NAVENDA NÛÇEYAN- Komxebata ”Li Hember Tecrîdê û Tundiya li ser Jinê KOM BIBE!” ya Kantona Firatê di dîroka 13’ê Mijdarê de bi tevlîbûna jin, ciwan û saziyên di asta kantonê de pêk hat û li ser esasa 3 rojevan hat lidar xistin. Rojeva Yekemîn di çarçoveya tundî û tecrîda ku li ser Rêber Apo tê meşandin de, Rojeva Duyemîn tundiya li ser jinê û Rojeva Sêyemîn çareseriya tundiya li dijî jin, zarok û zindiyan nîqaş hatin meşandin. Di komxebatê de Mala Jin, Psîkolog û Fermandariya YPJ cih girtin û nirxandinên di derbarê tundîtî, bîlançoya tundiya li ser jinê û rêbazên parastinê hatin kirin. Di encama komxebatê de xalên ku hatin diyarkirin ew bûn:
*25’ê Mijdarê Roja Navneteweyî ya Têkoşîna li Dijî Tundiya li hemberî Jinê ya ku bi bîranîn û têkoşîna Xwişkên Mirabel ên di sala 1960’an de li Domînîkê dema li dijî dîktatoriyê li ber xwe didan hatin qetilkirin bûye sembol, bi hêrs û berxwedana jinên ku îro tên qetilkirin pêşwazî dikin. Em têkoşîna xwe ya li dijî qirkirina jinê bi mîrateya ji Mirabelan heta îro, em azadiya jinê bi jiyana demokratîk pêşbixin.
* Her sal li seranserê cîhanê herî kêm 80 hezar jin bi şideta mêran tên qetilkirin, li dijî jinan şerekî vekirî tê meşandin. Di asta ku em gihîştinê de, li seranserê cîhanê erdnîgariyek nemaye ku têkoşîna jinê tê negihîştibe. Lê belê sîstema cîhanî ya ku vê yekê wekî xetere dibîne, di deh salên dawî de li her deverê êrîşî destkeftiyên jinan kiriye. Em dizanin ku li pişt “mirinên jinan ên bi guman” ên di salên dawî de wekî întîhar zêde bûne, kiryarên mêr hene.
* Şideta li ser jinê ne meseleyeke malbatê ye, pirsgirêka sîstema serweriya mêr e. Her roj jin, li malên xwe ji aliyê kesên herî nêzîk ve rastî şideta zayendî, aborî, psîkolojîk û fîzîkî tên. Perdeyek nedîtbar li ser vê şidetê tê kişandin; şideta nav malê hîn jî pir caran ji şidetê jî nayê hesibandin. Ji ber ku em dizanin şer, li vê erdnîgariyê herî zêde jiyana jinan û zarokan hilweşand. Bi hezaran jin hatin qetilkirin, îşkence dîtin, bi zorê ji cih û warên xwe hatin kirin; bedena jinê, ked û nasnameya wê kir hedef. Bi polîtîkayên şerê taybet hat xwestin ku jin ji nasname, bawerî û jiyana xwe bên qutkirin.
* Em Pêvajoya Aştî û Civaka Demokratîk, a ku di 27’ê Sibatê de bi banga Rêber Apo dest pê kir, ji têkoşîna azadiya jinê ya ku em li dijî sîstema serwerî û desthilatdarî cûda nabînin. Di çarçoveya hemleya azadiya fizîkî ya Rêber Apo û kampanyaya ”Bi Hevaltiya Komînal bi Rêber Apo re Bijî!” li hember zihniyeta zayendperest û desthilatdar têkoşîn were meşandin, hem zanebûn div ê mijarê de were avakirin û hem jî xurtkirina rêxistinbûna jinê dê bibe armanceke esasî.
*Girêdayî vê yekê komînên jinên ciwan avakirin, perwerdeyên parastina cewherî rêxistinkirin û semînerên ku zanebûn di mêr de ava bike were bernamekirin û rêxistinkirin.
Yekîtiya Jinên Ciwan ya Kantona Firatê
