EDENE – Di serdegirtinên malên rêveberên Çûkûrova TÛHAY-DER û TÛHAY-DER’a Edeneyê de , 9 kes hatin rehînkirin.
Di çarçoveya lêpirsîneke ku qaşo Serdozgeriya Komarê ya Edeneyê bi îdiaya “endamtiya rêxistinê” daye destpêkirin de li Edene, Mêrsîn û Sêrtê, polîsan bi ser gelek malan de girtin. Polîsan di çarçoveya lêpirsînê de bi ser Komeleya Piştevanî û Alîkariyê ya bi Malbatên Girtî û Hikumxwaran re ya Çûkûrovayê (Çûkûrova TUHAY-DER) û Komeleya Piştevanî û Alîkariyê ya bi Malbatên Girtî û Hikumxwaran re ya Edeneyê de jî girtin. Hat hînbûn ku polîsan piştî lêgerîneke demdirêj dest danîn ser gelek evraqên fermî.
Di serdegirtinên malan ên heman lêpirsînê de li Edene, Mêrsîn û Sêrtê de rêveberên TÛHAY-DER’a Edeneyê Zakîr Akalın, Sînan Baldûz û 7 kesên ku navên wan nehatin zanîn hatin revandin.
