BEHDÎNAN – Hevserokatiya Konseya Rêveber a KCK’ê têkildarî hewldana pêşxistina yekîtiya netewî û kongreya netewî ya hunermend û rewşenbîran dabû destpêkirin daxuyaniyek nivîskî da.
KCK’ê got: “Di salên dawî de rewşa ku gelê Kurdistanê yên li hemû parçeyan rû bi rû dibin, hesreta yekîtiya netewî û kongreya netewî ji herdemê bêhtir bilind kiriye. Bi taybet dewleta Tirk a yek ji dijminê herî hov ê gelê Kurd e di deme dawî de helwest, êrîş û dagirkeriya li Rojava ji bo yekîtiya netewî û gavavêtinên berbiçav kiriye ku bibe yek ji rojevên bingehîn ên gelê Kurd a ji bo Kongreyeke Netewî.
KCK’ê di dewama daxuyaniya xwe de ev got: “Xwedîderketina yekîtiya netewî ya hunermend û rewşnebîrên berdevkên hest û wijdana gel in, ji bo yekîtiya netewî ya ku ji bo hemû gele Kurd bûye hestekî netewî, bûye xwedî sûdekî mezin. Di tevahî dîrokê de hunermend û rewşenbîr ji bo hesterên gelan her tim ên pêşî wan anîne ziman, xwedî lê derketine û berdêla wê dane. Hunermend û rewşenbîrên Kurd bi vê sekna xwe ya ku bûye xwedî mîsyoneke dîrokî îro hestê netewî ya yek jî pêwîstiyên herî bingehîn ên gele Kurd e, pêk aniye. Bi vê yekê rastiya hunermendan a hestên herî xweş ji nû ve derxistina holê carekî din raxistiye ber çavan.
Hesreteke herî mezin a gelê Kurd yekîtiya netewî, nepêkanîna vê ya partiyên siyasî û hêzên din, di warê têkoşîna azadî û demokrasiye ya gele Kurd tê wateya birîneke ku tim xwîn jê were. Ji ber ku dijminên gele Kurd û hêzên qirker herî zêde di van rewşan de sûdê jê digirin û serweriya xwe ya li ser Kurdistanê didomînin. Mîna gotina feylezofekî, hêza yên stranan dihilberînin ji yên hiqûqê çêdikin, yanî hêza wan ji ya siyasiyan her tim zêdetir e. Me careke din jî dît ku hunermend û rewşenbîrên Kurd xwedî li hesreta yekîtiya netewî û kongreya netewî derketin. Bi xwedîderketina hunermend û rewşenbîran yekîtiya netewî derbasî qonaxekî nû bû. Êdî rojeveke yekîtiya netewî û kongreya netewî ku zextê li hemû partiyên siyasî û hêzan bike heye. Di vê wateyê de hunermend û rewşenbîrên ji çar parçeyên Kurdistanê tevlî meşa civîna Lozanê û konsere bûne pîroz û silav dikin.
Rojevkirina yekîtiya netewî ya hunermend û rewşenbîran bi meşa yekîtiya netewî ya 7’ê Kanûnê ya li Ewropayê re hê zêdetir bi hêztir bû. Em amadekar û kesên tevlî meşê bûne silav dikin. Ev hewldan xebat û hewldana kesayet û saziyên ji bo yekîtiya netewî û kongreya netewî jî bihêztir dike. Ev hewldanên ku hunermend û rewşenbîr hêz bi dest xistî, wê her cûre astengî û helwestên qels ji holê rake. Xebatên yekîtiya netewî û kongreya netewî ya sala 2013’an destpê kirî, divê di demê pêşiya me de bi teqez bi encam bibe. Ji bo vê divê ev hewldan neyê rawestandin, divê li hemû parçeyên Kurdistanê bigihêje gavên şênber. Di vê çarçoveyê de xebatên rêxistinên demokratîk û hêzên siyasî yên li Bakurê Kurdistan û Rojava bi teqdîr pêşwazî dikin. Di hemû xebatên li derveyî welat û hemû parçeyên Kurdistanê bi rê ve diçe û encam digire wê ji bo yekîtiya netewî û kongreya netewî bibe hêzekî mezin.
Di wê baweriyê de ne ku wê xebatên yekîtiya netewî ya hunermend û rewşenbîr bi rê ve dibin, encamên baş bi xwe re bîne. Rojeva yekîtiya netewî ya xebatên hunermend û rewşenbîran diyar kir ku ne tene girêdayî siyasiyan e, da nişandan. Di vî warî de bang li hemû hêzên civakî yên demokratîk, dîsa rêxistinên jin û ciwanan, saziyên hiqûqî û kesayetan, her saziyên bawerî û rûspiyan, rêxistinên kedê, çapemaniya azad û demokratîk û hemû dostên Kurdan, hunermend û rewşenbîr xwedî lê derketin û destekê bidin yekîtiya netewî û kongreya netewî.
Em bang li partî û hêzên siyasî yên çar parçeyên Kurdistanê dikin ku wê ji bo xebatên yekîtiya netewî û kongreya netewî xebatên girîng bikin, em bang li hunermendan, rewşenbîran, hemû saziyên demokratîk dikin ku di serî de ya şehîdên me, ji bo bêrîkirina hemû derdorên civakî pratîze bikin bi rolekê rabin, di vê serdemê de ku ji bo dîroka Kurd pir girîng e, xebatên pêkanîna yekîtiya netewî û kongreya netewî geş bikin.”
