NAVENDA NÛÇEYAN – Li Werxelê ya herêma Avaşînê ji 8’ê Hezîrana 2021’an û wir ve li dijî êrîşên dagirker ên Tirk gerîla berxwedaniyeke mezin dike.
Gerîlayên azadiya Kurdistanê yên li Werxele ji 8’ê Hezîranê û wir ve her roj çalakiyan dikin. Leşkerên Tirk ku li Zagrosan ji ber şertên erazî û avûhewayê zor li wan bûyî, bi ser de ji ber derbên ku ji gerîla xwarî bi temamî ji performansa şer ketiye.
Gerîlayên li Werxelê li ber xwe didin, diyar kirin ew gelek caran bûne şahid ku fermandarên Tirk gelek caran bi leşkeran re ketine nîqaşê, gotine ji germayê û çalakiyan bêzar bûne, nema dixwazin bimînin. Ji bo ku leşkerên xwe motîve bikin, artêşa Tirk ku hewl dide derbê li gerîla bide, weke li qadên din ên şer, li Wwerxelê jî rûyê xwe yê herî gemarî nîşan dide.
Şerê giran ê 8-16’ê Hezîranê û çalakiyên gerîla nehişt ku leşkerên Tirk bikaribin nêzî tûnelên şer bibin. Artêşa Tirk her çendî her şev bi helîkoptêrên Skorsky leşkeran deyne jî, yek leşkerê xwe jî nekariya ku xwe nêzî kozik^ne şer ên gerîla bibe.
16’ê Hezîranê rêbaza şerê qirêj hate sazkarkirin û cara pêşî gaza jehrî hate bikaranîn. Xwe nedan şerê dijî gerîla, giranî dane gazên jehrî û teqemeniyên ku bi ser tûnelan de berdan. Artêşa Tirk ev teqemenî li qada Cîloya Biçûk a Zapê jî bi kar anîbû, teqemeniya wan ketibû destê gerîla. Bi eynî rêbazan artêşa Tirk dixwaze li Werrxelê jî encamê bistîne lê ev rêbaz jî pûç derket. Piştî şerê li Mamreşo, Aris Faris, Mervanos, Doa Maran, Dola Konferansê gerîla li dijî hemû arestebûnê dijmin rêbazek danî û êrîş pûç kirin.
Dema ku artêşa Tirk bi van rêbaan jî ti encam nestand 16’ê Hezîranê li dijî gerîlayên ku li tûnelan li ber xwe didan bi rêbazeke hovene êrîş anî. Ji devê tûnelan benzîn berda, agir avêtiye û hewl da ku gerîlayên li hundir bişewitîne.
Şewitandina bi benzînê, bi gaza kimyewî fetisandin, di vî şerî de tenê çeng rêbazên ku artêşa Tirk a barbar bi kar tîne. Artêşa Tirk eynî rêbaz beriya niha jî ceribandine û dîroka xwe ya şer a gemarî dubar dikin. Di berxwedana xwerêveberiyê de li jêrzemînÊn Cizîrê çawa ku berxwedêr bi saxî şewitandin, niha jî eynî rêbazî li dijî gerîlayên azadiyê yên Kurdistanê bi kar tîne.
Hêzên gerîla yên ku li Werxelê bi cih bûne bi girtina dîmenan tiştên ku têne jiyîn bi belge dike. Weke ku di dîmenan de jî xuya dibe li dora tûnelan ti tevgera leşkeran nîne lê şelîtên teqemeniyan ku ji jora tûnelan berdane xuya dikin.
Di dîmenan de her wiha xuya dike ku artêşa Tirk çawa ziyanê dide sirûşta Kurdistanê. Leşkerên Tirk sond xwarine ku li Avaşînê ku bi daristan û şînahiya xwe tê zanîn yek darê jî nehêlin, bi bombekirina li derdora tûnelan ziyaneke mezin didin sirûştê.
Gerîlayên ku li Avaşînê li ber xwe didin, dibêjin artêşa Tirk ti kêliya vî şerî bi gerîla re neketine şer. Leşkerên Tirk nikarin bersivê bidin çalakiyên gerîla jî, dema çalakiyê bêyî ku guleyekê bavêjin direvin. Ji tiştên ku dikin tişta ku dimîne tenê teqemeniyên wan ên ku kêrî tiştekî nake, benzîna wan ku beleheq diçe û gazên wan ên jehrî..
