BEHDÎNAN – Rojbûna Rêberê Gelan Abdullah Ocalan îsal jî bi coşeke mezin li her aliyê cihanê tê pîroz kirin. Îsal di salên borî cuda pîrozbahî giştî zêdetir bi cîhanî bû û ji aliyê netewên cûda cûda ve hate pîroz kirin. Dîsa di pîrozbahiyan de rengê ciwanan pêş bû.
Bi boneya 4 ê Nîsanê me wek Ajansa Nûçe Ciwan nêrînên gerîllayan girt. Gerîllayên ku ji bo Azadiya Rêber Apo û Azadiya gelan şerdikin diyar kirin ku 4’ê Nîsanê di serî de ji bo gelê Kurd ji bo hemû gelên bindest buye mîladek. Hebûna Rêber Apo û fikrên wî ji bo kapîtalizmê wek tehdîtekî tê dîtin û ji ber vê Kapîtalîzm bi hemû derfetên xwe ve êrîşê tevgera gelan PKK’ê, gelê kurd û Rêber Apo dike. Li dijî vê divê ciwan hemû cihên xwe di nava refên gerîla de bigrin.
Gerîla Jînda Gever wiha got:
Em 4 Nîsanê destpêkê li Serokatî li hemû hevalan û li gelên Rojhilatanavîn pîroz dikin. 4 ê Nîsanê wê bibe wesîleya serkeftinê. Em di wê îddîayê de ne. Wek gerîllayeke YJA Starê jî eger îro di van çiyayên azad de em hatibin vê rojê û şer dikin, em vê deyîndarê Serokatî ne.
Ji bo vê jî bi Serokatî re hevaltîkirin têkoşîneke bê hempa dixwaze. Em jî dixwazin bibin şopdarên van hevalên ku bûn hevalên Serokatî. Di serî de ev roj roja jinan e ya giştî jinên cîhanê ye. Emê bi wesîleya vê rojê azadiya fîzîkî ya Rêber Apo pêkbînin. Bangawaziya min ji jinên Ciwan re ewe ku em vê têkoşînê bilind bikin.
Gerîla Avaşîn Bagok jî wiha diyar kir:
Em 4 ê Nîsanê li Serok Apo û li tevahî gelên Cîhanê pîroz dikin. Wek tê zanîn 4 ê Nîsanê derketina Serokatî ji bo me zayîneke nû ye û ji bo tevahî gelên cîhanê jî ev derbasdar e. Wek gerîllayeke YJA Star jî 4 ê Nîsanê ji bo me gîrîngiyeke wî ya pir mezin heye. Di bin desthilatdariya pergalê de ewqas zilma liser jin tê kirin û li hember wî jî berxwedaniya ku Serokatî daye kirin û roja îro ku jin aniye asta ku bigihêje azadiyê. Ji bo wî jî em wek gerîllayên YJA Star pir bi şansin. Ji bo me şansekî pir mezine û li ser wî esasî têkoşîna me berdewam dike. Bi taybet ji bo tevahî gerîlayên jin ku Serokatî wan aniye asta ku îro dikarin di çeperên şerde berxwe bidin, li hember dijmin şerekî bê hempa bidin meşandin.
Ev bi berxwedaniya Seokatî hatiye kirin, bi keda Serokatî hatiye kirin. Ev ji bo me gihiştiye asata herî jor jî û em vê hertim ji bo xwe esas digirin. Wekî din jî derketina Serokatî taybet dinav Gelê Kurd de, taybet jî wek jin di roja me ya îro de jin dikare li mafê xwe bigere, jin dikare li azadiya xwe bigere û di asta ku di ew desthilatdariya tê meşandin de dikare li mafê bigere. Mirov di roja me ya îro de vê dibîne. Ev bi keda Serokatî hatiye kirin. Serokatî bi salane li hember desthilatdariya ku hatiye meşandin têkoşîn kiriye û jin aniye asta îro. Taybet di roja îro de dema ku mirov di pergalê de rewşa jin dibîne dîsa pêşketinek hatiye çêkirin. Ev ji bo me serbilindiyek pir mezin e. Tayebet bi keda Serokatî ku hatiye ava kirin, em wek gerîllayên YJA starê ku xwedî li keda Serokatî derkevin, li gor wî têkoşîn bikin.
Rojbûna Serokatî wek 4 ê Nîsanê ji bo me pir gîrîng e. Em di vê roja taybet de bangawazi dikin ku taybet Jinên Ciwan, di vê pêvajoyê de bi ruhê 4 ê Nîsanê tevlêbûyînekî xurt bidin çêkirin û xwedî li keda Serokatî derkevin. Li ser vê esasê ji bo vê roja ku ji bo me pir girîng e, em bi giştî serkeftin dixwazin.
Herî dawî Şîlan Kobanê jî wiha got:
4 Nîsanê rojbûna Gelê Kurd e. Bi zayîna Rêbertî re ev roj ji bo me pir cudaye bi rastî jî. Hestên wî cuda ne. Bi wesîleya vê rojê hezkirina te ya li hember jiyanê, kêliyên rêhevaltiyê yên ku tu jiyan dikî, ruhê ku tu bi vê kêliyê re jiyan dikî, berxwedaniya ku tu jiyan dikî ye. Ev roj ji bo me vê wateyê îfade dike û wateyeke pir gîrînge. Em rojbûna Rêbertî li tevahî gerîlla û gelê xwe pîroz dikin. Ev rojbûn rojbûna me hemûyan e. Rêbertî bi wesîleya vê rojê ve hişt ku jin îro bikaribe li serê van çiyayan berxwe bide, şer bike li pey ramanên Rêber Apo bibe û bikaribin liserê van çiyayên azad ji bo azadiya xwe şer bikin. Tayabet jî jinên kurd, Jinên Ciwan. Rêbertiya me rojeke wisa daye me ku em bikaribin îro liserê van çiyayan berxwedaniyê bikin, şer bikin. Ev roj jibo me wateya wî pir gîrîng e. Rojekî wisa ye ku dijmin ewqas qirêjahî, ewqas zextên ku liser ciwanan dike, liser dayîkan dike, liser zarokan û gelê me dike. Rêbertî rojek wisa daye ku gelê me hemû rabin ser piyan, di çiyayan de jî em wek jin bikaribin xwedî rol bin xwedî mîsyon bin, bêhtir bikaribin rolê xwe bilîzin di van çiyayan de.
Herî dawiyê ez dixwazim bêjim ev berxwedaniya ku niha heval dimeşînin, di qadên Zap, Heftanîn û tevahî qadên din de serkeftinên ku niha heval dest dixînin. Ev jî ji bo me moral û coşeke pir mezin e. Em jî serkeftina wan hevalan pîroz dikin, berxwedaniya wan hevalan pîroz dikin. Silav û hezkirinen xwe ji wan re dişînin. Herî dawî bi ruhê Newroza 2022 yan û 8 ê Adarê da ku ku gelê me rabûye ser piyan, di her derê cîhanê de gel rabûn ser piyan. Em dixwazin 4 ê Nîsanê jî wisa bibe. Berxwedaniya ku di Newrozê û 8 ê Adarê de kirine em dixwazin ev ruh bibe wesileya 4 ê Nîsanê jî. Bi zayîna Rêbertî re bi wî coşê em bikaribin de em dest bidin hevdu, bikaribin di van çiyayan de li hember dijminê faşîst, dijminê qirker em şer bikin. Rêberê Gelê Kurd bikaribin fîzîkî em azad bikin.
Bangawaziya min li jinên Ciwan, Jinên Kurd, Xortên Ciwan, bên serê van çiyan em bi hev re dest bidin hevdu ku em di qada cengê, qada azadiyê de bikaribin berxwedaniyekî bidin meşandin. Ez dibêjim gerek werin destê xwe bidin destê me, em di vân çiyayên azad de şer bikin û Rêbertiya xwe fîzîkî azad bikin. Ez dîsajî 4 ê Nîsanê li gelê me pîroz dikim.
