Serhed: Tekoşîna azadiyê di nava 40 salan de ku bi pêşengtiya ciwanan dest pêkir ber bi serkeftinê ve diçe.
NAVENDA NÛÇEYAN – Endama Kordînasyona PAJK’ê Ronahî Serhed ji ajansa me ya Nûçe Ciwan re axifî û bang li ciwanan kir ku tevlî nava refên azadiyê bibin.
Serhed di destpêka axaftina xwe de wiha got: Me tevgera azadiya jinên Kurdistanê û di heman demê de tevgera giştî, bi rihê ciwanan û di heman demê de bi îradeya ciwanên apocî me dest pêkir, 40 sale tekoşîna me ya azadî gihişt serkeftinê, anha me qonaxeke nû dest pêkir, ev şerê şoreşgerî yê gele, di destpêka tevgerê de jî yê ku rih da gel û ew zindî kir, ciwan rekirin ser piyan û kirin pêşeng, ev bi tevlîbûna ciwanan pêk hat.
Ji ber vê yekê Serokatî got “Me bi ciwantî dest pêkir emê bi ciwantî bi ser kevin”, niha em di qonaxeke hesas û pir giring de derbast dibin ji bo vê yekê erkê dîrokî yê demê li pêşiya me ye, eger em di vê qonaxê de pêşengtiyeke rast bi ciwantî nekin bê gûman hedef û armancê me pêk nayê. Hemî pirsgirêkên ku niha kom bûne û di serî de azadiya Rêbertiya me, azadiya gelan û di heman demê de azadiya jinan bi vê şoreşê çareser bibe.
Serhed axaftina xwe dewam kir û got ku: Bê gûman ciwanên kurd, gelê kurd tekoşînekî bi nirx heta niha da, gelê din yê bin dest şoreşa xwe pêk anî, lê belê sîstema kepîtalîst modernîte van şoreşê sosyalîst bin pêxist. Niha di giştî cîhanê de temsîla sosyalîzmê em dikin, temsîla azadî em dikin, ji ber vê yekê hemî hêviyên gelan di mede kom bûye, ji ber wê yekê sîstema netew dewlet û yên empiryalîzm jî zêdetir li ser ciwanan kar dike, berî hertiştî mêjî û kesayeta ciwanan parçedike, naxwaze bibe pêşengê gelê xwe, naxwaze bibe şoreşger.
Ji xwe ciwan ji hebûna xwe ve şoreşgerin, dema em li dîrokê meyze bikin di sala 1968an de tevgerên ciwanan ji cîhanê re serkêşî kir, dîsa yên ku di salê 1970 de bi Serokatî re destpêkirn li tevahî cîhanê belav bû. Niha di hemî çeperên şer de ciwan hemî mafê xwe yê parastina rewa pêk tînin, dîsa ji bo avakirina sîstema konfederal demokratîk ciwan roleke xwe ya mezin dilîzin. Em çiqasî li ser riya rast bin jî dijmin ji bo îmha û înkar me xwe kilît kiriye û dixwaze careke din kompilo û tesfiye pêk bîne. Ji ber vê yekê êrîşên dijwar li ser Gerîla û gele dibe, ji ber ku naxwaze bi pêşengtiya xeta apocî gel cara yekem di dîrokê de bikhêjin azadiya xwe. Ji ber vê yekê herî zêde polîtîkaya qirêj li ser ciwanan tê meşandin, ev tişt jî tevahî bi riya sipor, hûner û çand, di eynî demê de dixwaze ciwanan bi tevizîne.
Eger di civakekê de ciwan mirî be ew civak mirî ye, eger di civakekê de ciwan bê îrade bin ew civak belave ye, em dizanin ku ciwan vê rastiyê baş dizanin ji bo wê yekê ciwanan di tengaviyê de dihêlin,
Endama Kordînasyona PAJK’ê Ronahî Serhed di dawiya axaftina xwe de bang li ciwanan kir ku tevlî nava tekoşîna azadiyê bibin û wiha dewam kir: Em dizanin ku 40 salan xeta ciwanan misogere, zelale, êdî ne ciwanên li Kurdistanê şiyar ne bûne xwe nas nakin, bilakis êdî dema em behsa ciwanan dikin xeteke pir zelal avabûye. Berî her tiştî ev şoreş bi serkêşiya ciwanan pêk tê ji bo wê yekê em careke din dibêjin çiyayên serhildêr ciwanên serhildêr dixwaze. Jinên ciwan û di heman demê de xortên ciwan werin em bi hevre cenga azadiyê xuirtir bikin, ji bo ku em heyfa Roboskî, Cizîr, Sûr, Helebçe, Şengalê û Kobanê rakin. Em heyfa Îmralî rakin, ev erkê me yê pîrozin, ji ber vê yekê em bawerin ku wê ciwan vê sînorî derbast bike û tevlî nava refên azadiyê bibe û di tekoşîna azadiyê de cih bigre.
