BEHDÎNAN – Endama Komalên Jinên Ciwan Dorşin Koçerin Avesta di çarçoveya pêngava KCK a “Dem Dema Azadiyê ye”, pêngava jinên ciwan a “Em dibêjin NA” nirxand û da diyarkirin ku azadiya Rêberê Gelan Abdullah Ocalan azadiya tevahî jinan û civakê ye.
Dorşin Koçerin Avesta hemû şervanên Cenga Heftanînê silav kir û şehîdan bi rêzdarî bibîr anî. Avesta da diyarkirin ku roja 9’ê Cotmeha 1998’an komploya navnetewî li ser Rêberê Gelan Abdullah Ocalan destpê kiriye û ev roj, ne rojek ku destpê kiriye û xelas buye. Avesta balkişand ser tecrîda girankirî a li ser Rêber APO û destnîşan kir ku ev komplo û tecrîd di şexsê Rêber APO li ser tevahî jinan û tevahî gelê cîhanê pêk hatiye.
Dorşin Koçerin Avesta di axaftina xwe dewiha komployê nirxand: “Dagirkeriyên heyî bingeha xwe ji tecrîda heyî digre. Ger tecrîda li ser Rêberê me rabe, ew dem tecrîd li ser hemû gelan radibe, tecrîda li ser jinan wê rabe. Ji aliYê rêxistina me di 12’ê Îlonê pêngavek hate destpê kirin. Armanca serek a destpêkirina pêngavek wiha rakirina tecrîda li ser Rêberê me ye. Hemû gel û gelê cîhanê pêwiste tevlî vê pêngavê bibe. Rêberê me bi felsefeya xwe, jiyana xwe û îdoelojiya xwe hemû gelê cîhanê bandor kiriye. Rêberê me ne tenê Rêberê yek gelî ye, Rêberê hemû gelê cîhanê ye, ji ber Rêberê me rêberekî gerdûniye.”
Avesta destnîşan kir ku azadiya jinan bi azadiya Rêber APO re girêdayî ye, û wiha got: “Rêberê me bi felsefeya xwe a jiyanê, felsefeya azadiya jin afirandiye. Pêwiste hemû jin li vê felsefeyê xwedî derkeve, û li ser riya Rêber APO têkoşînê bilind bikin. Sîstemên heyî li ser hemû jinan zext û kedxwariyek cîddî dide meşandin. Ji ber vê dem hatiye ku hemû jin beşdarî pêngava “Li dijî şikandina jinê, dem dema azadiya jin û civakê ye” bibe. Bi vê pêngavê pêwiste em jina azad û civakek azad biafrine. Bi vê re girêdayî rêxistina Komalên Jinên Ciwan pêngava “Em dibêjin NA” dabû destpê kirin. Bi vê pêngavê pêwiste em vê rastiyê derxînin holê. Li her derê pêwiste ciwan û taybetî jinên ciwan bibe pêşeng, em di pêvajoyek wusa de ne. Çawa di hemû pêvajoyên berxwedanê de ciwan û jinên ciwan rola xwe a pêşengtî leystiye, pêwiste di vê pêvajoyê de jî bi erka xwe a pêşengtî rabe. Di demên dawî de li ser jinên ciwan polîtîkayên xelaskirinê bi awayekî befireh tê meşandin. Bi wan polîtîkayan dixwaze di şexsê jinên ciwan hemû civakê xelas bike. Dixwazin dîsa di şexsê jinên ciwan exlaqê civakê tune bikin. Jinên ciwan pêwiste li dijî wan kîryaran dengê xwe bilind bikin, û li dijî wan polîtîkayan Bêje NA. Pêwiste dijî wan polîtîkayan tevna rêxistinbûyina xwe ava bikin.
Dorşin Koçerin Avesta diyar kir ku tecrîda li ser Rêberê Gelan Abdullah Ocalan rewşeke ku naye qebûl kirin e, û taybet divê jinên ciwan vê tecrîde bişkine. Avesta axaftina xwe wiha bidawî kir: “Em ji tecrîdê re dibêjin NA, ji dagirkeran re dibêjin NA, em ji polîtîkayên li ser jinan yê destdirêjî, destavêtin, fuhûş û qetlîamên li ser jinan û zarokan dibêjin NA. Ger li dijî vê rewşê berxwedanek pêş bikeve, dê zextên li ser civakê bidawî bibe. Di çarçoveya vê pêngavê de xwe û civakê birêxistinkirin û xwedî derketina vê pêngavê giringek xwe a taybet heye. Divê bi taybetî jinên ciwan hin bêtir xwedî li vê pêngavê derbikeve, li ser vî esasî em dibêjin NA.”
