DIRBÊSIYÊ – Ji aliyê Tevgera Ciwanên Şoreşger û Yekîtiya Jinên Ciwan ve li Dirbêsiyê kon hate vedan.
Tevgera Ciwanên Şoreşger û Yekîtiya Jinên Ciwan yên Dirbêsiyê, ji ber êrîşên dagirkeriyê yên ku ji 14’ê Nîsanê de ji aliyê dewleta Tirk ya dagirker û hevkarê wê PDK’ê ve, li ser Herêmên Parastina Medyayê hatiye destpêkirin, kon vedan.
Çalakiya ciwanan ya ji bo şermezarkirina dagirkeriyê, ya kon vedanê wê heya 20’ê meha Gulanê dewam bike.
Di heman demê de ev çalakiyên ku ciwan pêşengtiya wê dikin, di çarçoveya seferberiya ku Komalên Ciwan ragihandî de ye. Ciwanan û jinên ciwan ve careke din bi daxuyaniyekê tevlîbûna xwe ya ji seferberiyê re misoger kirin.
Daxuyaniya ku hatî dayîn wiha ye;
JI BO HEMÛ CIWANÊN WELATPARÊZ Û BERXWEDÊR
“Em weke Tevgera Ciwanên Şoreşger li bajarê Dirbêsiyê, li dijî êrîşa ku li ser Herêmên Parastina Medyayê bi pêşketine, ku ji aliyê dewleta Tirk û hevkarê wê PDK’ê em çalakiyên xwe li dardixin. Armanca çalakiya me, ewe ku em helwestên xwe yên li dijî xiyanet û dagirkeriyê ve danîn holê.”
“Emê weke Tevgera Ciwanên Şoreşger hertim rê li pêşiya şoreşê vebikin, li kêleka wê jî rê li ber dagirkeriyê bigirin. Li ser vê esasê jî em dibêjin her kurdek û ciwanekî azadîxwaz bila destek bide gerîla. Her kes tevlî seferberiyê bibe. Ji ber ku îradeya me gerîla. Ger em jî weke ciwan îrada xwe mezin nekin, wê dijmin vê bikarbîne û ewê bi pêşbikeve. Lê belê em nahêlin dijmin bi pêşde biçe, em nahêlin îxanet bi pêşde biçe. Emê hertim bihêlbin ku gerîla û berxwedan ve bi pêşde biçe.”
Herî dawî bi siloganên weke “Bêjî Serok Apo, Bêjî Berxwedana Gerîla, Bimire Îxanet” ve daxuyanî bi dawî bû.
