SILÊMANÎ – Ciwanên Welatparêz û Jinên Ciwan ê Tekoşer, di 30 Hezîranê li Qendîlê bi şîyara “Ji Bo Kurdistanekî Yekgirtû û Azad Faşîzm û Dagirkerî BIRÛXÎNE” Pêngava Seferberiya Heftanînê ragihand.
Piştî Pêngava Seferberiya Heftanîn, gelek komên ciwan û ciwan îlan kir ku amadene tevlî seferberiya Heftanînê bibin.
Di vê çarçoveyê de Endamê Komîteya Rêvebir a PKK Dûran Kalkan, Pêngava “BIRÛXÎNE” ya Seferberiya Heftanînê slav kir û bangawaziya ciwanên Başur kir. Piştî bangawaziya Dûran Kalkan, 5 ciwan xwe gîhand qadên çiya û tevlîbûna xwe ji gerîlla re ragihand.
Endamê Ciwanên Welatparêz Hewrê Melîk, li ser Pêngava Seferberiya Heftanînê de nirxandin kir û bangawazî ji bo Seferberiyê kir.
Hewrê Melîk, di axaftina xwe de balkişand ser ev mijaran û wiha axivî:
“Di nava meha Hezîranê dewleta Tirk a dagirker, bi navê cûda cûda li herêmen wek Bradost û Heftanîn, taybet Heftanîn dest bi êrîşên xwe yên dagirkeriyê kir. Ev êrîşan li ser gelê Kurd qonaxekî bu ji bo qirkirinê. Gerîllayên Azadî bi hemû hêz, bawerî û îradeya xwe ve bi dagirkeran ve rû bi rû mam û derbên giran li dagirkeran dan. Dan diyar kirin ku êrîş kirina ser axa Kurdan ewqas hêsan nîn e.
‘DIJÎ DAGIRKERÎ Û ÊRÎŞAN ME SEFERBERTIYÊ RAGIHAND’
Me Seferberiya Heftanîn ragihand û ji Ciwanên Başûr û tevahî Ciwanên Kurdistanê me bangawazî kir ku ji bo Heftanîn seferber bibin. Ji ber ku Başûrê Kurdistan di rewşekî metirsîdar re derbas dibe. Dagirkerî bi Heftanîn nerawestiyaye. Li Silêmanî jî çend dewerên dîtir jî dewleta Tirk a dagirker êrîşên xwe berdewam dike. Sîvîlan dike armanç û şehîd dixe. Em li hember ev metirsiya Seferberî îlan kir. Li Heftanîn berxwedaniyek pir mezin yê gerîllayan heye.
Gelê me yê Başur divê taybet bi hişyar bin. Êrîşê dagirkeriya Tirk tenê li Heftanîn nîn e, êrîş tenê bi leşkerî ne sînordare. Êrîşên kulturî jî hene. Êrîş di her malê de heye. Dagirkeriya Tirk bi qonax qonax çanda xwe li ser me ferz dike. Divê çarçoveyê de jî em hişyarî dikin.
‘KAMPANYAYA ÎMZEYAN DESTPÊ KIR’
Di çarçoveya Seferberiya Heftanîn de me destpê kampanyaya îmzeyê kirine. Dagirkeriya Tirk sînor derbas kiriye. Dewleta Tirk a dagiker ewqas rehete ku dibêje em tê malên xwe.
Me wek hamleyekî dîplomatîk jî li gel partiyên siyasî, parlementeran û siyasetmedaran daye destpê kirin. Kar û xebatê me yê bo Heftanîn rastî nîşandanek baş hatiye kirin. 15 hezar îmze hatiye kom kirin. Em ê ev xebat bidomînin. Parlementerên Irak û Herema Kurdistanê jî piştgiriya aşkere kiriye. Serdanên me berdewamin. Di civakê de di her alî de jî piştigiriyekî mezin heye. Em dixwazin li ser Parlemento zextekî avabikin, di vî zext û piştiriya ku me girtiye em dewleta faşîst ya Tirk ji axa xwe derbixin.
‘CIWAN PÊŞENG E, BILA BI ERKA XWE RABIN’
Di hemû civakan de ciwan pêşenge. Xeteriyê dibîne û dikeve tevgerê. Em jî bi vî radibin. Em dibêjin êrîşên li ser Başurê Kurdistanê digêhêje nav bajaran. Divê ev negihije nav bajaran. Pêwiste hemû Ciwan bi erka xwe rabin û tevlî seferberiyê bibin. Encax wusa bikare axa xwe biparêzin.
Em bangawazî li tevahî ciwanan dikin ku em ji bo dagirkeriya Tirk sînorekî daynên da ku neyên ser axa me.”
