Li gorî îdayan dê 3 hezar û 500 endamên girêdayî OSO’yê li Kampa Penaberan a Midyadê bê bicih kirin.
MÊRDÎN – Kampa Penaberan a Midyadê par hatibû girtin lê der barê aqûbeta wê de nîqaş didomin. Hat îdakirin ku dê 3 hezar û 500 endamên OSO’yê li kampê bicih bikin. Parlamenterê HDP’ê Tuma Çelîk ê ku mijarê bir Meclîsê got: “Tirkiye dixwaze komên li Idlibê baweriya xwe bi wan tîne bîne kampê.”
Miduriyeta Giştî ya Îdareya Koçberiyê ku girêdayî Wezareta Karê Hundire di 31’ê tebaxa 2018’an de ji 5 kampên penaberan Kampa Koçberan a Midyadê ku welatiyên êzidî yên ji Şengalê lê diman hatibû girtin. Lê nîqaşên der barê aqûbeta kampê de didomin. Tê îdakirin ku dê endamên Artêşa Azad a Sûriyeyê (OSO) piştî bînin li kampê bicih bikin û bikin biryargeh.
Xebata nûkirina li kampê tê kirin hêj negihîştiye zelaliyê. Nayê zanîn bê ka ji bo çit ê amadekirin.
‘3 HEZAR Û 500 ENDAMÊN OSO DÊ BÎNIN MIDYADÊ?’
Parlamenterê HDP’ê yê Mêrdînê Tuma Çelîk ku mijarê dişopîne bi gumana ku dê endamên OSO’yê bînin li kampê bicih bikin mijarê bir rojeva Meclîsê. Çelîk mijara kampê ronî bibe pêşniyazpirs da Wezîrê Karê Hundir Suleyman Soylu û xwest bibersîvîne. Çelîk pirs kir ku îdaya dê 3 hezar û 500 endamên girêdayî OSO’yê ku li cih bikin rast e?
Çelîk xwest mijar bê ronîkirin û got: “Kampê ji AFAD’ê sitendin û xistin bin kontrola TSK’ê. Me agahiya ku dê endamên OSO’yê bînin bicih bikin ji şêniyên herêmê wergirt.”
‘DIXWAZE KOMÊN BI BAWERIN BÎNIN’
Çelîk der barê mijarê de wiha got: “Serokkomar Erdogan û Wezîrê Parastinê Hulusî Akar li her deverê dibêjin ‘em ê mudaxeleyî Bakurrojhilatê Sûriyeyê bikin. Em endîşe ne ku piştî vê destwerdana muhtemel endamên OSO’yê bînin liv ê herêmê bicih bikin. Em difikirin ku wê vir wek mudaxeleyekê bikar bînin. Tirkiye li Idlibê tengav bûye. Tirkiye dixwaze komên li Idlibê baweriya xwe bi wan tîne bîne kampê.”
‘EM RAST NABÎNIN’
Çelîk da zanîn ku ew ê bibe şopdarê mijarê û got: “Anîna van kesên li Sûriyeyê li dijî gelan şer kirin û bînin li Midyadê bicih bikin em rast nabînin. Ji bo tiştek wiha pêk neyê çi ji destê me were em ê bikin.”
