BEHDÎNAN – Rêbaza têkoşînê ya li dijî faşîzmê hatiye pêşxistin çiqasî girîng be jî ya ku wê tine bike şerê li dijî faşîzmê ye. Faşîzm îro her cure rêbazan diceribîne ku her kesê li dijî xwe têbikoşe bike bin desthilatdariya xwe. Di beşên ku dixwazin serwer bibin de ciwan û jinên ciwan di rêza herî pêş de ne.
Sîstema ku her cure siyaseta qirêj li ser ciwanan ferz dike ku li azadiyê negerin û li dijî xwe têbikoşin, êdî nikare pêşî li vê bigire. Ciwan û jinên ciwan bi coş û moralek mezin li azadiyê digerin û berê xwe didin refên PKK’ê.
Ciwanên Bakurê Kurdistanê ku yek ji qadên herî girîng ên têkoşînê ye, ragihandin ku tevlî nava refên PKK’ê bûne. Ciwanan destnîşan kirin ku ew ê li dora ruhê berxwedanê bibin yek û têkoşîna Şoreşger a Kurdistanê ber bi serkeftinê ve bibin û wê rejîma faşîst a Tirk birûxînin û hilweşînin, ciwanan bang li ciwanên Kurdistanê kirin ku berê xwe bidin çiyayên azadiyê.
Daxuyaniya Ciwanên ku tevlî gerîla bûn tevahî wiha ye:
“Ji Ciwan û Gelê Me Yê Welatparêz Re;
Em, wek Ciwanên Kurdistanê diyar dikin ku; Di serî de li hember mercên izolasyona li ser Serokatî tê sepandin, êrîşên qirker ên li ser gelê Kurd tên meşandin û rêbazên dermirovî yên li dij gerîla tên meşandin em ê di nav refên Gerîla de cihê xwe bigirin û di bingeha pêngavên azadiyê ,”CENGA XABÛR Û BAZÊN ZAGROSÊ” de heta dewleta faşist T.c yê dirûxînin em ê şer bikin. Dewleta Tirk dixwaze di pêşengiya Akp-Mhp yê de li her qada jiyanê bi rêbazên qirker, Gelê Kurd û bi taybetî Ciwanên Kurd biçewsîne.Ji ber vê yekê hemu rê û rêbazên qirêj bi kar tîne;
Bi taybet, di salên dawiyê de dewleta faşîst T.c li bajarên Kurdistanê bi polîtikayên qirêj Ciwanên Kurd arasteyî hişbir, fuhş û hwd. dike. Bi van rêbazan T.c dixwaze ku gelek ciwan û Gelê me yê welatparêz bixapîne; wek sîxûr(ajan) bi kar bîne û ji têkoşîna Azadiya qut bike.
Li beramberî van polîtîkayên qirêj divê gelê me yê Welatparêz li her qada jiyanê xwe rêxistin bike û hemu polîtîkayên taybet ên şer pûç û vala bike.
Bêguman a ku li hember vî şerê qirêj pêşengiya têkoşînê bike jî Ciwantiya Kurdistanê ye. Di serî de divê kesayetiya ku dijmin dixwaze biafirîne ya çewisî, hatî tirsandin û ji xwebûna hatî qutkirin bê redkirin. Divê ruhê ciwantiyê yê berxwedêr, têkoşer, girêdayî nirxên Welat,civak û partiyê û yê ku xeta Rêber APO ya birdozî esas digire bê parastin û xurtkirin.
Li ser vê esasê divê di serî de Botanê û Ciwantiya Kurdistanê xeta têkoşînê ya Azadîperwer a Şehît Rêheval Agît wek rêgez esas bigirin û tevli vê xetê bibin, xwe rêxistin bikin,xwe vîndar bikin û bixebitin.
Divê em bizanibin ku sazgêrê xeta Apoyî tevgera PKK’yê tevgera tolhildan û darizandinê ye.
Di vê bingehê de;Ên ku di bin esasa nirx û arîşeniya Şehît Çiyager û hemu rêhavalên bi heman lehengiyê şehid ketine de tola Zarok,jin û ciwanên Li bindavên Cizîrê ji ber ku xwe radestî dijmin nekirin bi rêbazên dermirovî û hov bi çekên kîmyewî hatin qetilkirin, Dayika Taybet a ku cendekê wê 7 rojan li kolanê mayî, bi heman awayî Haci Lokman Birlik’ê ku cendekê wî li pey seyareya bizirx hatî girêdan û li kolanan hatî gerandin û mirovên me yên welatparêz ên ku bi rêbazên hov hatin Şehîdkirin bistîne û wek wîcdanî berpirsyariyê hilde em ciwanên Gelê Kurd in.Divê her ciwan gotina Rêbertî: “Me ciwan dest pê kir em ê ciwan xilas bikin” ji xwe re wek rêgez esas bigire û di bingeha Gerîlabûnê de tev li têkoşîna şoreşê bibe.
Em diyar dikin ku em ê li dora Ruhê berxwedana CENGA XABUR Û BAZÊN ZAGROSÊ ku wek pêngava serkeftinê ya şoreşe hat dest pê kirin û di pêşengtiya Gerila de tê meşandin bibin yek û têkoşîna şoreşger a Kurdistanê bigihînin serkeftinê. rejîma qirker T.c’yê hilweşînin û birûxînin.
Bi vî awayî em bang li hemu ciwantiya Kurdistanê dikin ku di bingeha “Werin Cenga Azadiyê”, de li çiyayên Kurdistanê tev li refên têkoşîna şoreşger ên PKK’ê bibin.”
