NAVENDA NÛÇEYAN – Berxwedana 14’ê Tîrmehê ku di şexsê pêşengên Tevgera Azadiya Kurdistanê de li zîndana Amedê derketî, îro ji bo tevahî mirovahiyê bûye sembola têkoşîna jiyana azad û demoqrat. Ev berxwedana 14’ê Tîrmehê ya ku hêza xwe ji fikir û felsefeya Rêberê Gelan Abdullah Ocalan digire, xwe di şexsê Gerîlayên Azadiya Kurdistanê de, careke din li çiyayên Zap, Metîna û Avaşînê dide jiyan kirin.
Gerîla Egîd Serhet di nirxandina xwe ya vê mijarê de wiha got; “Hem têkoşîn û berxwedana 14’ê Tîrmeha 1982’an û hem jî di zîndana Îmraliyê de berxwedana serokatî, ya ku pêşengtiyekî pir mezin ji bo dike, weke ronahiyekê bû li pêşiya me.”
Gerîla Egîd Serhet ku bi riya Radyo ji ajansa me re axivî, gotinên xwe wiha anîn ser ziman;
“Di dîroka azadiya Kurdistanê de, hinek roj û çalakî hene ku mohra xwe li dîrokê xistiye. Çalakiya 14’ê Tîrmehê ya Rojiya Mirinê jî, yek ji wan çalakiyan e. Pêvajoya ku li hember rêbertî û fikirên rêbertî, li hember PKK’ê weke êrîşekî, weke operasyonekê derbeya 12’ê Îlonê derketibû pêş. Di vir de pêşengên partiya me PKK’ê heval kemal Pîr, Xeyrî Durmuş, Alî Çîçek, Akif Yilmaz û pir hevalên din jî, ruxmî ku wekî fîzîkî dûrî partiyê bûn, lê biryarekî pir mezin ya berxwedanê, biryarekî pir mezin ya serkeftinê dabûn. Ew hêz jî ji fikirên serokatî girtibûn, tiştên ku ji îdeolojiya serokatî girtine, hêşt ku vê têkoşîn û berxwedanê bimeşînin. Li ser vê esasê di pêşengtiya hevalan de, di zîndana Amedê de, li hember faşîzm û dagirker têkoşînekî pir mezin derket.”
“Ev têkoşîn hêşt ku dijmin negihêje armanca xwe, armancên ku danîbûn pêşiya xwe di qirika wan da ma, nikarîbûn pêkbînin. Ji ber ku li hember wana têkoşînekî pir mezin ya zîndana Amedê bi pêşketibû. Serokatî jî ji bo vê têkoşînê dibêje “Me di encama têkoşîna wan hevalan de, pêngava 15’ê Tebaxê li darxist”. Bi wê rihê li hember dagirkeran, komeke çekdarî ya gerîlayan bi pêşket. Kesê ku herî zêde fikirên rêbertiyê ji her aliyê de didan jiyan kirin, van hevalan bûn. Encama wê têkoşînê de îro ewqas serkeftinên mezin derketin. Piştî ku ewqas têkoşînên mezin, hîna mezintir gel di asta cîhanî û gerdûnî de berxwedaniyên mezin û hemleyên mezin, li hember dijmin bi pêşxist. Êdî li hember vê berxwedanê, dijmin dixwast yekser şerê xwe li hember serokatî bide meşandin. Ji bo wî pir caran komplo bi pêşxistin.
“Komploya 6’ê Gulana 1996’an bi pêşxist, bersiva wê heval Zîlan bi çalakiya fedayî da. Piştî wê dema encam negirt, di 9’ê Cotmehê de dîsa komployekî navdewletî destpêkir. Piştî ku wan komployan serokatî dîl tê girtin. Rêbertî ketina zîndana Îmraliyê weke zayîna sêyemîn ya serokatiyê bi nav dike. Di encama wê jî di bîrdoziyê de kûrbûyîn, di paradîgmayê de guhertinên pir mezin pêşxist. Ev jî riya li pêşiya me ronî kir. Hem têkoşîn û berxwedana 14’ê Tîrmeha 1982’an û hem jî di zîndana Îmraliyê de berxwedana serokatî, ya ku pêşengtiyekî pir mezin ji bo dike, weke ronahiyekê bû li pêşiya me.”
“Ji sala 1999’an heya roja îro, li ser rêbertî tecrîdekî pir giran û kûr heye. Bi vê yekê dixwazin mesafeta di navber me û rêbertî, gel û rêbertî de, dûr û dirêj bikin. Ji ber vê jî tecrîdekî mutleq ser serokatî heye. Bê guman destpêkê rol û berpirsyartiya li hember komployê dikeve ser milê ciwanin, ji ber ku rêbertî ciwan weke pêşeng û xwediyê şoreşê nirxand. Ji ber vê jî erka herî zêde dikeve ser milê ciwanên Kurdistanê. Tişta ku em di vê pêvajoyê de bikin, divê yekser azadiya fîzîkî ya serokatî be.”
“Ji bo wê em kuderê bin, kîjan cihê de bimînin, li hember vê tecrîdê emê têkoşînekî mezin bikin. Rêxistinkirinekî ciwanan di nava gel de em ava bikin. Çalakiyên mezin ava bikin, rêbertiya xwe bixwînin, rêbertiya xwe guhdar bikin, li ser perspektîfa rêbertiyê, em rola xwe bileyîzin. Emê nehêlbin ku dagirkerî bi rihetî karê xwe bikin, emê li her derê li hember wan têkoşînekî bimeşînin. Emê xwe zana bikin, li hember şerê taybet ya ku dijmin bê navber dide meşandin, têkoşînekê bidin. Ji derveyî têkoşîna ku em di nava gund, deşt û bajaran de bimeşînin, em berê xwe bidin partiya serokatiyê, çiyayên azad. Ji ber ku têkoşîna herî mezin ku rêbertiya me azad bike, çiyayên Kurdistanê ye. Bi taybet têkoşîna ku li Zap, Metîna û Avaşînê tê meşandin. Emê ancax bi tevlîbûna PKK’ê, bi mezinbûna şerê gerîla, rêbertiya xwe fîzîkî azad bikin. Erka ku dikeve ser milê her ciwanekî jî ewe ku pêşengtiya vê şoreşê bike.”
NC// Zerya Bagok
