QAMİŞLO – Êrîşên dagirkeriyê yên dewleta Tirk a dagirker û PDK’ê li dijî Herêmên Parastinê yên Medyayê dewam dikin. Hêrsa li dijî êrîşên dagirkeriyê yên ku PDK’ê li gel dewleta Tirk daye destpêkirin her ku diçe zêde dibe.
Weke Ajansa Nûçe Ciwan, me nêrîna wan li ser xiyaneta PDK’ê ji malbatên Pêşmergeyên Roj girt. Malbatan diyar kirin ku divê di zûtirîn dem de PDK ji xiyanetê vegere û gotin, “PDK baş dizane ku gerîla parastina Başurê Kurdistanê jî dikir. Eger ne wisa bûya, ger gerîla şer nekiriba, dê şer bikira. Niha DAIŞ li wan çiyayan e.”
Bavê Pêşmergeyên Roj di axaftina xwe de bal kişand ser têkçûna tevahî dewleta Tirk û wiha got:
Ev êrîşa tê kirin ne ya yekeme û ne ya dawiyê ye. Dinya hêdî hêdî li dewleta tirk teng dibe, ger mirov mêze bike ev gefxwarina dewleta tirk li Lîbya, Îraq û Sûriye û têkiliya wê bi şerê Okraniya re ev giştî têkçûna dewleta tirk rave dike. Nema dizane çi bike, ev dijminê me ye, êşa me ji malbata Berezanî re jî pire, çima bi dewleta tirk di şerê kurdan de dibe alîkar?
Çima destê xwe dixe destê dijmin?
Ji ber vê yekê ye ku em birakujiyê naxwazin, Mesûd Berezanî jî digot ez birakujiyê çênakim, rihmetiyê Celal Talabanî jî digot ez birakujiyê nakim, ez kesî kurd radestî dijmin nakim lê roja îro de 6 şehîdên me bi destê xwe şehîdxistin. Zêdetirî salekê me kon veda şehîdên me teslîmî malbatê nekirin, divê ku teslîmî me bikin, divê gelê me li çarc parçeyên Kurdistanê û cîhanê van yekan ji hev du derxe, dema xortên kurd destê xwe li sînga xwe dixe û tevlî şoreşê dibe divê gelê me bikeve ferqa vê yekê de. Li ser çi bingehê çûye.
Ev xort dema diçe dibêje: ez ji bo Kurdistanê çûme, dema em dibêjin kurd û Kurdistan ne weke ku Kurdistana malbata berezanî xeyal dike ye, Kurdistana ku PDK difikire herêmî û malbatî ye,ya me ji bo tevahî gelê kurd em tekoşînê dimeşînin, eger PDK nas bikira îroj gerîla ne tenê parastina me parastina hikûmeta Başûr jî dike. Ew jî baş dizanin eger ne ji gerîla bûya wê DAIŞ di wan çiyayan da bû ya, ne ji gerîla bûya îro em jî tunebûn. Bila her Kurdek destê xwe dînê ser wijdanê xwe em hêvî dikin ji van partiyên weke ENKS ku xwe nêzî dijmin dikin xwe vekişînin ji vê yekê temenê dijmin kurt bûye. Ev şoreş ji bo me derfeteke mezine eger em vê derfetê negirin sed salî din jî emê bindest bimînin. Berî du salan jinek ji Başûrê Kurdistanê derket ser ragihandina başûr got: bavê min li ser destê gerîla hatiye kuştin ez bavê xwe şehîd nahesibînim, sûc ne ya bavê min sûc yê ku bavê min şandiye ku bavê min şerê gerîla bike. Ez jî dibêjim ev xortên me baz didin hinek ji ber hikûmeta Sûrî û hinek ji ber hikûmeta Iraqê baz dane. Hinek ketin bin konan mecbûr bûn ketin nava Pêşmergeyan de. Em dibêjin Tajiyê bi zorê tu bibe çiya nêçîrê ji te re nake. Ya dudiyan ez wan weke artêşa azad ya sûrî dibînim,dev ji doza xwe ya bingehîn berdan çûn bi dewleta tirk re girtin,turk jî êdî nizanin wan çawa bikin,berê wan dişînin Lîbya, şîşanê û hwd. Heya ku pêşmergeyekî Roj ez wî û bavê wî nas dikim li Lîbyayê girtin. Ev jî ne rast e. Min têkilî bi kurik re kirin min jê re got lawê min tu zilamî û zarokên te hene ,divê hevalê te jî vê hesabî bikin. Em ramana xwe ji we re bêjin: ev rê riya xiyanetê ye, pe rê wan jî ji tirkan tên jî berî demekê çûbû gel wan, hêviya me ji bo PDK heye şerê birakujiyê nekin.
Bi rastî ev êrîş ne tenê tên ser gerîla, tên ser me jî, gerîla parastina welat dike eger ne ji gerîla bûya me nikarî wisa jiyan bikira. Dewleta tirk ji ber têkçûna xwe êrîş dike nema dizane çi bike, temenê wê kurt bûye ji ber vê yekê bela xwe li derdora xwe dixe. Bi rastî em û gerîla hev du temam dikin, malbata Berezanî dewletek serbixwe ava kiriye ji bo berjewendiyên xwe yên şexsî, bi kurdiyetê nafikire bi xwe difikire Kurdistana wî herêmî ye. Bi dewleta Tirk, Rusya û Îranê ve girêdayî ye. Ji ber yên ku ew çêkiriye Tirke, Îranê, Emerîka û Rosya ye van ji malbata Berezanî re Kurdistan ava kiriye ku tenê di bin serwerî û biryara wan de be .
