Navenda Nûçeyan – Jinên Bakur û Rojhilatê Sûriyê îro li tevahî Bakur û Rojhilatê Sûriyê ji dayîkbûna Rêberê Gelan Abdullah Ocalan bi çandina daran pîroz kirin. Jinên Bakur û Rojhilatê Sûriyê dan diyarkirin ku di nava paradîgmaya Rêber Apo de ekolojî xwedî girîngiyeke mezin e, em jî weke jin li paradîgmaya Rêber Apo xwedî derdikevin.
RÊBER APO JI BO ME DARÊN AZADÎ Û DEMOQRASIYÊ ÇAND;
Tevahî jinên Bakur û Rojhilatê Sûriyê îro bi boneya roja ji dayîkbûna Rêberê Gelan Abdullah Ocalan dar çandin. Jinên azadîxwaz bi baweriya “Azadiya Rêber Apo azadiya me ye” îro li kolanan, di nava baxçeyên ku ji bo Rêber Apo hatine çêkirin de dar çandin. Jinên ku tevlî çalakiyê bûne dan diyar kirin ku Rêber Apo ji mirovahiyê darên azadî û demoqrasiyê ve çandin û gotin; “Ev roj û dîrok ji bo me xwedî girîngiyeke mezine, di vê rojê de hemû gelên bindest çavên xwe ji nû de li cîhanê vekir. Rêber Apo li me xwedî derket û ji bo me darên azadî û demoqrasiyê ve çand.”
