NAVENDA NÛÇEYAN – Navenda Ragihandinê ya Yekîneyên Parastina Gel (YPG) bi daxuyaniyeke nivîskî nasnameya şervanekî xwe yê şehîd eşkere kir.
Daxuyaniya YPG’ê wiha ye;
“Rêhevalê me Diyar Efrîn dema ku li ser erka xwe bû, roja 13’ê Sibatê li Helebê di encama nexweşiyekê de şehîd bû.
Hevrê Diyar Efrîn yê ku li Efrînê di nav malbatek welatparêz de ji dayîk bû û mezin bû, ji berxwedana dîrokî ya li Efrînê bandor bû û di nav refên şoreşa azadiyê de bi awayek çalak cîhê xwe girt. Hevrê Diyar, bi sekna xwe ya dilnizm, kesayeta xwe ya kedkar her tim bû xwedî sekneke pêşeng ya têkoşer.
Nasnameya hevalê me yê şehîd wiha ye;
Nasnav: Diyar Efrîn
Nav û Paşnav: Ehmed Kedro
Navê Dayikê: Elîf
Navê Bav: Xelîl
Cihê Ji Dayikbûnê: Efrîn
Cih û Dîroka Şehadetê: Heleb / 13’ê Sibat 2020
Em di şexsê hevrê Diyar Efrîn de hemû şehîdên leheng bi rêzdarî bi bîr tînin. Em di serî de ji malbata şehîdê xwe re û hemû gelê xwe re sersaxiyê dixwazin.”
