tişt ji bo miletê mine, lê evqas jî dûrî milet disekinim. Hûn neçarin vê fêm bikin. Hûn diçin cihekê, rihê we derdikeve, roja duyem dikevin nav gund û malbatan û êdî nikarin xwe jê xilas bikin. Ev dagirkerî ye. Çi mêtîngeran dagir kiriye, çi te, zêde ti ferq nîne. Mafê we nîne hûn evqasî tirsnak bikevin nav milet û malbatan. Yek şertî dikarin, ew jî bi perwerde û rêxistinkirinê dibe. Wê tu plan bikî, biparêzî û pir veşartî tevbigerî. Ji ber şêwaza pêwendiya eşkere, wan ber bi îmhayê ve dibe. Ger derfeta te ya parastinê heye wê tu dakevî nava gund, xebata xwe bikî û derbikevî.
Eşkere ye we ev xal tev çawa binpê kirine. Di bin navê em di nav milet de bin, em dizanin we çiqasî dûviktiya milet an jî çewsandina milet pêş xistiye. Em dizanin we çiqasî ji wesfên rêbertiyê tawîz dane yan jî bandora PKK’ê di nav milet de çarçur kiriye. Ev şaşin û nayên pejirandin. Em dizanin ketinên nav gund û bajaran we çiqas li ser bingehek wêrankarî meşandiye. Pêwendî û xebatên eniyê yên bi vî rengî nabe. PKK, misoger rêxistina milet rakirina ser piyan û pêşenga milete. Ji bo milet heye. Lê xwe sipartina wê ve dûviktiya milet jî nake. Li şûna milet bide ber fermana partiyê, milet perwerde û birêxistin bike, partî bihelîne, partî bikar bîne yan jî li ser sûwar bibe! Vê carê jî perwerde û bandora partiyê ji bo axatî û bandora xwe ya kesayetî bikar bîne! Nêzîkbûna milet, nêzîkbûna enî, bi giranî wisa çêdibe û ev nêzîkbûn jî nayên pejirandin. Şêweyên vê yên rast hene û kêm-zêde şêweyên vê yên rast di rastiya Rêbertiyê de hatine destnîşankirin. Ne bibe dûvik, ne jî çewsînerê milet, ne bibe axa, ne jî koleyê wê! Di rih û hişê milet de be, lê derfetên wan çarçûr neke! Weke rêber li pêş wan be, lê çep û rastê xwe ne avêje erdê! Wan rasterast ber bi berzbûn û pêşveçûnê ve bikişîne, lê xisletên gel ên paşverû hez neke! Tenezilî jiyana milet a paşverû neke, çav bernede derfetên milet! Li ser bingeha bi şer ve bide girêdan, bi milet re eleqedar bibe! Kesayeta milet, rêbertiya milet, milet ber bi şoreşê ve kêşan, hunerek mezine. Di van mijaran de gelek xal hatin gotin. Divê mirov hinekê baldar be. Kesên ku heta niha beramberî milet ne tiştek bûn, dibînin ku di nav PKK’ê de hukma xwe li ser deh hezaran dikin. Lewra çiqas ji destê wan tê diçewsînin, xwe winda dikin! Ev tev ne rastin. Em jî bi salane li virin. Hûn jî dizanin em çawa xizmetê ber bi milet ve dibin. Ji bilî vê nayê kirin û em nikarin milet jî rakin ser piyan. Ev bi salane em nûnertiya sebra vê ya mezin, dilê mezin û wêrekiya vê ya mezin dikin. Divê hûn vê çarçûr nekin. Hûn miletê ku me rakirî ser piyan diçewsînin, çarçûr dikin û ji hal dixin. Divê hûn bizanin pêwendiyek malbatekê, pêwendiya gundekê weke roniya çavê xwe biparêzin. Ji bo malbatekê zindî bikin, me salên xwe dan. Mixabin hûn di carekê de belav dikin. Mafê we tine. Em bi yek şertî dikarin bikevin nava gund, cardin vê dibêjim, fêm bikin. Ew jî ji bo perwerde û rêxistinbûna wan dibe. Ango ji bo komkirina qût an jî vexwarina çayekê qet nakevin navê. Ev hemû tawanin û hem jî gêrîla vê dike. Nabe ku mal û dikanên milet li ser vî bingehî bên bikaranîn.
